🎸

بتعرفي يانانسيتي إني كنت عم فكر أبعت لك رساله قلك فيها إنك شاطره وحلوه ومخلصه وبتستحقي النجاح لأنك طموحه وبدنا نكون أصحاب ولازم تكوني صديقتي لأني بحبك ومع الوقت صار إلك كل التقدير بنفسي وقريباً رح نسهر سوا أحلى سهره ياحلوتي ❤️

رحت مشيت بره البيت وناديت كم جاره من جيراني يمشوا معي ودقايق وصرت عم بركض وجاراتي عم يلحقوني ويسألوني شو صاير معك قلت لهم بصوت عالي ألبوم صار مني وصرت منه ألبومي السوري نزل من دقايق وصاروا يباركوا لي وكل هاد مع ركض وعم جاوبهم وأنا عم بسرع ويادوبك قعدت والحقيقه ماقعدت كمان عم بكتب لكم وأنا عم لف بالبيت وبدي أطمن بدي أرتاح هالعمل صحاني من النوم كتير فكر فيه وغير ورتب وعيد وزيد وصلّح ولما قلت خلص بيكفي حسيت بإني عشت عمر مع هالألبوم وكان عمر حلو التعب فيه ممتع والسهر فيه سعاده وقضيت معه أحلى أوقاتي وشعلت شمعي ورتبت لبسي وبكل مرّه كنت عم عيش شخصيه لست سوريه بكل مره من محافظه وكل ست منهم رسمت لها تفاصيل وعشت من خلالهم حيوات وهلأ هالعمل بين إيديكم يارب تعيشوا معه أحلى أيامكم ويكون لبكره أجمل ذكرياتكم حامل معه محبه مني لفني وإلكم وكللي إمتنان وشكر وعرفان لأحبابي اللي تعبوا معي وقدموا لي الحب بأحلى أشكاله أولهم جوزي وأخي والموهوبين من موزعين وفنانين وأهلي وأصحابي وطبعا ولادي اللي تحملوا إندماجي وتوحدي مع فني وعودة للركض مع جاراتي آخر شي سألتني صديقه منهم ( مالك متوتره وخايفه ؟) جاوبتها بإني سرّعت بخطواتي ووصلت لبيتي ناديت أمي قلت لها أمي اشربي مع جاراتي قهوه أنا طالعه بالسياره أتمشى وأسمع مع اللي عم يسمعوا ألبوم صولا السوري ومعكم عم عيشه وكأني لأول مره بسمعه يارب يكون فيه كل الخير لكل حاره من حارات سوريا العظيمه والخير ببلادي يعم والفرح يكبر ونشوف بكره أحلى