"كفخ لك قلبي من اقصى معاليق الضلوع وطار
يا حلو ايامي و يا اعذب غلاي وسيّد افكاري
انا كل اللي اعرفه احبك حُب بـ استمرار
و اشوفك راحة ايامي و اشوفك اجمل اقداري
وغريب الدار في حبك ما عاد انّه غريب الدار
خذا حلو السنين و جاك لا بايع ولا شاري"
❤️
يوم أشوف المغريات اللي على زينك كثيره
ما قدرت أملك من شعور الصبر مثقال ذرّه
كن في عينك سلاح وكن في رمشك ذخيره
و نور وجهك يا جميلة يعتبر للعين قـرّه
نظرتك هذي حـياة وطلّتك هذي مثيره
كيف وجهك لمّ شمل المعجزة؟ لله درّه