أشتاق اني أختلط بالناس وأرجع لإجتماعيتي لكني للحين قيد بناء درع الأمان اللي صار له سنين ما خلص لذلك العزلة هي منطقة الأمان الدائمة بالنسبة لي
قرأت وسمعت كلام كثير عن كيفية ضبط المشاعر والإنفعالات لكن للحين ما وصلت المرحلة اللي أقول أخيرًا أنا شخص مسيطر، ألعن ما على الآدمي أن تحكمه مشاعره وعاطفته لأنه بيكون فريسة سهله لكل شخص يعاني من إعتلالات نفسية
تعجبني فكرة التأمل بمعنى "التخلّي" اللي هو التحرر من أمرًا ما دون إكتراث ودون إلتفات، تتبرأ من كل ما يربطك بهالأمر وتتخلص منه للأبد وإغلاق كافة الأبواب دون عودة أو حتى توديع... أشوف كل هذا قوة لأني كنت دايم أميل لفكرة التعلّق أكثر وأشوف فيها كل الضعف!
أكثر منظر مثير للإهتمام بالنسبة لي أشكال الناس وهم يسوقون دايم اذا طفشت أوقف عند محل جنب اشارة وأقعد اتأمل مختلف الحالات النفسية والتعابير قدامي وأنا أتقهوى، يعني صدق لازم يدرسون حالة الإنسان النفسية قبل وبعد السواقة لأني شخصيًا تغيرت جذريًا للاسوأ بسببها
7
299
فيه ناس ربي رازقهم عذوبة ولطف الكلمة حتى وهم يقولون شكرًا ودك تخدمهم بعيونك من كثر ما هم ذربين ومؤدبين
166
أقدّر المكان اللي يضيف بطاطس بقائمته حتى لو كان أساسًا يبيع سينابون لأني ما أستغني عنه كطبق جانبي نهائيًا
3
214
شعور انك غير مرتبط بأي شيء في حياتك وحُر بنفسك غريب جدًا، أول مرة أسافر وأغيب عن البيت هالمدة الطويلة وكل ما فكرت أرجع.. أقول لحظة وش ينتظرني عشان أرجع؟ شعور اني بدون إلتزامات بدون إرتباطات غريب
10
449
ماذا لو تعاملنا مع الحياة بناءًا على كل يوم لحاله بمعنى كل يوم له بداية ونهايه اللي يصير فيه ينتهي فيه واليوم الثاني يكون منفصل تمامًا عن اللي قبله وكأننا نفقد الذاكرة بالتصرفات اللي سويناها وصارت لكن الأساس واحد مثل شخصياتنا واسماءنا والخ
1
226
أتخيل اني أقدر أطلع أصارخ بالشارع بدون ما أشيل هم الأحكام اللي تطلق علي أو اني أشتم شخص دابل كبدي بتصرفاته وبعدها نرجع طبيعي ما كأني قلت له شيء أو أعبّر عن إعجابي للشخص بدون ما أشيل هم انه يحطني بموضع قبول أو رفض.. أشياء كثيير أبي اسويها وأصحى من النوم وكأنها ما صارت!
1
170
الحين ليش المطر ما يُشبّه بالمحبوبة تشبيه معنوي؟ لأني ما أظن فيه أجمل من المشاعر اللي يتركها بالروح بدايةً من ريحته إلى بقايا اثره في صباح اليوم الثاني
2
187
أكثر مرحلة مرعبه في حياة الإنسان اذا كان هو اللي يقرر اذا الأمور صح أو غلط، يعني معليش هذي قائمة دائم تجيني جاهزه كيف صرت أنا اللي لازم أجهزها
3
259

