Pinned Tweet
تحْت ليله بدمعات الفراق محفوفه
يكبر الهم في عمق الضمير الزجاجي
داجي الليل حالف عن كرامة ضيوفه
والهواجيس كثرت بين مادح وهاجي
احْتضَن صورة المحبوب فأعلى رفوفه
وانتظرته لكن ليل المواصيل داجي
غايبٍ لا وصل طاريه واغلى طيوفه
اتقبل وارحب فيه واوقد سراجي
صوته ايمر فالاسماع صوت امعزوفه
من عذوبته يجلي ضيـقـتي و انزعاجي
خفة الضبي وعيون الصقر من وصوفه
الله ياكثر شـوقـي له وكثر احتيـاجـي
كل ماشفت لي حرفٍ من اربع حروفه
يستعيد الفكر ذكرى وفاة ابتــهـاجـي
ليت من غاب واعطى العهد الاول كتوفه
مارخص شيء من قدر الهوى الازوداجي
اذرف الدمع بالخفيه مابى من يشوفه
في طرف ديرة اللي معه وصفة علاجي
لاتقولون دمــعـه ماعليها حــسـوفـه
المحاجــر لزرق الدمع مثل الـمـلاجـي
والله لو خاطري يفتح مغاليق جــوفـه
إن يهمَّل هوى نوت وعقاب العواجـي
مير يالله طلبتك فالعفو والمروفه
غير وجهك ي رب الكون ماني براجي
اتقوى و أواسي من شكى لي ظروفه
وانا من لوعـة الدنيا معكَّر مزاجـي
ارحلي ياهمومي رحله ابلا نـكـوفه
ودي اعيش فالايام مطلق حجاجي
والله اني حريص امن الزمان وصدوفه
وعارف أبعاد مدخالي وعارف خراجي
لكن الحب مايامن به اللي يحوفــه
من يمر بمحيطاته فـلا هو بناجــي
في ضفافه قلوب اهل الغرام محذوفه
بين حر السـكـوت وبين برد التـنـاجي
"اتركوا من سند راسه براحة كفوفه
باقي ٍ تحت تاثير الغياب المفاجي "
ريان معيض
مشاركتي في حفل
ابناء صميدان بن ساري المسيلي
ابا اهندس ابياتي بقوة نظر واتقان
وابا اصمم الافكار تصميم معماري
على المنبر الشعري وفي ساحة الميدان
انا درع ربعي ماني بدرع تذكاري
القوة والجزاله💥💥 من شاعر الفخر
على المنبر الشعري وفي ساحة الفرسان
أنا درع ربعي ماني بدرع تذكاري
ريان بن معيض المسيلي
vt.tiktok.com/ZSpXNDFDe/
من مشاركتي المنبريه بحفل تكريم الشاعر / عبدالله العلاوه
تحت غيمةٍ يضرب مطرها على المشراف
تقول ان فالج بطنها مشرط اجراحه
بعدت النظر فالكون مترامي الاطراف
واشوف الوطى بعد المطر بركة اسباحه
عموماً يا شعار العرب طروا المنكاف
معي علم حصري واجب أقوم بإيضاحه
حضور العلاوه سيف ساطي وسم زعاف
من يفكر ايجاريه لا ينـزل الساحــه ✋🏼
جديد الشاعر : ريان الحارثي
@r_6080
في الشاعر : عبدالله العلاوه
vt.tiktok.com/ZSgbX73Lb/
مابين عمر المشيب وبين عمر الشباب
اسرع من السيف الاملح من يد المعتدي
لذلك آبغنم ايامي واحث الركاب
مادام عزمي على حيله وشوفي قدي
للوادي اللي هواه ايهدي الاضطراب
ذعذاع نوده يفرّق همّي السرمدي
واخذ بفكري مع الافلاك رحلة ذهاب
واسامر سهيل واهمّش حضور الجدي
في راحتي بجتهد واطوي وساع الرحاب
اهم شيء النهاية مايضيع اجهدي
لاصرت مرتاح خاطر زان حالي وطاب
لو آتلحف شماغي واتوسّد يدي
ماني بمرخص مقامي فالامور الصعاب
لو كان اصادم صواديف الزمان اوحدي
دورات الايام ماتنصف عزيز الجناب
ترمي عليه الظروف وتبتجح وتحدي
والناس تنهش بعضها و السنتها حراب
ماكنّها فالنبي المصطفى تقتدي
ياكثر سود النوايا تحت بيض الثياب
ماكل ثوبٍ ضفى ستره وراه اجودي
ياحادي الشرهه اللي مثل عوج الرقاب
لاعاد تشره ترى الدنيا بساط احمدي
انا لي شهور مابين الخطا والصواب
احسّ في غربة احساسي وانا فـ ابلدي
لا هوّد الليل وآخذ لون ريش الغراب
جات الطواري تدرهم والهموم تعدي
هِدرَت جميع امنياتي مع بريق السراب
مثل مايهدر جميل الكفو عند الردي
يامتلف الروح لاتـفـتـح للاعـذار باب
الشوق من جوف صدري مستحيل ايغدي
على حنايا الضلوع اتمارس الاحتطاب
ماكني اللي عطيت القلب الابيض فدي
اتلى العهد يوم كفك منّقش بالخضاب
والنود تلعب بخصلة شعرك العسجدي
تلويحة ايدك بعيني مثل شلفا ذياب
مابعدها الا كسر خاطر وجرحٍ ندي
في داخل الصدر ثورة قايمه وانقلاب
عشان اعافك وانا مازلت عند اوعدي
وشلون اعافك وانا حتى بروق السحاب
ما اشوفها غير ترسم حرفك الابجدي
مايشفي الخاطر المنهك من الاكتئاب
الا ابتسام الثمان اللي تقول ابردي
الحب جنة و فـاطرافه يعيش العذاب
لكن الالباب لا تامن ولا تهتدي
اول سبب لـ انهيار الحب زود العتاب
واخره شيلة موادع شالها المسردي
العشره الماضيه سويت عنها كتاب
وخضّبت عنوانها الجارح بدم اجسدي
فيني شغف للقاء من بعد طول الغياب
مثل الشغف في ضمير الشاعر المبتدي
ريان معيض
ريان بن معيض retweeted
لاتطالب ب (شِيخه) خلها للرموز
خلها ( عند اهلها ختمها ) خلها
لعنبوا وجهك اللي مثل وجه العجوز
ابك هذي صعيبه مانت كفوٍ لها
ان مدحتك ترى مدح الردي ما يجوز
لاكن السّبه اعذرنا على قلها
ريان بن معيض retweeted
Replying to @saleem_221
مادام ب ان الليالي ماعليها ضمان
من المقادير لاتقنط ولاتعترظ
انته ماينقصك طول ذراع ولا لسان
الله يستر يا بن عيدان لاتنقرظ
ريان بن معيض retweeted
اللهم صلِّ وسلم على محمد وعلى آل محمد كما صليت على ابراهيم وعلى آل ابراهيم انك حميدٌ مجيدٌ
وبارك على محمد وعلى آل محمد كما بارطت على ابراهيم وعلى آل ابراهيم انك حميدٌ مجيدٌ
#يوم_الجمعه
على البارق اللي كن نوضه وميض فلاش
سريناك ياليلٍ سرى وانحجب نـوره
سهجنا الفجوج الجرد عجلين بالمطراش
جذبنا شعاع البرق و الارض ممطوره
بعد غيبة الشمس وقبل حزة المغباش
بدت رحلة استجمام في دار اخو نوره
على اخر موديلٍ مشترى بالدراهم كاش
ماودك تشوف الشمس بديه وديكوره
ليا انقاد في دربه وجا للغيوم ارشاش
يجاوب رزيم رعودها صوت ماطوره
على طارته قبضة يد الصاحب الشوباش
كريمٍ شهر طاريه في كل معموره
فداه الضعيف اللي لاجا للعلوم انقاش
على غرّة الاجواد ياوسع حنجوره
لسانه على الغايب مثل سنّة المنقاش
لو ايقفّي ابليس الرجيم استلم دوره
وانا كل ماعيّنت نشمي مخاوي لاش
احس الثقه في دورة الوقت مكسوره
اباسج لو الفكر له كم شهر منداش
من افراق عذرى تلهم الشاعر اشعوره
هي اللي تربى حبها في كنين الجاش
ولها صورةٍ في ثومة القلب محفوره
طرف خدها يغلب بياضه بياض الشاش
ومعنّق عليـه العاشق ايسنع اموره
ياعذب اللمى لاعاش عمر الجفى لاعاش
ركاب الوصل فـ اطراف ديرتك منحوره
بعد غيبتك ماني بطيب ووضعي ماش
اعيش بضروفٍ تخرج الرجل عن طوره
تقول الرصاص ايثور مع فوهة الرشاش
وعباريده الحيه على الصدر منثوره
على الخد دمع ازرق وبين الضلوع ارعاش
وروحي من اصدوف المقادير مذعوره
هذا عام اسوي للغرام الدفين انعاش
لعله تعيش ايـامه وتنبت ازهوره
غدت حالتي حالة سنافي طريح فراش
سمع صوت طبل الحرب والساق مبتوره
" عزاوي بني عمه تمره وهو شواش
ولا له جدى الا يهبد ايده على زوره "
ريان معيض
ريان بن معيض retweeted
لا ادلهم الليل وادوابي الثلث الاخير
وانتهى ليل الدواليه وانقاد السهر
تبتدي دوامة الشوق والحزن المرير
وتارد الذكرى وتاخذني الضيقه جهر
ميس من لذة الضحكه اللي من ضمير
ومبطي ماقدم الحض لـ منيتي مهر
اجتلد وامني النفس وانوي واستخير
والتقدم فيه منقود ،، والصده قهر
كن في راسي كتايب وفي عيني خفير
والدقايق كنها يوم والساعه شهر
ونتي ونت فقير قضى عمره فقير
ابدوي ،، ذوده محيله وداره دهر
اتلذذ ،، بالمناوي ،، تلذاذ الاسير
لين طال الصبر والوضح مقدمها ظهر )؛
ريان بن معيض retweeted
اللهم ارحم والدي واموات والمسلمين اجمعين ..
-
مالت الشمس عن صدر السما وابتديت
اشعر بضيقةً فـ الصدر ماتنهدن ..)
كل ماجيت اباسوي قصيده جزيت ..!!
يلمع البرق في عيني و قلبي يدن ..)
فاقد اللي من غيابه لو اقول بيت ؟؟
مايصح اللسان ولا يصح البدن ..)
وفاقدته القبيله / كلها ( بيت بيت ) !!
وفاقدته الديار - تخوم والا مدن ..)
من عرض قصيده ..
درب المحبين كيف اطوّقه بالشموع
ومع كل خطوه تهب اوجاعه اللي تسم
يوم ان ماني على وجه البسيطه جزوع
ليش المقادير تمحي حلمي المنرسم
ربيع الايــام لاشــّهـب تشين الطبوع
اللي نواويره الطف من ربيع الـــوسـم
من لاعه الهجر واركى خنجره فالضلوع
لايمكن ايحصل امن الراحه الا الاســم
راحت على فالها في عصر يوم الربوع
والوصل عقد حجاجه والفراق ابتسـم
ياغاية الروح ما للوصل لوحة رجوع ؟
الوقت ماهو موحّد قلبي المنقـسـم
اهيم في ذكرياتك والاوادم هجوع
ومع كل ذكرى تمر البال جرة نسم
ادورك في كنف ليلٍ ســدوله يـروع
من سامره حط فيه من المواجع وسم
دلاله الفقد والشوق العظيم القدوع
ونـهايتـه فكرة ٍ حـرّه ومطـلع دسِم
يعيش الانسان في دنيـاه ماهو قنـوع
اليا تردت حضوضه والنصيب انحسم
يالجادل اللي على ميصالك اضمى واجوع
من يفقدك عاش ف ايامه مجرد جسم
"اعطيتك الروح وعيوني وزرق الدموع
واملّت في حبك العذري ولا الله قسم"
ريان معيض
ريان بن معيض retweeted
ما ذبحنا فالهوا الا حديثين الغرام
يومً يعشقون واليوم الآخر يرحلون
علمونا كيف نلحِق مثل ضولا ملام
اننا لله وانا اليـه راجـعـون
مشكلة قلب الهواوي مايعرف الانتقام
وده ان الهيّن يدوم والصعبه تهـون
يجهل الي يجهلونه ويحفظ الاحترام
ويغبط له ناسً اليا تشعو يرقدون
ريان بن معيض retweeted
عدّيت رجم الهقاوي .. لين هبّ الملام
و سرّيت ساق القصيدة .. والتوى كاحله
على مشاريف ظني فيك .. ليت الكلام
ما ينبت الشك .. في ضلعينه الناحله
#عبدالله_المسيلي
#رسام_الشعر
#قصيد
ريان بن معيض retweeted
ودي اواكب العالم لاكن كيف اواكب
من حفظ سلسلة كتبه على ادراج رّفه
في هوى كل مقود زرج شيبا مناكب
ما قدرت استريح ولا قدرت اترّفه
ريان بن معيض retweeted
يابعد عمرً : خريفه .. عندك يشابه ربيعه
والفصول الاربعه ماتختلف بيفور وافتر !!
لا تقول ان الزمان الشين دوراته سرييعه !
انت ثابت فالحشى حتى لو ان الكون يفتر
كل يوم ، يزيد لك عندي غلا ، وتجد بيعه ..!
متّ فيك وخايف اني منك اموت الله يستر
مايضيع الحب لين يبادل الوصل القطيعه :
بـ العناق اسقط خيارات الفراق وطب واختر
ريان بن معيض retweeted
عند المواقف ياهل الوقفات :
تبيّن (.. الاعـلام ، لـا رفّـت ..)
واللي ماينطحها ليا من جات !
ماهـو بـ لاحـقـها ليا قفّت ..)
ريان بن معيض retweeted
الذكريات القديمه نكبة العاشقين
يعيش معها الهواوي عيشة المعتقل
تقول كن الطواري لـ المفارق كمين
ان كان ما زاد منسوب الحزن ما يقل
اللي قضى العمر في حب العذارى رهين
لو يعقل أبليس اظنه مستحيل يعقل
بعد الصراع الطويل اللي خذا له سنين
الوضع ما عاد يحتاج لـ غرور و ثقل
قلبي بعد هزّه الشوق و غزاه الحنين
يحتاج له هدنة أسبوعين على الأقل
حاولت أجيها لكن الوضع عيا يزين
شوارع العاصمه زحمه على المنتقل
رغم المسافه ما بين طويق والياسمين
أشوفها ابعد بـ واجد من بقيق لـ حقل
احتاج لي شيخ ٍ مقدّر و جنبه متين
يقدّي العارفين بـ رأيه المستقل
يقف لا شاف المشايخ فالطلب واقفين
ويحذف عقاله اليا وصلت لـ حذف العقل
اما يحل الأمـور و نجتـمع يـ اثنين
ولا يوصّل معـاناتـي وزير النـقل :)
اللهم صلِّ وسلم على محمد وعلى آل محمد كما صليت على ابراهيم وعلى آل ابراهيم انك حميدٌ مجيدٌ
وبارك على محمد وعلى آل محمد كما بارطت على ابراهيم وعلى آل ابراهيم انك حميدٌ مجيدٌ
#يوم_الجمعه









