أنت تدري ما على الأرض منك أغلى و أحب
و أنا داري ما على الأرض غيري تهتويه
من يحبك يقعد العمر كله ما يحب
لو تجيه "حمول الأيام" فاللي يشتهيه
معك ما فالصدر غاية ولا فالراس حَب
تنّسى "الغايات" و الحَب سلم لي عليه
ياجرك ربي بغلقٍ غدى عقبك رَحب
كثر ما خففت عنْه وكثر ما جدت فيه
3
914
يسوقني لـ أيامك الحلوه حنينٍ و إشتياق
وفي كل شيء له من أيامك أحبه وأعشقه
أنشهد ان البعد لا من صار من غير اتفاق
كنه يقود العاشق المجروح صوب المشنقه
1
4
862
أنا أكثر السكّات وأكثر من يسولف بالعيون
سعيد لأن أكثر خساراتي ما كانت من يدي
لولا الهقاوي ما عرفنا الصالحون السيئون
عيب الليالي ما تشين الا على صدر أجودي
صحيح من قال البشر ماهي على حسب الظنون
كنت أحسبك طيّب وتحسبني على ظنّك ردي
1
2
459
يكفي إني مالحقتك بنقصان
وحتى الخطا منك قبلته وعذرته
وعلى كثر ما صابني منك خذلان
إلا إن قلبك بالجفى ما كسرته
حاولت أداري خاطرك قدر الإمكان
ويا للأسف طيبي جحدته ونكرته
روح والدرب وساع والطيب معان
ولا تلتفت في قلبي اللي دمرته
على الله لو يروح اليوم كله بين حزن وياس
وأنا ماحب كسرة نفسي وماداني خضوعي
وأنا أتعبني السّهر وأرهقني التفكير والهوجاس
مضت حول الثلاث أيام دمعي مغرقٍ كوعي
بلاني ربّي بقلبٍ صخر وبخاطرٍ حسّاس
مابین أمسح غلا الغالين وبين أمسح دموعي
1
1
316
ماني مخالف على حكم الأقدار
هذا نصيبي بالدنيا وانا قبلته
ما باليد حيله ولا على كيفي اختار
لكن حظي … والقدر ما توقعته
يالله لا تحملني فوق ظروفي اضرار
مابقى هم في حياتي الا حملته
إشكريني يوم أحنّك من كبار الذنوب
و إعذريني يوم أزيدك مع العنوه .. عنا
الضمير الحيّ نوعٍ من أنواع الحروب
" يا ضمير مدور المصلحة نوم الهنا "
ما قدر يكسب محبّتْك يا الظبي اللعوب
غير أنا وأعوذ بالله من كلمة أنا
4
713
لو غبت في ذمتي ماخاب بك ضني
تستاهل يروح عمري لك و أنا ناطر
لا جابك الحزن في بالي ضحك سني
حتى الحزن لادخلته تجبر الخاطر
و لا لي بالبشر غاية ولا لي بالثرى أوتاد
خفوقي حر و أتبع ما يعز النفس و أرضيها
ولا مني عشقت أعشق شبيهي لو هواه جهاد
و أعاف اللي تذلل بالمحبة من بلاويها
تركت أحلام واجد لأنها في ناظري أقیاد
و أنا ما أرضى القيود اللي تشل الروح بيديها
ان وقّفت في وجهك الدنيا على ركبه وساق
انا على إستعداد اولف لك على الجد الهزل
أهم شي المبسم المعسول منطوق ومذاق
ما يصبح إلا من خيوط النور يسحب ويغزل
الحب تنكره القلوب السود من كثر النفاق
ولا القلوب الخضر عايشة عليه من الأزل
والله إنّي ما أتعنّى في رضا اللي ما يبيني
لو يرفّ القلب شبّيت بضلوعي واكتويته
العمر مرّة وإذا ما طالت العُليا يديني
أبتر الثنتين شيمة روح عزٍ مستميته
الضعافة، مالها عندي قبولٍ ولا تعنيني
والردى، شفته على غيري يهول ولا هويته
ما مشيت الا وأنا عايف وعندي يقين
القلوب إن ذاقت الغبن ما هي لاينه
رحت لا مكسور خاطر ولا شكلي حزين
وحافظٍ قلبي من العابثين و صاينه
2
225
