مَحْظورٌ

وين ما اصد ضرابه شتايم سب هذي تشتكي على هذي ! هل هذي اخلاقنا؟ هل نحن تعودنا ان الاساءه نرد عليها باساءه مشابهه؟ هل هذي هي البطوله يعني من يسب ويشتم اكثر؟ كم قلنا خل الاساءات توقف عندك وترفع ولا تنزل للقاع ومستنقع الالفاظ البذيئه، ولا تفتح مجال ان يسبونك انت او بلادك وحكامها وحتى يتعرضون لعيلتك وعيالك، ما يصير ترد عليهم تسبهم وتترياهم يحذفونك بالورد طبيعي بيسبونك ؟ تغلطين على زباينج من دوله ثانيه ولما تنصدمين ان عيال بلادج مارضوها لانج تضرين بنات بلادج التاجرات تروحين ترفعين قضايا عليهم ! طيب انتو اللي عندكم تفاعل بحساباتكم ومتابعين وتفرون اليمر بنص تويتر عشان اللايكات والرتويت هل بتدقون صدوركم في مراكز الشرطه لما بينسحب ولد بلادك لانه تحمس بسببكم وشتم وغلط!! هذا مش سنعنا نحن ولا بعمرنا كنا جذه ، دايما نترفع عن القاع ودايما عيال زايد محل تقدير ويضربون بهم المثل في اخلاقهم وادبهم وسنعهم وحتى ردات فعلهم، ما ياز لك الكلام بلوك والعين ماتشوفهم، شو بتستفيد لما تسبهم ويسبونك وترجع تسب ، الملفات السياسيه تنحل في بين القاده مش في تويتر فاذا مفكر انك بسبك بتحل الموضوع سياسيا فراجع نفسك كل شي بتسويه هني بيقولون (الاماراتي) بتسب، بتغلط، بتعاير احد، بتشتم ، بتتلفظ باي كلمه بيقولون هذا هو الاماراتي اذا انت تقول انا ولد زايد، اتحلى باخلاق زايد ..👌🏻