Pinned Tweet
حفيدة / ـأييييام الفرح والمسرّه :
حبل الرجا من كفّ الاقدار مفلوت
-
وانتي ، على كيفك ~ ( أبيّيه وحرّه )
مافيه داعي نرفع و نقصر الصوت
-
ماني بـ قايل : ليلة البعد ، مُره ..!
كل الليالي ( حلوه / و مُره ) تفوت
-
الاكيد ! [ ياعمري ترا العمر مرّه ]-
بـ نموت فالفرقا وفالوصل بـ نموت .
عبدالعزيز بن دحيم retweeted
من داس شبر من الوطن دسنا عليه
(عشى ) ذخايرنا (وقوت )سلاحنا 🇸🇦
'
الــدار للانســان ثالـث ( والديه )🇸🇦
تفـدا ( الثلاثه ) روسـنا وارواحـنا
#اليمن
#السعوديه_وطن_لايمس_امنه
عبدالعزيز بن دحيم retweeted
مابين عمر المشيب وبين عمر الشباب
اسرع من السيف الاملح من يد المعتدي
لذلك آبغنم ايامي واحث الركاب
مادام عزمي على حيله وشوفي قدي
للوادي اللي هواه ايهدي الاضطراب
ذعذاع نوده يفرّق همّي السرمدي
واخذ بفكري مع الافلاك رحلة ذهاب
واسامر سهيل واهمّش حضور الجدي
في راحتي بجتهد واطوي وساع الرحاب
اهم شيء النهاية مايضيع اجهدي
لاصرت مرتاح خاطر زان حالي وطاب
لو آتلحف شماغي واتوسّد يدي
ماني بمرخص مقامي فالامور الصعاب
لو كان اصادم صواديف الزمان اوحدي
دورات الايام ماتنصف عزيز الجناب
ترمي عليه الظروف وتبتجح وتحدي
والناس تنهش بعضها و السنتها حراب
ماكنّها فالنبي المصطفى تقتدي
ياكثر سود النوايا تحت بيض الثياب
ماكل ثوبٍ ضفى ستره وراه اجودي
ياحادي الشرهه اللي مثل عوج الرقاب
لاعاد تشره ترى الدنيا بساط احمدي
انا لي شهور مابين الخطا والصواب
احسّ في غربة احساسي وانا فـ ابلدي
لا هوّد الليل وآخذ لون ريش الغراب
جات الطواري تدرهم والهموم تعدي
هِدرَت جميع امنياتي مع بريق السراب
مثل مايهدر جميل الكفو عند الردي
يامتلف الروح لاتـفـتـح للاعـذار باب
الشوق من جوف صدري مستحيل ايغدي
على حنايا الضلوع اتمارس الاحتطاب
ماكني اللي عطيت القلب الابيض فدي
اتلى العهد يوم كفك منّقش بالخضاب
والنود تلعب بخصلة شعرك العسجدي
تلويحة ايدك بعيني مثل شلفا ذياب
مابعدها الا كسر خاطر وجرحٍ ندي
في داخل الصدر ثورة قايمه وانقلاب
عشان اعافك وانا مازلت عند اوعدي
وشلون اعافك وانا حتى بروق السحاب
ما اشوفها غير ترسم حرفك الابجدي
مايشفي الخاطر المنهك من الاكتئاب
الا ابتسام الثمان اللي تقول ابردي
الحب جنة و فـاطرافه يعيش العذاب
لكن الالباب لا تامن ولا تهتدي
اول سبب لـ انهيار الحب زود العتاب
واخره شيلة موادع شالها المسردي
العشره الماضيه سويت عنها كتاب
وخضّبت عنوانها الجارح بدم اجسدي
فيني شغف للقاء من بعد طول الغياب
مثل الشغف في ضمير الشاعر المبتدي
ريان معيض
يا نجد ما باقي من رسومه رسوم :
اللي من اوّل ننشد ( النود ) عنها !
يوم الاماكن كلها شوق ، واليوم ؟
كل الاماكن خلّص الشوق منها ..)
1
635
يا " خيّالة المثناه " خيّالة الاطراف :
من اللي يجي في مقدم القوم هيّابه
ماريّة ( عتابه ) لا لقيت الخصوم احلاف
تعرف ان مابه مجد ما اخذته عتابه ..)
رواه وتواريخ ، وجدايد ووقتً طاف ..)
ولا غير روق .. وغير برقا : فَرق لآبه (:
youtu.be/Ydx3U3zjbtA?si=GY2j…
1
1,277
صاحبي مادون هامات المراجل سلّم !
دونها جرفً هيال وموت ، جعلك سالم
ضرب دورات الليالي فيك ضرب معلّم
إصح ، قبل مواجه الصكات خلك والم
لايجي فعلك سوالف مستلم ومسلّم
حجةً ماتنصر المظلوم فوق الظالم !!
الكريم .. اللي ليا منّه فعل ، ماعلّم :
والبخيل اليا فعلّ له شي صج العالم (:
عبدالعزيز بن دحيم retweeted
ربيع العمر هتّانك بَرد ، والبارق الرعاد !
الاول وسط عيني والتبيع احتل خفّاقي !
دريت ان الهوى عاتي مهبه والسلوم اوتاد
وانا ناري على راس العلم مذريّت رواقي
واثر مال المشاعر فالمحبه ( ميركه وشداد )
على اللي قد هقى واقفى الزمان بهقوة الهاقي
ما باقي غير ذكرى باهته والقدر ملح وزاد
عسى اللي مابقى الا ذكرياته ! مالها باقي .
لفيت وكنت احسب اللي طواه الوقت ماينعاد!
ثمان سنين مالديت عيني غير فـ اخلاقي ..)
هلا يا (أول طبيب ) يعالج جروحي بدون ضماد
وجيه الناس سم ، ووجهك الأخآذ ، ترياقي ..)
قبل صوتك ينادي ، لا حياه لمن تنادي ( ناد )
انا تو الحياه / اروت قلم وانفلّت اوراقي ..)
من الليله ورايح بـ اعتمد تاريخي الميلاد !
من الليله هذيك اللي لقيتك وانت ميثاقي .
اللهم ارحم والدي واموات والمسلمين اجمعين ..
-
مالت الشمس عن صدر السما وابتديت
اشعر بضيقةً فـ الصدر ماتنهدن ..)
كل ماجيت اباسوي قصيده جزيت ..!!
يلمع البرق في عيني و قلبي يدن ..)
فاقد اللي من غيابه لو اقول بيت ؟؟
مايصح اللسان ولا يصح البدن ..)
وفاقدته القبيله / كلها ( بيت بيت ) !!
وفاقدته الديار - تخوم والا مدن ..)
من عرض قصيده ..
عبدالعزيز بن دحيم retweeted
درب المحبين كيف اطوّقه بالشموع
ومع كل خطوه تهب اوجاعه اللي تسم
يوم ان ماني على وجه البسيطه جزوع
ليش المقادير تمحي حلمي المنرسم
ربيع الايــام لاشــّهـب تشين الطبوع
اللي نواويره الطف من ربيع الـــوسـم
من لاعه الهجر واركى خنجره فالضلوع
لايمكن ايحصل امن الراحه الا الاســم
راحت على فالها في عصر يوم الربوع
والوصل عقد حجاجه والفراق ابتسـم
ياغاية الروح ما للوصل لوحة رجوع ؟
الوقت ماهو موحّد قلبي المنقـسـم
اهيم في ذكرياتك والاوادم هجوع
ومع كل ذكرى تمر البال جرة نسم
ادورك في كنف ليلٍ ســدوله يـروع
من سامره حط فيه من المواجع وسم
دلاله الفقد والشوق العظيم القدوع
ونـهايتـه فكرة ٍ حـرّه ومطـلع دسِم
يعيش الانسان في دنيـاه ماهو قنـوع
اليا تردت حضوضه والنصيب انحسم
يالجادل اللي على ميصالك اضمى واجوع
من يفقدك عاش ف ايامه مجرد جسم
"اعطيتك الروح وعيوني وزرق الدموع
واملّت في حبك العذري ولا الله قسم"
ريان معيض
عبدالعزيز بن دحيم retweeted
انا واقف على أطلال انعزالي من ثلاث سنين
ادور في حطام الروح صبر و فالخلا سلوه
بغيت اسلا معك ، لكن عيّوا ربعي الغالين
يا وجدي يا مداهيل الغرام و ساعة الخلوه
تلقّيني على رجم المحبّه و الحياه تزيين
ترا وصل الحبايب عافيه ، وفراقهم بلوه
عطيني ماعطت يمنى الكريم لحاجة المسكين
مشاعرك الرهاف و نظرتين عيونك الحلوه (:
#فارس_السميري
عبدالعزيز بن دحيم retweeted
طراه سفر ومجنون ليلى ، يقول عبدالعزيز بن دحيم :
-
يكفي ' اني لاذكرتك ولديت لـ حشاااي
والله ي مجنون ليلىْ مايدري وش يكون ..)
-
@Azdhim1
يابعد عمرً : خريفه .. عندك يشابه ربيعه
والفصول الاربعه ماتختلف بيفور وافتر !!
لا تقول ان الزمان الشين دوراته سرييعه !
انت ثابت فالحشى حتى لو ان الكون يفتر
كل يوم ، يزيد لك عندي غلا ، وتجد بيعه ..!
متّ فيك وخايف اني منك اموت الله يستر
مايضيع الحب لين يبادل الوصل القطيعه :
بـ العناق اسقط خيارات الفراق وطب واختر
عبدالعزيز بن دحيم retweeted
تحْت ليله بدمعات الفراق محفوفه
يكبر الهم في عمق الضمير الزجاجي
داجي الليل حالف عن كرامة ضيوفه
والهواجيس كثرت بين مادح وهاجي
احْتضَن صورة المحبوب فأعلى رفوفه
وانتظرته لكن ليل المواصيل داجي
غايبٍ لا وصل طاريه واغلى طيوفه
اتقبل وارحب فيه واوقد سراجي
صوته ايمر فالاسماع صوت امعزوفه
من عذوبته يجلي ضيـقـتي و انزعاجي
خفة الضبي وعيون الصقر من وصوفه
الله ياكثر شـوقـي له وكثر احتيـاجـي
كل ماشفت لي حرفٍ من اربع حروفه
يستعيد الفكر ذكرى وفاة ابتــهـاجـي
ليت من غاب واعطى العهد الاول كتوفه
مارخص شيء من قدر الهوى الازوداجي
اذرف الدمع بالخفيه مابى من يشوفه
في طرف ديرة اللي معه وصفة علاجي
لاتقولون دمــعـه ماعليها حــسـوفـه
المحاجــر لزرق الدمع مثل الـمـلاجـي
والله لو خاطري يفتح مغاليق جــوفـه
إن يهمَّل هوى نوت وعقاب العواجـي
مير يالله طلبتك فالعفو والمروفه
غير وجهك ي رب الكون ماني براجي
اتقوى و أواسي من شكى لي ظروفه
وانا من لوعـة الدنيا معكَّر مزاجـي
ارحلي ياهمومي رحله ابلا نـكـوفه
ودي اعيش فالايام مطلق حجاجي
والله اني حريص امن الزمان وصدوفه
وعارف أبعاد مدخالي وعارف خراجي
لكن الحب مايامن به اللي يحوفــه
من يمر بمحيطاته فـلا هو بناجــي
في ضفافه قلوب اهل الغرام محذوفه
بين حر السـكـوت وبين برد التـنـاجي
"اتركوا من سند راسه براحة كفوفه
باقي ٍ تحت تاثير الغياب المفاجي "
ريان معيض
عند المواقف ياهل الوقفات :
تبيّن (.. الاعـلام ، لـا رفّـت ..)
واللي ماينطحها ليا من جات !
ماهـو بـ لاحـقـها ليا قفّت ..)
ربيع العمر هتّانك بَرد ، والبارق الرعاد !
الاول وسط عيني والتبيع احتل خفّاقي !
دريت ان الهوى عاتي مهبه والسلوم اوتاد
وانا ناري على راس العلم مذريّت رواقي
واثر مال المشاعر فالمحبه ( ميركه وشداد )
على اللي قد هقى واقفى الزمان بهقوة الهاقي
ما باقي غير ذكرى باهته والقدر ملح وزاد
عسى اللي مابقى الا ذكرياته ! مالها باقي .
لفيت وكنت احسب اللي طواه الوقت ماينعاد!
ثمان سنين مالديت عيني غير فـ اخلاقي ..)
هلا يا (أول طبيب ) يعالج جروحي بدون ضماد
وجيه الناس سم ، ووجهك الأخآذ ، ترياقي ..)
قبل صوتك ينادي ، لا حياه لمن تنادي ( ناد )
انا تو الحياه / اروت قلم وانفلّت اوراقي ..)
من الليله ورايح بـ اعتمد تاريخي الميلاد !
من الليله هذيك اللي لقيتك وانت ميثاقي .
فزعةً يوم الطماميع يطغيها الحماس !
تاخذ ارواح الطماميع دون نياقها ..)
من سلم من ضربهم فاقد الخمس الحواس
مال كبد معادي سبيع غير احراقها ..)
عبدالعزيز بن دحيم
اداء :
جزاع المري
youtu.be/pIUhB0oIFz4?si=Z8Ts…
'
مراسيل من ينزع فوادي بـ طرق وقاف !
مراهيف حدب اللي من ( طويق لـ الحره )
محمد الجلاوي
،
من احيا شعوره في شغف رحلة استكشاف
توّفى فرح ؟ والا توّفى من الحرّه ؟ ..)
عبدالعزيز بن دحيم
،
عبدالعزيز بن دحيم retweeted
اللهم احفظ السعوديه العظمى
🇸🇦🇸🇦🇸🇦🇸🇦
راس الخميني سقط ياراس ( تنوره )
يفداك، راسه وتاريخه و كرسيّه
'
وانتي سقط دون حدك شرخ ماصوره
حديدةً من مصد الجيش [ عاديه ]
'
تبجحي في ذرى سلمان اخو نوره .
وولي عهده ( وقوات السعوديه )
'
#راس_تنوره
#مصفاة_رأس_تنورة
يامُودعه ، بنات الافكار / .. تيهاا !!
مستعصيتك ( حروفها الابجديّه ) ..!
،
كم من قصيده فيك ، عيييّا عليها :
" مايستفز الغييييره الشـاعـريّه ..)
،
عبدالعزيز بن دحيم retweeted
مرثيّه في والدي دحيم بن خزام بن لافي الجذع العتيبي اسكنه الله فسيح جناته وانزله منازل الابرار والشهداء والصديقين اسأل الله ان يجمعنا به في جنات النعيم ..
ترا الحياه الزايـله عدة أيام ..
لو خازرة ( بعيونها مسفهلّه ) !!
'
دارت على صدام واخوان صدام
واستفحلت واشتالت الحكم كله .
المرثيه الثانيه غداً في نفس التوقيت :





