سامح سند: النهارده هنتعرف مع بعض على واحدة من أبشع جرايم القتل اللي بتبين بلا شك قبح الطبيعة البشرية.
أنا:
الكنافة كارباتكا بتاعة بريدفاست سولد أوت على طول طبعاً بس تستاهل الواحد يصحى بدري/ يشقلب نومه/ يقتحم فروع بريدفاست تحت تهديد السلاح عشان يلحق يجيبها. مظبوطة وخفيفة وحلوة أوي أوي أوي.
للي بيدور على حاجة يتفرج عليها في الأجازة فيه مسلسل جديد اسمه Shrinking حلو أوي أوي أوي. عن دكتور نفسي بيقرر يبطل يبقى محايد مع المرضى بتوعه فبيقولهم يعملوا ايه في مشاكلهم بصراحة بدل ما يدي نصايح generic. ميكس كوميدي على حزن على دراما رائع.
فتوكاتي الأعزاء، بمناسبة دخول الشتاء حابة أشارك معاكم اختراع بسيط غير حياتي: bands بتتلبس عشان لما تغسلوا إيديكم أو وشكم المياة ماتبلش الكم. اسمها anti-drip wristbands.
فتوكاتي الأعزاء، حابة أشارك معاكم أحلى body oil جربته بلا منازع: Glazed Donut. خفيف وبيرطب وبيدي glow لذيذ وفوق كل ده ريحته رقيقة أوي ومش غالي. خلصت منه إزازتين وطلبت التالتة كمان. رائع لوحده وأروع لو layered مع body lotion.
لسا أول يوم مطر في الموسم وماما كتصعيد غير مبرر للأمور عملت شوربة عدس، فرديت عليها بتصعيد زيادة ودخلت عملتلنا هوت تشوكليت نشربه بعدها.















