ஜீயோ டாமின்

தமிழ் நாடு நில ஒருங்கிணைப்புச் (சிறப்பு திட்டங்கள்) சட்டத்தின்கீழ் (Tamil Nadu Land Consolidation (for Special Projects) Act, 2023) காஞ்சிபுரம் மாவட்டத்தில் அமையவுள்ள பரந்தூர் விமான நிலையத்தை மாநிலத்திற்கு முக்கியத்துவம் வாய்ந்த திட்டமெனக் கருதி ‘சிறப்புத் திட்டமாக' அறிவித்து அரசானை வெளியிட்டுள்ளது மாநில வருவாய்த்துறை. 2023ஆம் ஆண்டு இச்சட்டம் கொண்டு வரப்பட்டதே பரந்தூர் விமான நிலையத்திற்காகத்தான் என்று பூவுலகின் நண்பர்கள் வைத்தக் குற்றச்சாட்டு இன்று உறுதியாகியுள்ளது. இச்சட்டத்தின் முக்கிய நோக்கமே நீர்நிலைகள், நீரோடைகள், வாய்க்கால் ஆகியன அமைந்துள்ள 100 ஹெக்டேருக்கு குறையாத நிலங்களைச் சிறப்புத் திட்டம் என்னும் பெயரில் வணிகம், உள்கட்டமைப்பு, தொழில்துறை ஆகிய திட்டங்களுக்காக ஒருங்கிணைத்து வாரிக்கொடுப்பதாகும். புவி வெப்பமயமாதல் தீவிரமடைந்திருக்கும் காலத்தில் இயற்கையான சூழலமைவுகளைப் பாதுகாக்க வேண்டியது மிகவும் அவசியமானதாகும். மேற்கூறிய தகவல்களைக் கருத்தில் கொண்டு தமிழ் நாடு அரசு பரந்தூர் விமான நிலையத் திட்டத்தைக் கைவிட வேண்டும். நீர்நிலைகளின் அழிவுக்கு வழிவகுக்கும் நில ஒருங்கிணைப்புச் சட்டத்தை ரத்து செய்ய வேண்டும் எனத் தமிழ்நாடு முதலமைச்சரை வலியுறுத்துகிறோம். #Parandurairport @CMOTamilnadu @TThenarasu @TRBRajaa

வேதாந்தா நிறுவனம் மீண்டும் ஸ்டெர்லைட் ஆலையைத் திறக்கும் முயற்சிக்குத் தமிழ்நாடு அரசு கடும் எதிர்ப்பு தெரிவித்திருப்பதை வரவேற்கிறோம். பசுமைத் தாமிர உருக்காலை அமைக்க அனுமதிக்குமாறு வேதாந்தா நிறுவனம் கோரியிருந்த விண்ணப்பத்தை தமிழ்நாடு மாசு கட்டுப்பாடு வாரியம் ஏற்கெனவே நிராகரித்திருந்தது. அந்த உத்தரவுக்கு எதிராக மாசு கட்டுப்பாடு வாரிய மேல்முறையீட்டு ஆணையத்தை அணுகாமல் சென்னை உயர் நீதிமன்றம் மூலம் தீர்வைப் பெறலாம் என வேதாந்தா முயல்கிறது. உயர் நீதிமன்றத்திலும் ஸ்டெர்லைட் ஆலையை மீண்டும் இயங்க அனுமதிக்க முடியாது என்கிற தனது நிலைப்பாட்டை தமிழ்நாடு அரசு தெரிவித்துள்ளது. அண்மைக் காலமாக எப்படியாவது ஆலையைத் திறந்துவிட வேண்டும் என்கிற நோக்கில் பல்வேறு முயற்சிகளை வேதாந்தா நிறுவனம் மேற்கொண்டு வருகிறது. ஸ்டெர்லைட் ஆலை மூடப்பட்டதால் தூத்துக்குடியே இருண்டு விட்டதுபோல போலியான பிம்பத்தைக் கட்டமைக்க முயன்று வருவது கடும் கண்டனத்திற்குரியது. சுற்றுச்சூழலை நாசப்படுத்தி மக்களின் ஆரோக்கியத்தைக் கெடுத்த ஸ்டெர்லைட் ஆலையை இடித்து அகற்றுவதைத் தவிர வேறு எந்தக் கோரிக்கைகளையும் அரசுப் பரிசீலிக்க வேண்டியதில்லை என்பதே மக்களின் நிலைப்பாடாகும். பசுமைத் தாமிர உற்பத்தி தொடர்பான வேதாந்தா நிறுவனத்தின் கோரிக்கையைப் பரிசீலிக்க நிபுணர் குழு அமைப்பதற்கான எவ்வித அத்தியாவசியமும் எழவில்லை என்கிற முடிவைத் தமிழ்நாடு அரசு எடுக்க வேண்டும் என வலியுறுத்துகிறோம். @CMOTamilnadu @TThenarasu @KanimozhiDMK @Chief_Secy_TN @supriyasahuias @maalaimalar @DinakaranNews @bbctamil @thatsTamil @DinamaniDaily @dinamalarweb @NewsJTamil @thenewsminute @NewIndianXpress @ThanthiTV @sunnewstamil @PttvNewsX @PTI_News @the_hindu @htTweets @TamilTheHindu @dinathanthi @NewIndianXpress #sterlite #TNGovt #Poovulaginnanbargal