xmo

البعض كيسوّل ملي القضية ساهلة هكا علاش المغرب مدارهاش من قبل…القضية تبدو ساهلة و لكن خصك توجد ليها عشرات السنين باش ما ترجعش ليك فوجهك، كاين نقط مهمة مكانتش متوفرة من قبل: 1- الاستعداد لجميع الاحتمالات بما فيها العسكرية. 2- من الناحية القانونية كان خصنا نوصلو لقرار 2797 و لي بغات طرى من بعد ماشي مشكل، بمعنى: القرار ديال اليوم كان غادي يكون فصالحنا لانه اكثر تطوراً من 2797 ولكن كان غادي يخصنا عاود واحد ثلث او خمس سنين اخرى ديال سير واجي و الجزائر كتماطل و كتلعب بينا، القرار ديال ليوم اعطى ذريعة لروسيا لاستعمال الفيتو و لأمريكا استعمال فيتو مضاد و هو لي قتل المينورسو…كان ممكن نلقاو حلول تقنية للحفاظ على المينورسو لمدة معينة ريثما نشوفو شي قرار آخر و لكن المغرب انقض على الفرصة لإنهاء الموضوع لان مستوى الشرعية الدولية لي كان خاصنا كغطاء لتنفيذ الحكم الذاتي، ولو بشكل احادي، خديناه بالقرار 2796 و لي دوا يرعف عندنا التيتر من مجلس الامن. استمرار الملف بين يدي مجلس الامن و في اللجنة الرابعة كان كيعطلنا لأننا ملزمون بانتظار القرارات دبا ملف مجلس الامن طرقناه من بعد ما فضينا مع المينورسو. 3- كان خصنا نجمعو الأصوات الداعمة لمقترح الحكم الذاتي لانه بقات لينا اللجنة الرابعة و ملف تصفية الاستعمار، و هي لي أشار ليها البلاغ ديال ديوان في الفقرة الاخيرة. نعلم ان المغرب هو من وضع الملف تصفية الاستعمار (الاسباني) في الامم المتحدة في 1963 و باش يسحبو خص اجراءات و شروط معقدة و كاين عدة طرق منها تصويت الجمعية العامة للامم المتحدة على اغلاق الملف ما بالأغلبية البسيطة (نصف+1) او بثلثي الأعضاء حسب نوعية الملف و البلاغ أشار إلى اننا نملك ازيد من ثلثي الاعضاء يعني مسألة اجراءات قبل سحب كل اثر للنزاع من اروقة الامم المتحدة و نخليوهم كيضورو تما فالكولوارات بحال الحومق. كانت لعبة جد معقدة و كان خص المغرب يحاصر الموضوع من كل الجوانب باش يقدر يدير ليهم Échec et mat.