"அன்னைக்கே போட்டிருந்தா.." - இதுக்கு அர்த்தம் கொலைதான்னு எடுத்துக்கிற அளவுக்கு சினிமா ஊறிப்போய் இருக்கு. ஏன், "உள்ளே (ஜெயில்) போட்டிருந்தா.."ன்னு அர்த்தம் வராதா?! உண்மையில் கரூர் சம்பவத்திற்கு பிறகு விஜய்யை முழுமையாக காபந்து செய்தது திமுக அரசு. விஜய் கரூரிலிருந்து நீலாங்கரை செல்லும் வரை அவருக்கு ஸ்டாலின் அரசு எந்த தொந்தரவும் தரவில்லை. இரவோடு இரவாக ஸ்டாலின் கரூர் சென்று பாதிக்கப்பட்டவர்களை சந்தித்ததால் விஜய் மீதான பழிப்பேச்சு குறைந்தது. அடுத்து, வீட்டிலேயே உட்கார்ந்துகொண்டு விஜய் சவால் வீடியோ வெளியிட்டபோதும் அவரையோ, அவரது கட்சியின் முக்கிய பிரமுகர்களையோ கைது செய்யாமல் விட்டார் ஸ்டாலின். மேலும் "எந்த கட்சி தலைவரும் தன் தொண்டர்கள் உயிர் விடுவதை விரும்பமாட்டார், இதை அரசியலாக்க வேண்டாம்" என விஜய்க்கு வக்காலத்து வாங்காத குறையாக வீடியோ வெளியிட்டார். இதை எல்லாம் ஒதுக்கிவைத்துவிட்டு, இன்று "விஜய்யை கொல்ல திமுக முயற்சித்தது" என பரப்புகிறார்கள். உண்மையிலேயே விஜய்க்கு ஆபத்து ஏற்படுத்த நினைத்திருந்தால், அன்று ஆட்சி அதிகாரத்தை கையில் வைத்திருந்த திமுக என்ன வேண்டுமானாலும் செய்திருக்கலாம். ஆனால் "என்ன இருந்தாலும் நம்மில் ஒருவர்" என்ற மறைமுக பாசத்துடன்தான் திமுக விஜய்யை அணுகியது. இந்த அளவுக்கு விஜய்க்கு நேசக்கரம் நீட்டிவிட்டு இன்று "கொலை முயற்சி பழி" சுமப்பது திமுகவுக்கு நல்லதல்ல. இப்படி பரப்புவோர் மீது சட்ட நடவடிக்கை எடுப்பது திமுகவுக்கு மட்டுமல்ல, சமூக வலைத்தளத்தை வைத்து எப்படி வேண்டுமானாலும் narrative செட் செய்யலாம் என்கிற அபாய அரசியல் சூழலில் சிக்கியிருக்கும் தமிழ்நாட்டுக்கும் நல்லது.