حمود احمد retweeted
لا ياخذكْ بيديه الزعل يا أخر الخلان
تقبّل على شان المحبه .. معاذيري
انا ما تبعت الا الله المعطي المنان
ولا ودي ابيّن لـ طاعتْه تقصيري
تحملت زلت كل مخطي وكل لسان
وتقوّيت لين استسهلتلي مقاديري
واذا علّق الانسان رجواه بـ الانسان
يا قلبي على ربي رجاي وتدابيري
كتبت القصيد لـ عنق غاده وبنت حصان
ولقيت أكثر اللي يكتبونه .. جماهيري
يا منصى البيوت ومدهل الضافي الهتان
تغنيّ طرب وان مال عودك كثر خيري
لقيتك .. وانا بين التوجاد والحرمان
واخذتك وشفت بوجهك الغض تيسيري
احبك واحب اللي تقولين مهما كان
واعلق على صبحٍ يجيبك .. تباشيري
لو احاول ادفّ الطواري على النسيان
انا اشوفك بْـ كل الطرق في مشاويري
عسى وجهك الراضي فدا وجهك الزعلان
وعسى صوتك المبحوح ما يسمعه غيري
حمود احمد retweeted
ما يسهر الليل قلب الداله السالي
ما يسهر الليل غير اللي قسى وقته
يصحابي المبدعين مْن اول وتالي
مافيكم اللي تجرّع نص ما ذقته
من لوعة الانكسار لـ غيبة الغالي
ومن حلمي اللي طردته لين حققته
اصدد الضيق وارسم لـ اكبر امالي
طريقٍ ارهق مساعييّ ولا ارهقته
انا نديم .. النديم اللي على بالي
والله لو انه يسولف كذب صدقته
اعانقه شوق لين استنكر افعالي
مافيه نشوه مثل نشوة معانقته
كان اقرب أنسان واقربلي من ظلالي
وسلمت قلبي .. ورافقني ورافقته
وكنت اكتبه فـ القصيد العذب ما أبالي
وان مرني قاف جبت القاف واطرقته
والحين عشت الحياه المره لحالي
ما عاد احب القصيد ولا عمالقته
اواسي البال واتبّع جرة اهمالي
حتى الحزن يوم فارقته ما فارقته
اشوالي الحب ولا الفرقى اشوالي
يـ مجمعين الشعور ويا مفرقته
حمود احمد retweeted
من ضيقة البارح عجزت اتصرّف
والخاطر الي عقبك الله وكيله
كنّه كتابً للنصارى محرّف
ماهوب يعرف ضايعه من دليله
الليل ماني صاحبه لين طرّف
والصبح جمره والتراب المليله
لو ماسهى قلبي ولا الشوق ذرّف
يمدي تشوف العين مثل المخيله
الواقع مقصر معي واتشرّف
ماقصر الا بالدروب الطويله
خليتلك باب المواصل مطرّف
لاتقطعين مواصلك ياجميله
علمني غيابك شعور التطرّف
لو اْن مالي بالجهاد وسبيله
ماهو محال اني بعْدك اتعرّف
انساك؟ هذي والله المستحيله
طيفك ليا مني تناسيت شرّف
الشوق يدفع والهبايب كفيله
مزاج غيرك لو غصونه تورّف
ماهو ب تسنيمً ولا سلسبيله
حطيت لك صورة وبرواز في رف
وان طاحت الدمعه بحقك قليله
فهد قليب الذيب
لله دركككك يا مبدععع👏🏻👏🏻👏🏻
يا حفيدة سادة المجد واكبار البخوت
بيّني لي لين اخلدك وزن وقافيه
واضحكيلي لين اكسّر مجاديف الشموت
القصايد بعض الاحيان ماهي كافيه
مانسيت اول لقانا بـ ظهر الجيلبوت
يوم جيتيني بلهفه .. ونية صافيه
كنتي اوسع عين واطول هدب وارق صوت
وانعم الترفات واحلا الوجيه اللافيه
فرصةٍ جتنا غنيمة وعيّت لا تفوت
اغتنمناها وشفت الفرص متقافيه
كل ما ملّتي تغنّاج .. فيك احيا واموت
كيف لو سلهمتي ام الرموش الضافيه
جعل تفداك العمايم وتفداك البشوت
يا العيون اللي لو اتفيق كنها غافيه
تستحقين القصايد ومن بد البيوت
بيت من فكره عظيمه وحبكه وافيه
منك يا حلوّ السوالف ويا مرّ السكوت
ومعك كل ايامي السود بيض ودافيه
ان ضحكتي زان حظي وذقت المرّ توت
وان بكيتي شان حظي وجاب الخافيه
دعوةً من صادق احساس في ساعة قنوت
جابتك .. لين احتضنتك وشفت العافيه
1
2
471
حمود احمد retweeted
يا حفيدة سادة المجد واكبار البخوت
بيّني لي لين اخلدك وزن وقافيه
واضحكيلي لين اكسّر مجاديف الشموت
القصايد بعض الاحيان ماهي كافيه
مانسيت اول لقانا بـ ظهر الجيلبوت
يوم جيتيني بلهفه .. ونية صافيه
كنتي اوسع عين واطول هدب وارق صوت
وانعم الترفات واحلا الوجيه اللافيه
فرصةٍ جتنا غنيمة وعيّت لا تفوت
اغتنمناها وشفت الفرص متقافيه
كل ما ملّتي تغنّاج .. فيك احيا واموت
كيف لو سلهمتي ام الرموش الضافيه
جعل تفداك العمايم وتفداك البشوت
يا العيون اللي لو اتفيق كنها غافيه
تستحقين القصايد ومن بد البيوت
بيت من فكره عظيمه وحبكه وافيه
منك يا حلوّ السوالف ويا مرّ السكوت
ومعك كل ايامي السود بيض ودافيه
ان ضحكتي زان حظي وذقت المرّ توت
وان بكيتي شان حظي وجاب الخافيه
دعوةً من صادق احساس في ساعة قنوت
جابتك .. لين احتضنتك وشفت العافيه
حمود احمد retweeted
رفيق المساري ودي اغيب عنك وكفّ
مشاريهك اللي ما سفى فوقها السافي
بقفي عن اسفاف المواقف وعني قفّ
ولا عاد اتحرى رجعتي عقب منكافي
انا صاحبك عند النوايب ملاذ وضفّ
وعند الرخى سلم على وجهي وكافي
مع اني لقيتك راسٍ اصوك ووجهٍ عفّ
وصدرٍ يضم اسراري ويحفظ اعرافي
ولاكن عجزت اللقاك غايه واشوفك شفّ
واحطك على يمناي وارقى لـ مشرافي
ادفّ الدقايق كل ما جيتني وادفّ
ملامي على صبري ووزني على قافي
حمود احمد retweeted
يا رفيقي بعد دجنا وساع الدروب
ولا شكينا مساريها ولا حرّها
صاحبك لاهو منافق ولاهو كذوب
مير بقعى تفره يوم .. ويفرّها
تدري انه عن اكبار المواقف ينوب
وتدري انه يسر الناس ويضرّها
عايشٍ فـ الحياه وغارقٍ فـ الذنوب
اللي اتشب فيني نار .. واتكرّها
صرت ادور عن الواقع وسيلة هروب
ودي ان كل لحظه مره امرّها
لا تعاتب وانا عبدً عجز لا يتوب
عن هوى اللي يباري خيرها شرّها
جادلٍ كنها الريم الجفول اللعوب
لا مشت تسحر اللي زينها غرّها
غربتني شمال وغربتني جنوب
كل ما قل شوقي .. ترسل اصورّها
بنت من يارد العد القراح الجذوب
فتنةٍ تستحق .. بـ قلبي اصرّها
كل ما درجت خطواتها دوب دوب
ما تمنيت غير اذوق محمرّها
كن ربي خلقها من نسيم الهبوب
جعل ربي يقويني على برّها
حالفٍ لـ اقضي الايام معها طروب
واتصايد هواها لين ما اسرّها
المحبه دوى الانفس وطب القلوب
ومن تجرع حلاها ما شكى مرّها
حمود احمد retweeted
شحّب وجه القصيد اللي طواريقه ترد الروح
و فتر حيل الحزين و سالت الدمعه على اوجاني
شريط الذكريات يجري الناصح على المنصوح
مثل ما تجرأ طيوفك عليْ و تنبش أحزاني
خسرت أحلامي الواجد و راحت معْك يوم تروح
هذا وانا قبل نص الطريق بـ عقدي الثاني
صحيح أني زعمت التوبه مْن الفضفه و البوح
لكن ماني نبيٍ يمشي المقدي ورا لساني
أنت ماني بقادر هدتك يالفاتن المملوح
دعيت الله ينجيني من إيدينك و نجّاني
كثر ما اخطيت في حقي و اقول لخاطرك مسموح
كثر ما عشت مجني راح عمره كنه الجاني
تناساني وخل الوقت يبري علة المجروح
ما أبي لك جيته ٍ مقصّدك فيها موقف انساني
حمود احمد retweeted
امتغاضي عن اللي جاز فيه التغاضي
كان ما عانك لسانك بـ جمله مفيده
كل ما جيت يا حلو النبا منت راضي
جامعٍ لك عذار و كاتبٍ لك قصيده
حمود احمد retweeted
يا رفيقي وأخر الحب مثل اللي تشوف
خل صدرك لـ الرعابيب منزال بدوي
المحبه تبتدي عند تلويح الكفوف
لا تقول ان الرياجيل تقدر تنطوي
هذا انا واقف مابين الرسايل والطيوف
ما معي نفسٍ صبوره ولا قلبٍ قوي
ما تدوم العشره اللي تقديها الظروف
كان ماهي بـ اجوديه وماهو بـ حموي
حمود احمد retweeted
في مثل هذا اليوم منذ سنه توفى والدي و والد الجميع رحمه الله وهذه أحدى قصائد الرثاء فيه •
من قسوة الوقت وظروف الزمان الظلوم
حطّتني ظروف وقتي بين كفينها
احيان اعافر بيوت الشعر و اقعد و اقوم
واحيان تطلع معي قدام …. تلحينها
ماني بضنوة ندم ولا ربوة رخوم
ميقافي اكبر من الهرجه و تزيينها
يابوي دمع العيون يِبل حتى الكموم
الضحكه اللي تسلي خاطري وينها !
مخابي الارض تبغي من يسد اللزوم
ماحصلت غير راسك يحتمي دينها
يانوم عين الحزين و ستر سر الكتوم
بالفزعة الي تجي لـ الناس في حينها
لميت شمل الرجال الي من أول خصوم
و فرقت بين الزنازين و مساجينها
تستر خمال القريّب مثل ستر الهدوم
وتملي عيون الرجال إن لدت بعينها
شاعر و من جيز شعار الجزيزة عموم
الا لا جا لازم الشعار بيدينها
ذراعك مشيخك ماهي بشيخة ختوم
يوم الرياجيل يدْيها براهينا
بالخوصة الحمرا اللي سايلة كل يوم
تْقلط اللي ذنبها مع كراعينها
ويوم الفعل ما ينال الا بفرك الخشوم
دار الكنانة تسولف بك ضلاعينها
فلكت بندقّك واللي فيه خوف مْخدوم
و أقدمت لـ المشكلة تعّدل موازينها
يعيش مجد الكريم اللي مشى بالسلوم
لو جثته فوق الارض اتقفي سنينها
بالسيرة الطيّبه على لسان القروم
بْطاري امجاده تعطر دواوينها
في حرب العرب ضد اسرائيل احد عسكر الجيش الكويتي من قبيلة العوازم هو الشاعر محمد بن ارشيد الشلواني العازمي طلب من السرية ان احد يرافقه يستخبرون عن اليهود والكل تردد
الا الشمري قام
فقال الشلواني :
الشمري ما كل شيء ٍ يهمه
اما خبل ولا خواله عمامه
#عوازم_الكويت
بداع غير مستغرب يا مبدعع👏🏻👏🏻
سمية السبع الطباق وبنت مروين الحسام
عسى يسليك السحاب اللي من البارح يهل
اللي علي اخلد اسمك كل ما سال الغمام
واللي عليك اتكفكفين الدمع لامنه استهل
سمحت عن وصلك وحالي زين واموري تمام
وانتي معاليقك ترحب فـ الجروح وتسفهل
ما لـ الوصل لذه لا صار البعد بوابة سلام
استصعبه واثره بعد ماذقت من جوره سهل
ما قد توقعتك تحديِن الرسايل والكلام
للحين انا واقف على جال الرسايل منذهل
معك الدقايق طعمها مرّ وثوانيها حرام
كن الليالي ماشيه فـ مواصلك على مهل
ما تستحقين الوصل والحب وشعور الهيام
نفسي من اللي شفتك منك عافت وقلبي كهل
دعيت لك دعوة تقينٍ طاف فـ البيت الحرام
عقب ما خلص من زحام الناس وقف وابتهل
اخطيت يا نفسي بحقك يوم دورت الغرام
وجهلت واجد يوم انا رجال ما عرف الجهل
درجت رجلي لـ المحبه والوصل والاهتمام
والحب عدً ما روى ضاميه لو ورد ونهل
وشلون اضيق مْن الوداع المر لا ناح الحمام
وقلبي محلٍ كل ما جوه العذارى يندهل
1
583
حمود احمد retweeted
سمية السبع الطباق وبنت مروين الحسام
عسى يسليك السحاب اللي من البارح يهل
اللي علي اخلد اسمك كل ما سال الغمام
واللي عليك اتكفكفين الدمع لامنه استهل
سمحت عن وصلك وحالي زين واموري تمام
وانتي معاليقك ترحب فـ الجروح وتسفهل
ما لـ الوصل لذه لا صار البعد بوابة سلام
استصعبه واثره بعد ماذقت من جوره سهل
ما قد توقعتك تحديِن الرسايل والكلام
للحين انا واقف على جال الرسايل منذهل
معك الدقايق طعمها مرّ وثوانيها حرام
كن الليالي ماشيه فـ مواصلك على مهل
ما تستحقين الوصل والحب وشعور الهيام
نفسي من اللي شفتك منك عافت وقلبي كهل
دعيت لك دعوة تقينٍ طاف فـ البيت الحرام
عقب ما خلص من زحام الناس وقف وابتهل
اخطيت يا نفسي بحقك يوم دورت الغرام
وجهلت واجد يوم انا رجال ما عرف الجهل
درجت رجلي لـ المحبه والوصل والاهتمام
والحب عدً ما روى ضاميه لو ورد ونهل
وشلون اضيق مْن الوداع المر لا ناح الحمام
وقلبي محلٍ كل ما جوه العذارى يندهل
حمود احمد retweeted
يابنت الجفا ليه اتضايق ؟ وليه ارتاع ؟
من غْيابك المعتاد لـ وصالك الممحل
على كثر ما شفتك ملاذي من الاوجاع
وشفتك خدين الروح والمشكله والحل
لو اتجين من حرّ اللواهيب لـ المرباع
بشوفك نهاية درب واودعك وارحل
حمود احمد retweeted
يا جمهور الشعر خلوني اسلا عنه لين انساه
لاتطرون القصيد اللي كتبته من تحت راسه
لو انسى ذكرياته ما نسيت اخر فمان الله
وتلويح الوداع ودمعة عيونه ووسواسه
انا شاعر يشوف ان الشعر دايم يجيب اقصاه
يحده لـ العلوم اللي بعدها يلفض انفاسه
احنه من مشاريه النشاما لا صدح بـ صداه
واحطه في نحر من دونها الفريس عساسه
مصير الشاعر اللي تطرب الساحه لـ جر غناه
يجيله يوم ويشوف القصيد اصغر من احساسه
حمود احمد retweeted
تحت راية ولي الامر مشعل نادر الاوصاف
نوقف صف في ظل التلاحم شيعة و سنّة
لا بار الخاين و بان الحسود و جنب الخواف
امير الدار في صادق وعدنا ماختلف ظنّة
وطنا لشتكى و احتاجنا مانعرف المنكاف
يموت المعتدي من حر مابه ماضحك سنّة
حمينا الجو بسلاح الدفاع مدمّر الأهـداف
بعيد الشوح ردّاد الخطر مايعرف الونّة
و على شيهانةٍ فوق السحب تسمع ولا تنشاف
قذايفهـا على روس العدى دايم لها رنّة
نذود و نفتدي برواحنا لا صمّل الميقاف
وهـذا واجب الجيش الكويتي مابهـا منّة
بعون الله تعالى صاملين ولا علينا خلاف
تعيش الدار و يعيش الشهيد و يدخل الجنّة
#الكويت
#الكويت_خط_أحمر
حمود احمد retweeted
ما عاد باقي لـ القصايد عناوين
انا خذيت مْن القصايد حصيلي
يا غايبه ليه الغياب وعلى وين
تبختري فـ ضلوع صدري وميلي
هاذي سنه وانا اخفي الشوق ويبين
بنت المطر على محياي سيلي
مدري وش اللي عقبها تستفيدين
لا جيتك اعلن عن ديارك رحيلي
طيفك لاجاني مايجي خاطره شين
ازبنه .. كني مزبّن دخيلي
احاول افهم كل كلمه تقولين
سوالفك كنها بيوت الحليلي
ابي دليل يصفّي الما عن الطين
انا عطيتك فـ المحبه دليلي
اخذتي الدنيا وخليتي الدين
وسلمتلك سيفي ودرعي وخيلي
سمحت لك عقب المفارق تردين
وانتي على بعض الامور اسمحيلي
دامك ما خليتيني اواصلك زين
على الاقل خليني اشفي غليلي











