فهد كان

" ميّاده وأبو نوره " فتور القلب .. نشوتْه القصيد وسيد خلاني ومسباحٍ ضعف خيطه بيمناي وخلص دوره اجيب من الكلام العذب وازرع فيه بستاني وغيري لو يغني ليله الساجي طفى نوره مشاويري مع الافراح تستأذن من احزاني مثل طفلٍ يتيم وبسمته بالفقد مأجوره تعبت ارسم ملامح وجهك الي حسنه أحياني قبل لا يذبل الورد وتروح الروح مقهوره لقيت بوجهك بلادي قبل يشحب ويجفاني انا ذاك الكسير الي وقاره يجبر كسوره اشوفك في زوايا الذاكره ماشفت احد ثاني مثل نجمه تشع النور وسط الليل مذعوره انا المجني عليه وقافي بـ صداتك الجاني خيال ينصّ بالهوجاس لائحّته ودستوره حبيبي قلبك الحساس يوم انّه تناساني بقى عنده مشاعر ولا عاده ناسي شعوره؟ انبّش كل زلّه من جروحك يمكن القاني! ويباغتني شعور التيه والهفوات مغفوره وانا لو بشكي من الوصل تغريبي وحرماني لقيت الناس من فرقاك مرتاحه ومسروره تسرّع في مجيّك ياحبيبي ثم تحفاني مادام ان الشغف يزداد والاحوال مستوره وغريافك يوم انّك مقبل وخطوتْك تنصاني انا ماقد ذبحني كود هي وعينك الحوره تشوّف بالطيوف وشوف طيفك وين وداني يعنّيني غيابك وانت من " يعْنيني حضوره " بعد ثار الشعور وسَرّ جمهوري وسرّاني خذوني من زحام الناس ميّاده وأبو نوره

المحسوسه 12! وبكرا توصل10؟ انا فالجنه ياعبدو

عليك العتاب يدور والقافيه تنساق وخذاك الندم يا سيّد القلب والساده بعد ماكسرت القلب واخلفت بالميثاق همى الحزن باقصى صدري وحن رعاده خليليّ قِفا نبكِي مع معشر العشاق جروح المُحب تنقل فواده من فواده لا تطرون محبوبٍ مناديبه الاشواق ترا المغترب ماوده بطاري بلاده حنين المشاعر حرها يذبح المشتاق لواعجْه، للضيق ومساريه ولّاده بصيص الامل لو ينده الخاطر التوّاق ماشاف الوداع المر في عالمه عاده يشوف المدامع حبر مايملي الاوراق مثل مايشوف ان الحسن كله بغاده

احس فيني طاقه شعرية غير عاديه بس مالي خلق اكتب

انا المجني عليه وقافي بصداتك الجاني خيال ينص بالهوجاس لايحته ودستوره لقيت بوجهك بلادي قبل يشحب ويجفاني انا ذااااااك الكسير الي وقاره يجبر كسوره

غبار بالديره وضيقات وأخطار وحنّا علينا يا رفيقي تساهيل سبحان ربّي يوم بالجهراء أمطار كن المطر يعرف مكان الرجاجيل - محمد الحيص

الجهراء تمطر🌧️

ذكرياتي تنبعث من كل ديره والعمر : من عقرب الساعه خذاني شرهتي على العمر شرهة كبيره يوم اخذ مني طموحي وش عطاني؟

الاماني تاخذ الليل وتنيره والزمن طبعه مع الرجال اناني راح قلبي للتفاصيل الصغيره ضايعٍ بين المخاوف والاماني مايعوَّض راعي الجرح بضميره والدقايق ماتعوضها ثواني ومضة الايام مامرت يسيره شفتها تسرق حروفي من لساني مابقت كلمة سوا الكلمة الاخيره : " خلي القلب المشقى بالمحاني " جعل صدماتي مع الاوقات خيره لي ثمان شهور واقف في مكاني مزنة الماضي على بالي غزيره والزمن كنه تجمد مع كياني ذكرياتي تنبعث من كل ديره والعمر : من عقرب الساعه خذاني شرهتي على العمر شرهة كبيره يوم اخذ مني طموحي وش عطاني؟ اتناسى نار الامس وزمهريره والدهر لا من نسيته ما نساني ادري ان الظالم ايامه كثيره وش يردك عن عذابي يا زماني ؟ القدر مبهم ولا نعرف مصيره الزمان يزول والانسان فاني .

ياللي من غيابك عرفت ان الجفى دفعة بلا الجرح منّك يبتدي والقاف عندك ينتهي ماودي بوصلك لو الخاطر من الجرح امتلى نفوسنا ماتشتهي مثل ماكانت تشتهي .

درب المحبه مبهم ولا فيه نور لا زاولوا قيمتك يابدر التمام عيت عيوني تسترح لها شهور وش حيلة المكسور لا روّح وهام من واقع الدنيا ومن كسر الشعور ماندري نزيد العتب ولا ننام

في زمن يختلف طبع الشقيق بشقيقه باعتقادي تشبثت ووفيت بعهودي لو تبور الحقايق، ما بقى الا حقيقه : " السعودي كويتي والكويتي سعودي " 🇰🇼🇸🇦

لو العاشقين اوضاعهم، وضعنا الحالي ماعينت من يصبر على الي تحملته حبيبي لا تشرح لي وتنشد عن احوالي في ليل الجفى ماباقيٍ شي ماقلته اذا انك من جروح الهواجيس متشالي لو يمرك الشوق بطواريه ما شلته

لا ياخذك شكك على مفرق طريق الحزن ممطر / والجفى ريحه عتى قربك نجاه وقلبي بحبك غريق ومن جيّتك تلفحني هبوب الشتا لاتسألين القلب عما لا يطيق بس اسألي عن : موعد وصالي متى ؟

خدين الصبح لا يقفي ويتركني بدون ضياه اعيشه منكسر والذكريات البيض تجبرني ادوّرْه بدهاليز الحنايا والحشا مرباه واقول بكل مره ياعسى طيفه يدورني احن الفكر من لجّة هواجيسي ومن ذكراه " عسى لا مرته ريح الوله .. بالخير يذكرني "

تمر البال يا غايب.. ولا تنشد عن الاحوال

" ضحية وفاء " صحيح حبك ب ايسر ضلوعي لفى رغم اختلافات المبادي والمِلل

" الحياه بخير " انا باول العشرين يذبحني التفكير اشوف العمر يمحل ولا شفت مرباعه حبيبي مادام انه معي والحياه تسير انا خايف انها توقف بـ ليلة وداعه

فياض جاشي اورقت يوم انك جيت ومن صدتك ماعاد في جاشي فياض من يوم شفتك عن وصالي استحيت شفت المعزه عن دروبك اعتراض

عندي شغف كتابه وعندي شعور لكن للإعلام ماعندي شغف يمكن اموت بحبك وقلبي يثور ولا تشوف احساسي ويُفتح ملف كان الزمن يلف بالناس ويدور انا قصيدي مايدور ولا يلف