دونا

Sense and Sensibility النساء رغم كل ما يُنتزع منهن، يملكن من القوة مايكفي لمواجهة العالم، حكاية تقول ان المرأة،قادرة على مواجهة الحياة والحب بعقلها وقلبها، وهي الوحيدة القادرة على ترميم كل مايكسرها

Parallel Tales فيلم فرنسي صنعه مخرج ايراني بارع بيخليك تعيد التفكير في نظرتك للكتّاب الروائيين، تخيّل تعيش يوم من الايام ضحية خيال شخص آخر، وتضطر تواجه عواقب قصة ما عشتها حتى؟ بعد مشاهدتي للفيلم صرت اخاف اواجه او ادخل بنقاش مع اي كاتب روائي او كاتبة، ممكن من موقف عابر او مشهد يشوفه قدامه، تأخذه مخيلته الواسعة ويحولني لشخصية داخل رواية وهمية عني، ويرسم لي حياة وافكار ودوافع ماكانت بيوم جزء مني، الروائي مرعب اكثر من المجرم

بتستفزني المبالغات المفتعلة لما تكون داخل فكرة فيها نقد لاذع للمجتمع، وين المنطق؟ وين الواقعية؟ وين احترام العقول؟ وين الارتباط بالمعضلة لما حتى الابطال مو قادرين يرتبطون بالتمثيل هالفيلم وقت تخلصه يجيك شعور ودك تصن الشاشة بقرب ساطورة عندك

انا وانت وكل سينمائي مشتااق لهالنوع من افلام الاكشن والجنون، هالفيلم بيشبع متعتك، بتعيش ساعتين ونص من متعة انت فاقدها بهالجينرا من زمان

زيك ييغار: ورى كل شخصيات شريرة قصص مؤلمة: لماذا نتعاطف مع المجرم لحظة ادراك حقيقته وماضيه القاسي؟ سؤال يتردد في ذهني منذ رفع الستار وكشف حقيقة العالم في هجوم العمالقة ورغم ان العمل غير انساني ولا يوجد منطق يرى مايحدث تبرير ل افعالهم الا ان ل هذه الافعال جانب انساني ولا يمكن لوم المجرم دون فهم طبيعة النفس البشرية التي تتأثر ب العوامل المحيطة بها وتأثيرها الكبير بماضيها الطفولي وقساوة المجتمع عليها.. قصة القاتل زيك ييغار ذكرتني ولو بشي بسيط ورغم اختلاف القصة من القاتل تيد كازينسكي الذي ظهرت قصته في المسلسل القصير manhunt : Unabomber كلاهما كانا ضحية مجتمع زرعو الشر في قلوب الاطفال زيك اراد ابيه ان يحرر العالم ب ابادة البشر اما تيد اضطهاد وقساوة المجتمع عليه رغم عبقريته وذكاءه وُلِدت في قلبه الشر ف اراد الانتقام من كل شخص ساء التعامل معه.. ليس هناك مجرم بل الجميع ضحايا..ضحايا اباء ..ضحايا مجتمعات..ضحايا اضطهاد..ضحايا معاملة سيئة..ضحايا ضعف معيشي. التحيز الادراكي والتعاطف مع المجرم ليست جريمة بل انسانية يجب على الجميع الاخذ بها وفهمها يجب ان نرى الحوادث والاحداث ب منطق العقل والعاطفة.. زيك ييغار: شخصية ظهرت ب اعمال غير اخلاقية وجرائم كبيرة ولحظة ادراك شخصيته وماضيه فهو مازال يرى ان في قتل هؤلاء الناس انقاذ العالم من قوة شر كبيرة.. لكن هل طريقة القتل الرحيم وقطع نسل الالديا تمحي كونه مجرم وقاتل؟ ب الطبع لا لكن هناك تبرير ل افعاله الغير اخلاقية والتي ذكرتها فوق وهذا التبرير والتعاطف مع شخصيات غير واضح فيها الشر المطلق ولا الخير المطلق .. ما اراد الكاتب توضيحه في قصته ان نرى منظور الجريمة من عين المجرم وعين الضحية ل نعلم وندرك ان الجميع ضحية ولا يوجد شر من العدم ، البحث عن الحرية وتحرر العالم من الشر والمنظور الحقيقي ل عالم هجوم العمالقة كان من منظور شخصية زييك ييغار ومن هنا كانت البداية:

عندما سأل المخرج روبرت بريسون عما اذا الناس يفهمون افلامه؟ رد قائلاً اتمنى ان يشعرو ب الفيلم قبل ان يفهموه لان المشاعر تتشكل قبل الفكر. ب فيلم au hasard balthazar اللي اعتبره معجزة كيف قدر مخرج يحاكي قصة معاناة مأساوية ل حمار منذو نشأته الى مماته ب اداء تمثيلي من الحمار نفسه عظظيييم كيف الحمار قدر يجسد دور الحزن والمعاناة!! مشاهد expressive ب طريقة اعجازية حرفياً انا مستحيل راح افهم حمار ب هذا الكون لكن مع هذا الفيلم انا عشت شعوره وحسيت فيه واستوعبت ليش المخرج يبي مننا نحس فيه قبل نفهمه هالفيلم من افضل الافلام التي تحاكي قصص الحيوان

فيلم: Digger2026 افضل اداء لتوم كروز في اسوأ فيلم له، بتكلم بدون اي حرق للفيلم عشان اللي بيدخل عليه بيفهم ليه انا كنت قاسية بنقدي تذكرون اللي سواه داميان بفيلم Babylon هنا بالضبط اللي صار مع اليخاندرو، عطاني بداية عظيمة وفكرة مثيرة، عطاني احساس ان قدامي فيلم بيروح لمكان استثنائي،لكن بدل مايستثمرون كل هالامكانيات،ينزلقون للفوضى والعبث، اكثر شيء يقتل اي فيلم عندي لما يكون المخرج ما يعرف ياخذ منحنى واضح، ولا يقدر يحدد وش السردية اللي يبي يمشي عليها، فيصير الفيلم كل شوي يفتح لك باب، ثم يتركه ويروح يفتح باب ثاني، وفي النهاية لا انت عرفت وين يبي يوصلك ولا هو عرف كيف يوصل، وهذا بالضبط اللي سواه اليخاندرو هنا، وعشان اكون حقانية وما اقسى على مخرج احبه، الفكرة العامة للفيلم كريتيف جدًا، لدرجة تستفزك وانت تشوف كمية الامكانيات اللي كانت قدامه، عندك فكرة تقدر تطلع منها واحد من اعظم الافلام في مسيرة مخرج، عندك بطل مثل توم كروز يتغذى على اتقان الشخصية، عندك قدرة اليخاندرو البصرية اللي ممكن تحول اي فكرة الى تجربة سينمائية ضخمة، وعندك امكانية تستعين بأشخاص يشاركونك كتابة سيناريو متماسك ومحكم، لكن اليخاندرو اهمل اهم نقطة محورية في الفيلم واللي هي *كيف تحكي الفكرة* والنتيجة فيلم مشتت لدرجة انه شتتني معاه، سردية ما تعرف وين تبي تروح، افكار تتزاحم فوق بعض، ومعلومات تنرمي عليك بشكل استفزازي الفيلم كان واضح جدًا انه يطمح يكون انعكاس ساخر ومجنون لـ Dr. Strangelove لكن صار نسخة رخيصة منه، نسخة تعرف وش تبي تقول لكن ما تعرف شلون تقولها، وانا اصلًا ما احترم الطرح المباشر، ولا احب الفيلم اللي يجلس يلقمني معلوماته بالملعقة وكأنه خايف اني ماافهم، لما تشرح لي كل شيء، وتحدد لي وش المفروض افكر فيه، وتعيد الفكرة اكثر من مرة، انت مو قاعد تساعدني افهم الفيلم، انت قاعد تقتل متعتي وانا اكتشفه وهذا الشيء بالذات خلاني افقد اهتمامي حتى في اللحظات اللي كان فيها الفيلم يقدم اشياء تستحق الاعجاب، لأن بصريًا؟ اخ ي اليخاندرو ما اعظمك، وادائيًا؟ عنده واحد من افضل اداءات توم كروز، ومعه كاست كامل يقدم اداء ممتاز، كروز تحديدًا كان يستحق فيلم افضل من هذا، ممثل مستعد يروح لأبعد نقطة عشان يمسك الشخصية، وانت كمخرج عندك هالامكانية بين يدينك، لكن بدل ما تستثمرها، خليت الاداء يحمل اشياء كان المفروض السيناريو يحملها، وهنا اصل مشكلتي مع اليخاندرو، الرجل يعيش ويموت على اتقان الاداء والصورة البصرية، ومستعد يبيع كليته مقابل ممثل يرضي غروره بالاداء، ومقابل انه يهمل جوانب مهمة بالفيلم الفيلم فقط كان يحتاج سردية تعرف وين تبدأ، ووين تتجه، وليش تنتهي هناك

فيلم The Last Picture Show تعرفون ذيك الفترة اللي عشناها، لما نحس ان براءة الطفولة بدأت تنتهي، ودخلنا المراهقة، وفجأة الحياة صارت مختلفة؟ تزيد رغبتنا بالحب، بالاحلام، بالجنس، بالعلاقات، وحتى بالعلاقات الغبية اللي ندخلها ونكررها وحنا نحسب كل مرة بتكون مختلفة؟ هالفيلم حرفيًا اخذني لهالمرحلة من حياتنا لكن تخيلو انه حطها داخل مدينة ميتة، مكان مافيه شي غير الممل، شلون راح يتعاملون الناس مع هالرغبات وهم عالقين بمدينة ماتعطيهم ولا شي؟