أحنك مثل ما أحن نفسي من الوسواس
وأحبك محبةٍ شايب لأول أحفاده
أمانتك لاتنسى أسمي أن غابوا الـجلاس
أنا طالبك لاطـول غيـابنا نـاده
حـبيبك لـو إنه في ديـار الهوى عـساس
يشوف الدروب اللي تودي لك بلاده
وش أسوي إن زاد الحكي في عيون الناس
وأنا كل يوم أحـبك أكـثر مـن الـعادة
عسى ماحصل يفداك يالخاطر الحساس
ويفدى مشاريهيي ليا جات منقاده
حبيبي عليك من الرضا واليقين لبّاس
وعلي الصبر حتى الوصل يبلغ مرّاده
تعلقت فيك وشفتك من الحياه أساس
وعلقتني لين الحياه أصبحت سـاده
أدف الخطاوي كل ما تاقف الانفاس
على كل ذكرى تشلع القلب ب أوتاده
تدللي وأعملي لي ماتحاسنتي
يرضيك والي يجيني منك يرضيني
في منزلٍ مامسك مفتاحه الا أنتي
ولا أدري تحسين ولا ماتحسين
كانك تحسين فأنتي ماتعاونتي
غير أحتلالك لقلبي وش عطيتيني
ياكثر زينك لو أنك ماتـزينتي
مدري مزينك رب البيت في عيني
لـحقني غـلاك ومن جفاك الي يرق الـحال
مثل ما كّني أشوف الحزن في طرفك الغافي
يـروح الي يـروح مـن الـعمر والي بـقى لازال
ويـبين الي يـبين من الـغلا والخـافي الخـافي
هذا نبض الشعور الي كتبته لك على أستعجال
فديت أسمك ولبى معدنك يالمـعدن الصافي
غيرك لو أنه فرش فـ دروبي ورود
وفـرض قبل مقـدريته أحـترامـه
أقـول لـه مـاعلى مشـاعـرك زود
لكن أنت خلك على فراش الكرامه
أما أنـت ولا بـلاش معاشر الخـود
ماني مـبدل شـدادي بـالمسامـة
مايموت الشوق لو قل الوصل
وما يهز القلب زلزال الـظروف
وأنت داري في محبتنا أصل ، ولو
يطول الصـمت لايـلحقك خوف
والـغـلا بـالقـلـب والله متـــصل
ثابت ثبات مثل الأصابع بالكفوف