Fan | Vickyrazad

வெற்றி வேல்! வீர வேல்!! உலகெங்கும் வாழும் தமிழ் மக்களுக்கும், கந்த சஷ்டி விரதமிருந்து இன்று சூரசம்ஹார நிகழ்வில் முருகப்பெருமானை தரிசித்து விரதத்தை நிறைவு செய்துள்ள அனைத்து முருக பக்தர்களுக்கும் எனது இனிய கந்த சஷ்டி மற்றும் சூரசம்ஹார திருநாள் நல்வாழ்த்துகளைத் தெரிவித்துக் கொள்கிறேன். அனைவரும் எல்லா நலன்களும், வளங்களும் பெற்று, நோயற்ற வாழ்வும் குறைவற்ற செல்வமும் பெற்று, மகிழ்ச்சியுடன் பெருவாழ்வு வாழ எல்லாம் வல்ல வெற்றி வேலனிடம் பிரார்த்திக்கிறேன். தமிழ்நாடு முழுவதும் உள்ள அனைத்து முருகப்பெருமானின் திருக்கோவில்களிலும் கந்த சஷ்டி விழா, இன்று சூரசம்ஹார நிகழ்வுடன் மிகச் சிறப்பாக நடைபெற்றது. குறிப்பாக, உலகப் புகழ்பெற்ற திருச்செந்தூர் அருள்மிகு சுப்பிரமணிய சுவாமி திருக்கோவில் கடற்கரையில், கடலலையெனத் திரண்ட லட்சோபலட்ச பக்தர்களின் முன்னிலையில் சூரசம்ஹார நிகழ்வு வெகு விமரிசையாகவும் சிறப்பாகவும் நடைபெற்றது. இத்தகைய ஆன்மிகப் பெருவிழாவை சிறப்பாக நடத்துவதற்கான வாய்ப்பினை வழங்கி, தொடர்ந்து உறுதுணையாக இருந்த மாண்புமிகு தமிழ்நாடு முதலமைச்சர் அவர்களுக்கு எனது மனமார்ந்த நன்றியைத் தெரிவித்துக் கொள்கிறேன். வெற்றிவேல் முருகனுக்கு அரோகரா! @CMOTamilnadu | @TVKVijayHQ