Tsogoo retweeted
Х.Болорчулуун: ЧОНО борооноор Хулгайч дүйвээнээр гэгчээр 3 их наяд өгөх хэлэлцээ наймаа, бензиний үнэ, хомсдолоор шуугиулж байгаад АМ хуулинд өөрчлөлт оруулан ЗЭС-ийн өсөн нэмэгдэх Роялть буюу нөөц ашигласны татварыг 3 дахин бууруулан саяхан баталчихлаа. Зөвхөн Рио- Тинтотой Онтрегийн ордын 11,0 сая тонн зэсэн дээр гэрээ хийхэд Монгол улс 50 их наядаар алдагдал хүлээхээр болж байна. Харамсмаар шүү….?
Зэс алтны үнэ галзуурсан мэт өсч байхад Роялтоо буулгадаг тэнэг улс манайхаас өөр байхгүй нь лавтай.Оюу толгойн гэрэаг 2009 онд хийхэд зэсийн үнэ 4400 $ байлаа, одоо 14000 хүрч байна. 126 гишүүн ч олдвол өлдөнө гэгчээр хэрүүл хийж, жижгээр попорхоос бус том эрх ашгаа умартаж байна да.
Tsogoo retweeted
Надад ямар ойрхон бас ямар их ичдэг зураглал гээч... (энэ асуудалтай холбоотой газруудыг таг хийгээд явчихаарай...)
4 жил ангийнхаа охидоор л хөтлүүлж өөд уруугүй бууж төгссөн энэ шат,
4 жил олон цагийн "цонхтой" байсан ч бууж чадахгүй дээрээс нь харж зогссон энэ шат,
4 жил огт танихгүй өөр ангийн хүүхдийг гуйж буудаг байсан энэ шат...
Зураг дээрхи аав охин хоёрыг ч танина, МУИС-ын одоогийн болон өмнөх удирдлагатай ч уулзаж байсан. Хоёр жилийн өмнө МУИС-ын шилдэг төгсөгчдөөс хандив босгох уулзалтан дээр энэ асуудлыг сөхөхөд чихнийхээ хажуугаар өнгөрүүлсэн. Түүнээс ч өмнө Харилцааны 25 жилийн ойгоор хэлхэд мөн л адил.
Enh Maa - ийн энэ зураг олонд хүрээсэй...
Нэгэн цагт энэ шатнаас бэргэж явсан би шатанд баригдалгүй амьдрах дэлхийн шийдлүүдийг Монголдоо түрүүлж хийдэг нэгэн болсон. Шийдэл бол байгаа, харах нүд ухаан хоёр л дутаж байгаа юм...
Хүний эрхээ байг гэхэд, Хүний Капиталыг прагматикаар тооцочихож чадахгүй, улсын ууган оюуны манлайд ямар "мэдрэмжтэй" удирдлага байгааг хараг дээ...
Шат - бол шилдэг оюутан болохыг хориглож дийлдэггүй юм харин шалан дээр хаясан Хүний Капитал гэдгийг дахин дахин сануулдаг юм.
МУИС-ын ОУХДС 2001 оны шилдэг төгсөгч
В. Ойдов
Tsogoo retweeted
Ард түмнээс хандив цуглуулж хүнд машин механизм зардаг юм билүү? 😂
Капиталист нийгэмд бизнес бол ашиг олохын төлөө үйл ажиллагаа явуулдаг эдийн засгийн байгууллага. Бизнесийн үндэс нь чөлөөт өрсөлдөөн, хувийн хөрөнгө оруулалт, эрсдэл, ашиг, алдагдлын хариуцлага юм. Харин бизнесийн эрсдэлээ ард түмэнд үүрүүлж, хөрөнгө оруулалтаа хандиваар босгоод, ашгаа өөрөө хүртэнэ гэдэг бол зах зээлийн зарчим биш. Хандив бол сайн дурын буяны үйл ажиллагаа болохоос хувийн бизнесийн хөрөнгө босгох халхавч биш. Хэрэв ашгийн төлөө бизнесээ буяны үйлс мэтээр танилцуулж, олон нийтээс мөнгө татаж байгаа бол энэ нь наад зах нь ёс зүйн ноцтой асуудал, цаашлаад залилангийн үйлдэл. Капитализмын зарчим маш энгийн. Ашгийг нь хүртэж байгаа хүн эрсдэлийг нь ч өөрөө үүрэх ёстой!
Tsogoo retweeted
Монголбанкны цасан бөмбөг шиг алдагдал хаанаас эхтэй вэ гэвэл Баярцогт ЗГХЭГ дарга байхдаа засгийн балансаас тийш нь хувааж бичих схем зохиосон. МАН мангардуу хулгай хийдэг. Баярцогт бол тогтолцоогоор нь хулгайлах схем зурах авьяастай. Хамгийн аймшигтай хортой хүн дээ төрд.
Tsogoo retweeted
Элон маскын одоогийн хөрөнгө нь манай улсын 82 жилийн төсөв гэжээшдээ. Яаж амьдруулаадаамбэ лөгөнүүдээ
Tsogoo retweeted
АВТОМАШИН • ТЕХНОЛОГИ • ХУВИЙН БОДОЛ
Цахилгаан машин авах гэж яарах хэрэг байна уу? Миний хувьд дахиад 6–12 сар хүлээнэ
Сүүлийн үед манайхан цахилгаан машин руу нэлээд хүчтэй хошуурч байна. BYD, ROX зэрэг Хятадын шинэ үеийн автомашинууд гудамжинд олширч, цэвэр цахилгаан машин (EV), залгадаг гибрид (PHEV), бензин генератортой цахилгаан машин (EREV) авах тухай яриа найз нөхдийн хүрээнд ч их боллоо.
Би хувьдаа энэ өөрчлөлтийг зөв чиглэл гэж харж байгаа. Бензин хөдөлгүүртэй автомашинаас цахилгаан хөдөлгүүртэй машин руу шилжих нь ердөө цаг хугацааны асуудал болов уу.
Гэхдээ нэг асуулт байна. Цахилгаан машин авах нь зөв байж болно. Харин яг одоо авах нь эдийн засгийн хувьд зөв шийдвэр мөн үү?
Миний одоо унаж байгаа машин бол 2015 оны Toyota Camry 50 Series Hybrid. Энгийн гибрид буюу HEV технологитой, гаднаас цэнэглэх шаардлагагүй, бензин болон цахилгаан хөдөлгүүрийг хослуулан ашигладаг машин.
Өнөөдрийг хүртэл энэ машиндаа сэтгэл хангалуун явж ирсэн. Зуны улиралд хот дотор 100 км-т ойролцоогоор 6–7 литр, өвөл 8–10 литр бензин хэрэглэдэг. Бензиний сав нь 64 орчим литрийн багтаамжтай учраас нэг удаа дүүргээд нэлээд хол явна
Гэхдээ сүүлийн үеийн бензиний хомсдол миний бодлыг өөрчилж эхэллээ.
Жилийн өмнө би цахилгаан технологитой машин авахын тулд хоёр жил хүлээе гэж шийдсэн юм. Тэр үед технологи нь улам сайжирч, үнэ нь буурна гэж тооцож байв. Харин одоо бензиний олдоц, шатахуун түгээх станц дээр дугаарлах эрсдэл зэргийг бодоход энэ шийдвэрээ арай наашлуулах хэрэгтэй юм шиг санагдах болсон.
Гэсэн ч би өнөө маргаашгүй машин авах гэж яарахгүй. Одоогийн байдлаар дахин 6 сараас 1 жил хүлээх бодолтой байна.
Яагаад хүлээх гэж?
Гол шалтгаан нь Хятадын автомашины технологийн өөрчлөлтийн хурд.
Саяхан л PHEV машинуудын цахилгаанаар явах зай 80–100 км байхад хангалттай үзүүлэлт мэт санагддаг байлаа. Харин одоо 150–200 км, бүр түүнээс дээш цахилгаан явалттай загварууд зах зээлд гарч байна.
Жишээлбэл, BYD-ийн Fangchengbao Bao 5 буюу Leopard 5 загварын 2026 оны хувилбар 47.8 кВт.ц батерейтай, CLTC стандартаар 210 км, WLTC стандартаар 160 км цахилгаан явалттай гэж бүртгэгджээ.
Нөгөө талд ROX 01 гэхэд 56.01 кВт.ц батерейтай, WLTC стандартаар 235 км цахилгаанаар явах үзүүлэлттэй EREV машин байна.
Эндээс нэг зүйл тодорхой харагдаж байна. Үйлдвэрлэгчид зөвхөн машины дэлгэц, интерьер, тоноглолыг сайжруулаад зогсохгүй батерейны багтаамж, цахилгаанаар явах зайг эрчимтэй нэмэгдүүлж байна.
Гэхдээ энэ нь ирэх жил бүх PHEV машин 300 км явдаг болно гэсэн үг биш. Загвар, үнэ, батерейны багтаамж, технологийн сонголтоос шалтгаалан ялгаа их хэвээр байх болно.
Миний хувьд өнөөдөр CLTC 100 км үзүүлэлттэй машиныг өндөр үнээр авснаас хагас жил эсвэл нэг жил хүлээгээд 200 км-ээс дээш үзүүлэлттэй шинэ загварыг боломжийн үнээр авах нь илүү ашигтай байж мэднэ.
CLTC гэсэн тоонд хэт итгэж болохгүй
Шинэ машин сонирхож байгаа хүн бүрийн анхаарах ёстой нэг зүйл бол CLTC.
CLTC гэдэг нь Хятадад автомашины цахилгаан явалт, эрчим хүч болон түлшний хэрэглээг лабораторийн нөхцөлд хэмждэг стандарт юм. Европын WLTP стандарттай харьцуулахад ихэнх тохиолдолд илүү өндөр явалт заадаг.
Өөрөөр хэлбэл, каталог дээр 200 км гэж бичсэн байлаа гээд Улаанбаатарын өвөл заавал 200 км явна гэсэн баталгаа биш.
Ялангуяа манайх шиг өвөлдөө -25, -30 хэм хүрдэг, өглөө машин халаадаг, түгжрэлтэй хотод батарейны бодит хэрэглээ өөр байна.
АНУ-ын Argonne National Laboratory-ийн туршилтаар цэвэр цахилгаан машинуудын явалт -18°C орчимд хэвийн дулаан нөхцөлөөс дунджаар 41%, -18°C-аас ч хүйтэн -18°C орчмын буюу 0°F (-17.8°C) нөхцөлд 54% хүртэл буурсан үр дүн гарсан. Тодруулбал, тус судалгааны 20°F (-6.7°C) нөхцөлд дунджаар 41%, 0°F (-17.8°C) нөхцөлд 54% буурсан байна.
Тиймээс би машин сонгохдоо CLTC тоог дангаар нь харахгүй. Өвлийн бодит явалт, батерейны халаалт, цэнэглэх боломж, эрчим хүчний хэрэглээг хамтад нь тооцно.
Жишээ нь CLTC 200 км гэсэн машин өвлийн нөхцөлд 100–140 км орчим явах тохиолдол байж болно. Энэ бол тодорхой загварын баталгаатай үзүүлэлт биш, харин болгоомжтой төлөвлөхөд ашиглаж болох жишиг тооцоо.
PHEV, EREV, EV гурвын алийг нь сонгох вэ?
Энэ гурван технологи тус бүрдээ давуу талтай.
Цэвэр цахилгаан машин буюу EV нь бензин огт хэрэглэхгүй. Гэртээ эсвэл ажил дээрээ найдвартай цэнэглэх боломжтой бол өдөр тутмын хэрэглээний зардал багатай байх давуу талтай.
EREV нь үндсэндээ цахилгаан мотороор явж, бензин хөдөлгүүрээ цахилгаан үйлдвэрлэх генератор болгон ашигладаг. ROX 01 бол ийм төрлийн машин.
PHEV нь цахилгаан болон бензин хөдөлгүүрийг хослуулдаг. Зарим нөхцөлд зөвхөн цахилгаанаар явж, хол замд бензин хөдөлгүүрийг шууд хөтлөгч болгон ашиглах боломжтой.
Миний хувьд одоохондоо PHEV илүү тохиромжтой санагдаж байна.
Учир нь өдөр тутмын хотын хөдөлгөөндөө цахилгаанаар яваад, хөдөө орон нутагт хол замд гарахдаа бензин хөдөлгүүрээ ашиглаж болно. Ингэснээр бензиний хэрэглээг бууруулахын зэрэгцээ цэнэглэх дэд бүтцээс бүрэн хамааралтай болохгүй.
Гэхдээ нэг зүйлийг ойлгох хэрэгтэй. PHEV машин худалдаж авлаа гээд автоматаар бензин хэмнэнэ гэсэн үг биш. Тогтмол цэнэглэхгүй бол том батерей, нэмэлт хөдөлгүүрийн жингээ чирсэн, бензин их хэрэглэдэг машин болох эрсдэлтэй.
Хамгийн чухал нь эдийн засгийн үр ашиг
Би машиныг зөвхөн шинэ загвар, гоё дизайн, олон дэлгэц, өндөр үзүүлэлтээр нь сонгохыг хүсэхгүй байна.
Миний хувьд хамгийн чухал асуулт бол энэ машинд зарцуулсан мөнгөө хэдий хугацаанд, ямар хэмжээгээр нөхөх вэ? гэдэг асуудал.
Жишээ нь, миний одоогийн Camry 100 км-т дунджаар 7 литр бензин хэрэглэдэг гэж үзье. Нэг дүүргэчихэд 800 км гэж заадаг ба яг бодитоор нэг банк дүүргээд 650-700 км яваад байгаа. Хэрэв жилд 15,000 км явдаг бол 1,050 литр бензин хэрэглэнэ.
Бензиний үнийг жишээ болгон литр тутамд 2,600 төгрөг гэж авбал жилд 2.73 сая төгрөгийн шатахуун зарцуулна. Одоо Euro 92 бол хоёр дахин төлнө.
Харин PHEV машин авч, жилийн нийт явалтынхаа 80 хувийг цахилгаанаар туулдаг бол түлшний зардлаа мэдэгдэхүйц бууруулах боломжтой. Гэхдээ үүн дээр цахилгаан цэнэглэлтийн зардал нэмэгдэнэ.
Гол нь жилд хэдэн сая төгрөг хэмнэхийн тулд одоогийн машинаасаа хэдэн арван сая төгрөг нэмж төлөх гэж байгаагаа бодох хэрэгтэй.
Хэрэв шинэ машин авахын тулд 40 сая төгрөг нэмж төлөөд жилд цэвэр 2 сая төгрөг хэмнэнэ гэвэл зөвхөн ашиглалтын зардлын хэмнэлтээр зөрүүгээ нөхөхөд 20 жил шаардагдана. Мэдээж хуучин болон шинэ машины үлдэх үнэ цэнэ, засвар үйлчилгээ, даатгал зэрэг нь энэ тооцоог өөрчилнө.
Гэхдээ энэ энгийн жишээ нэг зүйлийг харуулж байна.
Бензин бага хэрэглэдэг машин болгон эдийн засгийн хувьд ашигтай худалдан авалт байдаггүй.
Ялангуяа аль хэдийн төлбөрөө төлчихсөн, хэвийн ажиллаж байгаа, шатахуун бага хэрэглэдэг гибрид машинтай хүнд энэ тооцоо бүр ч чухал.
Тэгвэл яагаад дахиад 6–12 сар хүлээх вэ?
Миний төлөвлөгөө маш энгийн. Хоёр боломжийн аль ашигтайг нь сонгоно.
Нэгдүгээр хувилбар: Ирэх 6–12 сарын хугацаанд 200–250 км, түүнээс дээш CLTC үзүүлэлттэй PHEV машинуудын сонголт нэмэгдэж, үнэ нь боломжийн түвшинд хүрвэл шинэ технологитой загварыг нь авна.
Хоёрдугаар хувилбар: Харин одоо Монголын зах зээлд олноор орж ирж байгаа CLTC 80–120 км цахилгаан явалттай PHEV машинуудын үнэ мэдэгдэхүйц буурвал хуучин технологитой гэж голохгүй, эдийн засгийн хувьд ашигтай үнээр нь худалдаж авна.
Өөрөөр хэлбэл, би заавал хамгийн сүүлийн үеийн технологи авах гэж байгаа юм биш. Харин төлсөн мөнгөндөө хамгийн их үнэ цэнэ авахыг хүсэж байна.
Энд нэг сонирхолтой зүйл бий. Шинэ загваруудын батерей томорч, цахилгаан явалт нэмэгдэх тусам өмнөх үеийн машинуудын өрсөлдөх чадвар суларч магадгүй. Үүнээс үүдэн хуучин загваруудын үнэ буурах боломжтой.
Гэхдээ энэ бол баталгаатай үнийн таамаг биш. Монголд импортын үнэ, валютын ханш, татвар, тээврийн зардал, эрэлт нийлүүлэлтээс шалтгаалаад өөр үр дүн гарч болно.
Тиймээс хүлээх хугацаандаа үнэ ханш, шинэ загваруудын үзүүлэлт, Монголын өвлийн бодит хэрэглээ, баталгаат засвар үйлчилгээг харьцуулж ажиглах нь миний хувьд зөв алхам.
Найзууддаа өгөх миний зөвлөгөө
Хэрэв одоо машин авах зайлшгүй шаардлагагүй, хэвийн сайн машинтай бол цахилгаан машин авах гэж яарах хэрэггүй болов уу.
Ялангуяа BYD, ROX болон бусад Хятадын шинэ эрчим хүчний автомашинуудыг сонирхож байгаа бол хэдэн зүйлд анхаараарай.
Каталогийн CLTC үзүүлэлтээр бус, Монголын өвөл бодитоор хэдэн км явахыг нь судлаарай. Гэртээ цэнэглэх боломж байгаа эсэхээ бодоорой. Батерейны багтаамж, засвар үйлчилгээ, сэлбэгийн олдоц, баталгааны нөхцөлийг харьцуулаарай.
Хамгийн гол нь машины анхны үнэ, ашиглалтын зардал, хэдэн жилийн дараах дахин борлуулах үнийг хамтад нь тооцоорой.
Мэдээж бензиний хомсдол, өнөөдөр унаж буй машины эвдрэл, өдөр тутмын хэрэгцээ зэргээс шалтгаалаад хүлээх боломжгүй хүмүүс бий. Тийм хүмүүст одоо PHEV эсвэл EV авах нь зөв шийдвэр байж болно.
Харин над шиг яаралтай солих шаардлагагүй, түлш бага хэрэглэдэг гибрид машинтай хүний хувьд түр хүлээх нь илүү оновчтой санагдаж байна.
Цахилгаан машин руу шилжих нь бараг тодорхой. Би ч гэсэн шилжинэ.
Гэхдээ хэзээ шилжих вэ гэдэг нь чухал.
Миний зорилго хамгийн түрүүнд цахилгаан машинтай болох биш. Харин хамгийн зөв цагт, хамгийн боломжийн үнээр, өөрийн хэрэглээнд тохирсон машин авах юм.
Тиймээс одоохондоо Camry-гаа унаад, Хятадын автомашины зах зээлийн өөрчлөлтийг дахиад 6 сараас 1 жил ажиглахаар шийдлээ.
Магадгүй энэ хугацаанд шинэ загварын илүү хол явдаг PHEV авна. Эсвэл өнөөдрийн 100 км CLTC үзүүлэлттэй машин маш боломжийн үнэд хүрвэл түүнийг нь сонгоно.
Аль ч тохиолдолд шийдвэрийг сэтгэл хөөрлөөр бус, тооцоогоор гаргана.
Эцэст нь, машин бол хөрөнгө оруулалт гэхээсээ илүү хэрэглээ. Тиймээс хамгийн шинэ машиныг бус, хамгийн ашигтай сонголтыг хийх нь чухал гэж боддог.
Tsogoo retweeted
Юу чухал вэ гэдгээ эрэмбэлж мэдэхгүй л явна уу?
iPad тараачихвал боловсорчих юм бодоод бүх хүүхдэд iPad тараасан чинь юм ойлгох чадвар нь эрс дордоод явчисан.
Дээд боловсрол эзэмшчихвэл амьдрал баталгаатай гээд л баахан сургууль байгуулсан. Бараг бүгд элссэн.
Захаасаа дээд боловсролтой хэд нь шоронгоор дүүрч байх шиг байна.
Одоо дээр дооргүй хуралдаад л баахан дэмий балай төсөв баатлцгаагаад л өр зээл үүсгээд байдгаа больчихвол яасын бээ? Тэртэй тэргүй хэнд ч хэрэггүй юм хийгээд байгаагаа тун удахгүй ойлгох болно.
Ядаж л алдагдалтай төсөв батлахгүй гэдэг ганц дүрэмтэй болмоор байна шүү!
Tsogoo retweeted
Интерполоор хайгдаж байгаа яллагдагчийг Эрх барьж байгаа нам нь онц сайн гэж дүгнээд, индэр дээр залаад... Иргэдээ ингэж доромжилж болдог юм уу??
АТГ очиж хэнтэй яаж холбогдсоныг нь мөшгөдөггүй юм уу? МАН-ы байранд очооч ээ, байцаалт аваачээ, тэд бүгд холбоотой байна шд.
Tsogoo retweeted
Гэмтэнд өршөөнгүй хандах нь гэмгүй хүмүүст хэрцгий хандаж буй хэрэг юм. Адам Смит.
Энэ яг үнэн..гэм бурууд нь ял эдлүүлээгүй асар олон хүн гэмгүй бид нарыг тамлаж байна даа..
Tsogoo retweeted
Төрийн бодлого хүний амьдралд үйлчлэх ёстой болохоос, хүний амьдрал төрийн бодлогын золиос болох ёсгүй. Үүний төлөө явах ёстой.
Tsogoo retweeted
Иргэний нийгэм хүчтэй байж, ардчилал батжин бэхжинэ‼️
‼️ Шүгэл үлээгчээс 500 сая ₮ нэхэж дарамталдаг биш, илчилсэн хэргийг нь шалгаж, буруутанд хариуцлага тооцдог төртэй болъё!
‼️ Шүгэл үлээгчийн тухай хуулиа яаралтай оруулж ир!
Эс тэгвээс угаас цөөн дээрээ бүр нэг ч хүнгүй болох бий вий‼️
@NyamUchral
Tsogoo retweeted
Г.Наранбаатар: Хүүхдүүддээ ямар нийгэм үлдээх гэж байгаагаа бодохоор дуугүй суугаад байж чадахгүй нь
Өнөөдөр бидний тэвчээд өнгөрөөж байгаа бүхнийг маргааш тэд үүрнэ. Үүнд л нойр хулжаад шөнийн 2цагт хэдэн үг бичиж сууна.
Өдөржин ажиллаад, авах юмаа танаж, хэрэгцээгээ хойшлуулсаар байхад цалин нь хүрэхгүй байгаа найз нөхөд надад их байна. Дэлгүүрт орох бүрд мөнгөний үнэ цэн буурсан нь илт мэдрэгдэнэ. Хөдөлмөрлөж байгаа хүн ядаж наад захын хэрэгцээндээ санаа зовохгүй амьдарч болдоггүй юм уу?!?
Өнөөдөр Монголд:
- Хөрсөн дээрээ буух боломжгүй журамыг дарга нар нь гаргана. Хэрэгжүүлэх гэж зүдэрсэн ажилтан нь иргэдийн уурыг барна. Иргэн, ажилтан хоёр ширээний 2 талаас муудалцаж байхад чирэгдэл үүсгэсэн шийдвэрийн эзэн хариуцлагаас хол үлдэнэ. Дээрээ том цавчаатай, доороо жижиг цавчаатай. Хохирлыг нь эцэстээ иргэд мөнгө, цаг, мэдрэлээрээ төлсөөр....
- Бэлэн мөнгө тараалаа гээд амьдрал сайжрахгүйг бүгд мэднэ. Үйлдвэрлэл, бараа үйлчилгээ нь нэмэгдэхгүй байхад мөнгө тараагаад байвал үнийн өсөлтөд өөрсдөө идүүлнэ. Гэхдээ ард иргэдийн хувьд "бид авахгүй бол дээгүүрээ хуваагаад идчихнэ" гэсэн айдастай.
Иргэд нь ирээдүйдээ хөрөнгө оруулахыг шаардахын оронд өнөөдрийн хуваарилалтаас хоцрохгүйг хичээдэг болсон нь улсыг удирдаж байсан, байгаа үе үеийн удирдлагуудад ямар их итгэл алдсан бэ гэдэг нь мэдрэгдсээр....
- Хулгай, булхайгаа хийхдээ иргэдэд дундын нэг дайсан гаргаж өгнө. Бид үнэн, худлыг нь нягтлалгүй нийтээрээ шуугиж, тэр хүнийг цахимд дүүжилнэ.
Бидний юу мэдэх, юуг мэдэхгүй өнгөрөхийг төдийгүй хэнийг хайрлаж, хэнийг үзэн ядахыг хүртэл тэд шийддэг болсон.
Биднийг бусдын муу муухайг шүүж байх хооронд тэд юуг, яаж хувааж авахаа шийдчихсэн байдаг.
Олны анхаарлыг өөр тийш нь эргүүлж, ар хударгаар нь хулгайгаа амжуулах энэ арга бүр нутагшиж төгөлдөржсөөр....
- Амны билгээс ашдын билэг гэж бид бүгд ярьдаг. Гэхдээ хараалыг сул үг шиг хэрэглэж заншсан. Хийморь, лундаа ярина. Хүний ажлыг хясаж, хахууль нэхнэ. Би чадахгүй бол чамайг ч чадахгүй болгоно гэнэ.
Дараа нь ууланд гараад хийморио сэргээж хүнээр ном уншуулаад хийсэн үйлдлийнхээ карма-наас чөлөөлөгдөнө гэж итгэнэ. Шашнаас философийг нь хаяад мухар сүсгийг нь аваад үлдсэн гэлтэй.
Хүнийг хохироосон үйлдлээ засахгүйгээр засал хийлгээд бүх юм сайхан болно гэж бодсоор.....
Эцэст нь:
Буруу бүхнийг тогтолцоо нь ийм гээд өөрсдийгөө зөвтгөөд байж болохгүй.
Хахууль авч, хүний боломжийг булаах шийдвэрийг хүн өөрөө л гаргаж байгаа. Тэгээд тэрийг нь хараад дуугай өнгөрөх шийдвэрийг ч бас!!!!
Шударга ажилласан нь хохирч, хууль тойрсон нь хожихыг харсаар байгаад бид ч сүүлдээ "Ингэж л амьдрах юм байна" гэж боддог болж.
Бурууг мэдэхээ больсон биш, буруу гэдгийг нь мэдсээр байж хэвийн мэт хүлээж авдаг болсон нь л аюултай.
Ер нь тэгээд бусдын хулгайг буруутгадаг шигээ даргынхаа хулгайг ч буруутгаж чаддаг байж шударга ёс тогтоно.
Бид улс төрчдийн зохиолоор хөөрч, талцахын оронд уншиж, тунгааж, баримтыг нягталдаг байх хэрэгтэй байна.
Ядаж л бидний төлөө дуугарсан хүмүүсээ ганцаардуулалгүй хамгаалж, өөрсдөө ч оролцдог байж илүү дээр нийгмийг бүтээнэ.
Ингэж байж л ажил хийвэл цалин нь хүрдэг, хуулиа дагавал ажил нь бүтдэг, хулгай хийвэл хариуцлага хүлээдэг улсыг хамтдаа бүтээж хүүхдүүддээ үлдээж чадна.
Эх орондоо сайхан амьдармаар байна.
Үүнийг бидний өмнөөс хэн ч шаардахгүй.
Tsogoo retweeted
Оросууд нь Дамдиннямыг бариад өгчихлөө шд. Ядаж зүдээд олдохгүй байгаа шатахууныг нь Оросууд бүүр урьд нь хэвийн өгч байснаасаа нийлүүлэлтийг нь нэмж өгч байгаа гэж байна шд үнийг нь хэвээр нь. Тэгсэн энд нь хязгаарлаж байгаад үнийг нэмээд. Энэ аймшигтай том луйвар шүү
Tsogoo retweeted
Трамп Америкчуудад 5000 доллар тараана гэж амлахад тэд салаавч өгч бна. Харин Монголчуудад 5000 доллар тараана гэвэл шууд өмдөө шувтлаад тонгойход бэлэн хүмүүс цөөнгүй байгаа гэдэгт итгэлтэй бна. Ядуурал гэдэг зөвхөн мөнгөний хомсдол биш, сэтгэлгээний асуудал юм. Ядуу байхаас ч аюултай зүйл бол ядуу, боолын сэтгэлгээндээ дасах явдал. Ийм сэтгэлгээтэй хүн өнөөдрийн өчүүхэн ашиг хонжооны төлөө маргаашийн боломжоо, эрх чөлөөгөө, тэр байтугай эх орныхоо ирээдүйг ч худалдахад бэлэн болдог. Халамж, бэлэн мөнгөөр иргэдийн саналыг худалдаж авч болдог нийгэмд хариуцлагатай төр, шударга өрсөлдөөн, урт хугацааны хөгжлийн бодлого төлөвшихөд хэцүү. Улстөрчид нь иргэдээ хөгжүүлэхийн оронд хамааралтай байлгахыг, иргэд нь боломж бүтээхийн оронд төрөөс мөнгө горьдохыг илүүд үздэг гаж тогтолцоо үүсдэг.
Монголын хөгжлийг удаашруулж буй томоохон шалтгаануудын нэг нь энэ. Бид ядуурлаас гарахын тулд зөвхөн орлогоо нэмэгдүүлэх биш, юуны өмнө бэлэн мөнгөөр ирээдүйгээ худалдахаас татгалздаг сэтгэлгээтэй болох ёстой.
Tsogoo retweeted
Амеркчууд Трампын амлаад бсан иргэн бүрт 5000$-ыг чамтай нийлж улс, орноо тонохгуй гээд базаад бүхс рүү нь чихчихлээ. Харин эх орончингоо хашгирч бахирч гайхуулдаг Монголчууд олоогүй бгаа 270$ дээр бөөн алаан. Тэр эх орон ямар хамаатайм, ЭЗ сүйрсэн ч яадын, бэлэн мөнгө өг, би шинэ жилээ тэмдгэлмээр байна гэшш
Tsogoo retweeted
6.6 тэрбумын Сэлбийн далангийн (энэ нь 20 тэрбумын өртөгтэй) тохижилт 24 онд эхлээд энэ жил нохойн баас шигиим хиигээд хүчээр дуусгах бололтой
Згр энгиин нүдээр харахад одоо гэр хорооллын айл ч иимиим хиихгүдээ гмээр юм дүүрэн
Згр л халтар
Зураг нь нүсэр ч ямар ч үр ашиггү
Tsogoo retweeted
Генри Форд ажилчдынхаа цалинг 10 доллар байхад нь 1000 болгосон гэдэг. Тэгээд яагаад гэхэд нь хэзээ ийм бага орлоготой хүмүүс сайхан амьдралд хүрч миний машинууд зарагдах вэ гэх утгатай үг хэлсэн гэдэг. Энэ нь дотоодын худалдан авах чадварыг дэмжих замаар эдийн засгийг тэлэх бодлогын сонгодог жишээ. Уг нь Оюу толгойн ногдол ашиг бол зарим нэг нөхдийн яриад байгаа шиг архи дарс, жижиг сажиг зүйл болоод алга болох мөнгө биш шүү. ДНБ өсөж, экспорт ихэссэн ч иргэдийн гар дээр мөнгөний эргэлт байхгүй болж байгаа энэ үед тэтгэвэр, цалин хөлс нэмэхтэй хослоод эдийн засагт эргэлт үүсч эрүүл зөв замд орох нэг алхам. Төсвийн тэлэлт, өндөр хурдтай өсөлт, ажилгүйдэл гэх мэт олон олон хүчин зүйлээс болоод хүнээр бол хэт илүү жиндээ дарагдсан ч хамаг эд эрхтэндээ цусан хангамж очихгүй тасалдаад байгааг илтгэж байгаа. Мөнгөний урсгалыг нэмсэнээр эргээд дотоодын жижиг, дунд бизнес эрхлэгчдийн орлогыг нэмэгдүүлж, тэдгээр нь ажлын байр хадгалах, цалингаа нэмэх боломжийг олгоно. Фордын хэлсэнчлэн, иргэд нь өөрсдөө худалдан авах чадваргүй бол хэчнээн том мега төсөл хэрэгжүүлээд дотоодын зах зээл тэлэхгүй. Иргэдэд баялгийн хуваарилалтыг бодитоор мэдрүүлэх нь тэднийг зээлийн дарамтаас гаргах, хуримтлал үүсгэх суурь болж чадна ...
