Taasisi ya Kings International Trust kusaidia jitihada za Serikali za kuwajengea uwezo vijana kupata stadi za ufundi zitakazowawezesha kuajiriwa na kujiajiri.  Ahadi hiyo imetolewa jana tarehe 16 Mei 2024 jijini London na Afisa Mtendaji Mkuu wa Taasisi hiyo Ndugu Will Straw katika Mkutano wake na Waziri wa Elimu, Sayansi na Teknolojia, Mhe. Prof. Adolf Mkenda (MB).   Katika mazungumzo hayo Bw. Straw ameeleza kwamba taasisi yake inafanya kazi katika nchi 25 ulimwenguni ikiwemo Tanzania ambako inashirikiana na taasisi isiyo ya Serikali ya Asante Africa Foundation kusaidia vijana kupata ujuzi, kutengeneza mawazo ya kibiashara na baadae kuyatumia katika kufanya biashara na ujasiliamali. Kwa upande wake Mheshimiwa Mkenda ameishukuru taasisi hiyo ya Kings Trust International kwa kazi yao ya kuwajengea uwezo vijana na amewaahidi ushirikiano wa Serikali katika kuendesha programu za mafunzo kupitia VETA