ريم بروسس

🚨 تنبيه! ما عاد فيه وقت كثير على انتهاء مهلة استرداد #ضريبة_القيمة_المضافة عن بعض البيوع العقارية! 🥶 إذا اشتريت #عقار خلال الفترة من 1 يناير 2018 إلى 4 أكتوبر 2020 ودفعت الضريبة، تقدر تتحقق بشكل مبدئي من أحقيتك في الاسترداد 🧐 والطريقة سهله جدًا والأمانة العامة للجان الزكوية والضريبية والجمركية ما قصرت وفرت هالخدمة عن طريق موقعهم ، كل الي عليك تدخل رقم هوية البائع ورقم الصك 👇 gstc.gov.sa/ar/Help/Pages/Re… وإذا البائع رفض يتجاوب معك، لا تنتظر! تحتاج تتواصل وتوثيق تواصلك معه واتخذ الإجراءات النظامية المناسبة عشان حقك ما يروح 🙁 مع إني صراحة ما أفهم وش مبرر رفض بعض البائعين للتعاون، خصوصًا إذا ما كان فيه أي تكلفة عليهم! 🙃 بالعكس، الرفض بدون سبب ممكن يدخلك في إشكالية مالها معنى إذا ترتب عليه ضياع حق المشتري 😐 وطبعًا التحقق المبدئي ما يعني الموافقة النهائية على الاسترداد 😇 #العقارات #الضريبة

🚨 توضيح مهم بخصوص #السجل_التجاري 👀 التنبيه الأخير من #وزارة_التجارة أبدًا مو قرار جديد، ولاحظت إن كثير يفسرونه بطريقة مو صحيحة!😐 الموضوع منصوص عليه أصلًا في اللائحة التنفيذية لـ نظام #السجل_التجاري الجديد 🙂 بكل بساطة الفكرة أن بعض المنشآت تضيف أنشطة كثيرة في سجلها التجاري عشان ما ترجع تعدل السجل كل شوي، وبعضها تضيف أنشطة مالها أول من آخر، وهي أصلًا ما تمارسها لا من قريب ولا من بعيد 😅 يعني مثلًا تلقى شركة نشاطها الأساسي البيع بالتجزئة، وفجأة تشوف في سجلها التجاري نشاط مستشفيات أو نوادٍ رياضية!! طيب وش علاقة هالأنشطة بنشاط الشركة؟ 🤔 وهل فعلًا ناوية تمارسها؟ وهل تعرف أصلًا وش تحتاج من تراخيص واشتراطات؟😵‍💫 لكن بعض المنشآت تضيف أنشطة من باب «خلها موجودة يمكن نحتاجها بعدين»، بدون ما تنتبه إن بعض الأنشطة لها متطلبات والتزامات خاصة فيها 🤥 وهنا المشكلة 👀 إضافة النشاط مو مجرد تختار اي نشاط في طريقك وانت ماشي، فيه أنشطة تحتاج تراخيص من جهات مختصة ولها اشتراطات ومتطلبات تشغيل خاصة 🙂 ولا ننسى موضوع #التوطين 🇸🇦 نسب التوطين مو واحدة في كل الأنشطة، وبعض الأنشطة عليها قرارات توطين خاصة بالمهن، فلازم تعرف وش ينطبق على منشأتك تقدر عن طريق منصة #قوى 📌 طيب وش موضوع الـ90 يوم؟ المادة الرابعة من اللائحة التنفيذية حددت مهلة 90 يوم من تاريخ قيد النشاط لإصدار الترخيص المطلوب، أو تقديم ما يثبت ممارسته إذا كان ما يحتاج ترخيص. طيب واذا المهملة بدون استيفاء المطلوب ممكن بشطب قيد النشاط من السجل ❌ وهنا انتبهوا لنقطة مهمة 👀 المقصود شطب قيد النشاط غير المستوفي للمتطلبات، مو بالضرورة شطب السجل التجاري!👌

«القدر سر الله في خلقه»؛ عمق لا تدركه العقول، ورحمة تحيط بنا من حيث لا نحتسب. فاطمئن.. ما اختاره الله لك في كل شي هو عين الخير 🤎🙏 #صباح_الخير

🚨 راتب السعودي لازم يصير 5000 وبعدها 6000 ريال؟ 👀 #وش_الجديد مع القرارات الجديدة؟ 🤔 فيه تغيير جاي على احتساب الموظفين السعوديين في برنامج #نطاقات التابع لـ #الموارد_البشرية. بحسب القرار، بيتعدل الحد الأدنى للأجر المطلوب لاحتساب السعودي كاملًا في نطاقات على مرحلتين: 🔸 المرحلة الأولى: 5000 ريال ابتداءً من 25 أبريل 2027 💰 🔸 المرحلة الثانية: 6000 ريال ابتداءً من 25 أبريل 2028 💰 بس فيه نقطة مهمة جدًا 👇 هذي مو زيادة إلزامية على رواتب السعوديين أبدًا! 😳 يعني: 🔹 كصاحب منشأة: مو مطلوب منك ترفع رواتب موظفينك لهالمبالغ لمجرد صدور القرار. 🔹 كموظف: القرار بحد ذاته ما يعطيك حق تطالب برفع راتبك إلى 5,000 أو 6,000 ريال. طيب وش اللي بيتغير؟ 🤔 اللي بيتغير هو حسبة الموظف السعودي في نطاقات. يعني لو راتبه أقل من الحد المعتمد وقت تطبيق كل مرحلة، ممكن ما ينحسب لك كامل في نسبة التوطين، وهذا قد يأثر على نطاق منشأتك في مكتب العمل ومنصة #قوى. من الآخر: القرار يغير حسبة #التوطين، مو رواتب الموظفين في القطاع الخاص.

" نود إعلامكم أنه تم إلغاء احتساب الهوية المنتهية برقم (00000) من نطاقات بناءً على رصد مخالفة توطين وهمي." 🚨 يا جماعة الخير نرجع نقول مو كل سعودي مسجل في منشأتك، أو حتى عقده موثّق في #قوى، يعني بيكون محسوب في برنامج #نطاقات #قبل_لا_تصير_مخالفة 👀 تخيل يوصلك إشعار بإلغاء احتساب موظف سعودي من نطاقات بسبب رصد مخالفة توطين وهمي! 😵‍💫 والموضوع مو واقف على غرامة وبس 😶 استبعاد الموظف ممكن يأثر على نسبة التوطين ونطاق منشأتك وانتبه 👇 🔹 تسجيل الموظف في التأمينات وتوثيق عقده مو دليل كافي لحاله على وجود علاقة عمل فعلية. 🔹 الوزارة ترصد وتتابع مخالفات التوطين بشكل آلي، وممكن تظهر ملاحظات على موظف حتى لو عقده موثّق. 🫠 عشان كذا، لا تعتمد على تسجيل الموظفين وتوثيق عقودهم عم طريق منصة #قوى أو #التأمينات_الاجتماعية وبس 🙂 وتأكد إن عقود الموظفين، ومباشراتهم، ورواتبهم، وسجلات حضورهم والتأمين الطبي وغيرها من مستندات كلها واضحة وموجودة عندك، عشان لو ظهر استبعاد أو ملاحظة تكون جاهز للرد والتوضيح

نسمع كثير إن الذكاء الاصطناعي بياخذ مكان ويقلل الفرص في مجال محدد بس الواقع طبعًا العكس!😇 السالفة مو مستاهلة تاخذ الموضوع بشكل شخصي أو تعتبره عدو، كل المطلوب تتكيف، تاخذه كصديق ومساعد لك، وتطور شغلك وعملك معاه 😉✨ الفترة الأخيرة اشتغلت على مساحة سميتها "البيت" 🏠 لأني فعلاً أعتبرها بيت لمشاريعي؛ مساحة تنظّم الأعمال، تؤتمِت المهام، وتحفظ وتأرشف الشغل بحيث أرجع له، أقيس الأداء، وأطوّر العمل.🚀 التجربة طبعاً تعتبر في بدايتها بس المتعة صراحة فوق التوقع 😳 أهم شيء خطوة البداية والباقي يجي مع الوقت، ورحلة التعلم مستمرة بإذن الله :) 🤍 #الذكاء_الاصطناعي #اتمتة #تنظيم

الحمد لله 🙏🏻❤️

🚨 إذا عندك سند لأمر أو كمبيالة ورقية، انتبه! مع اقتراب نفاذ #نظام_التنفيذ الجديد، فيه تغيير مهم يخص السندات لأمر والكمبيالات 👀 النظام يشترط تسجيلها في المنصات الإلكترونية الوطنية عشان تعتبر سندات تنفيذية مقبولة، مثل منصة #نافذ التابعة لـ #وزارة_العدل طيب وش مصير السندات الورقية اللي صدرت قبل نفاذ النظام؟🤔 أي سند لأمر أو كمبيالة ورقي تاريخه قبل نفاذ النظام ومستوفي للشروط، يعتبر سند تنفيذي حتى بدون التسجيل الإلكتروني، ويحتفظ بصفته سندًا تنفيذيًا لمدة سنة بعد نفاذ النظام ✅ ⚠️ انتبه: السنة تبدأ من تاريخ نفاذ النظام، مو من تاريخ إصدار السنة 🥶 يعني إذا عندك سند لأمر ورقي قائم، راجع وضعه النظامي، أما السندات الجديدة، فلازم تراعي متطلبات التسجيل الإلكتروني. 📋 #وش_الجديد #السندات_لأمر #نافذ

💡 #وش_الجديد 🚨 لأصحاب المحلات والمنشآت التجارية 👀 صدر قرار من وزير #التجارة بالموافقة على جدول الجزاءات عن #المخالفات_البلدية ذات الصلة باختصاص الوزارة، ويُعمل به من تاريخ نشره في جريدة #أم_القرى. طيب وش اللي يستحق الانتباه؟ 🧐👇 الجدول يتضمن مخالفات مرتبطة بالنشاط التجاري اليومي، مثل: 🔹 عدم منح العميل فاتورة. 🔹 عدم وضع الأسعار على البضائع. 🔹 اختلاف سعر البيع النهائي عن السعر المعلن. 🔹 استخدام عبارة «البضاعة المباعة لا ترد ولا تستبدل». 🔹 عدم توفير وسائل الدفع الإلكتروني أو الامتناع عن استخدامها. والأهم 🧐 مو كل المخالفات لها نفس الغرامة أو المهلة التصحيحية، والتفاصيل تختلف بحسب نوع المخالفة وتصنيفها🤥 عشان كذا، راجع الجدول وتأكد من التزام منشأتك بالمتطلبات المرتبطة بنشاطها ✅ 📄 الجدول الرسمي كاملًا: uqn.gov.sa/decisions-and-reg… #قبل_لا_تصير_مخالفة

💡 #وش_الجديد 🚨 بعت عقار خلال الفترة من 2018 إلى أكتوبر 2020 ودفعت عليه ضريبة قيمة مضافة؟ ممكن يكون لك حق تسترد الضريبة اللي دفعتها! 💰👀 صدر قرار من مجلس إدارة #هيئة_الزكاة_والضريبة_والجمارك بتاريخ 16 أغسطس 2026م، يوضح الحالات اللي تكون فيها #ضريبة_القيمة_المضافة غير مستحقة على التوريدات العقارية للأفراد. طيب وش يعني الكلام؟ 🤔👇 إذا كنت فرد وبعت عقار خلال الفترة من 1 يناير 2018م إلى 3 أكتوبر 2020م، وما كنت تمارس بيع العقارات بشكل مستمر ومنتظم بهدف تحقيق الدخل، هنا ممكن تكون الضريبة اللي دفعتها غير مستحقة من الأساس!😳 لكن انتبه لهالنقطة المهمة 🧐 إذا نفذت أكثر من توريد عقاري واحد خلال أي 12 شهرًا متتالية، هنا راح تعتبر ممارس لنشاط بيع العقارات، وتكون الضريبة مستحقة إذا تجاوز مجموع التوريدات حد التسجيل الإلزامي: 🔹 مليون ريال خلال عام 2018م. 🔹 375 ألف ريال خلال عام 2019م وما بعده. طيب إذا دفعت الضريبة، كيف تستردها؟ 💸 إذا كانت الضريبة غير مستحقة، وسبق سددتها للهيئة، هنا يحق لك التقدم بدعوى استرداد لدى لجان الفصل في المخالفات والمنازعات الزكوية والضريبية والجمركية، بحسب الشروط والإجراءات📋. يعني ممكن تكون دفعت مبلغ ما كان مستحق عليك نظامًا، وعندك فرصة للمطالبة باسترداده! 👌 📄 الدليل الإرشادي لإجراءات ومتطلبات رفع دعوى الاسترداد: gstc.gov.sa/ar/DocumentsLb

🚨 #قبل_لا_تصير_مخالفة بكرة 4 أكتوبر 2026م يبدأ تطبيق قرار #توطين مجموعة من المهن بعد انتهاء فترة السماح المحددة لها 🇸🇦 والموضوع مثل ما قلنا قبل ابدًا مو مرتبط بالمسمى 😇 قائمة المهن تشمل على عدد كبير من المهن في الموارد البشرية، التوظيف، العلاقات العامة، الأعمال الإدارية وغيرها. إذا عندك موظفين على أي مهنة من المهن الموضحة في الصورة 👇 اليوم أخر وقت لمراجعة وضع المنشأة والموظفين، مو بعد دخول القرار حيز التطبيق 😅 ولا تعتمد ابدًا على المسمى المستخدم داخل المنشأة، راجع المهنة والبيانات المسجلة رسميًا خصوصًا في #التأمينات_الاجتماعية ✅ طبعًا الوزارة خلال الفترة الأخيرة توسعت في الرصد الذكي 👀، يعني لا تنتظر زيارة مفتش عشان تراجع وضع منشأتك 🧐 الصورة توضح لكم المهن المشمولة ورموزها 👇 وبالتوفيق للجميع 🤝

نكمل موضوع #تعديل_المهنة للمهن المرتبطة بقرارات التوطين 🇸🇦👇 مثل ما قلت لكم، الطلب له شروط ومتطلبات ومرفقات لازم تتجهز وتُراجع بشكل صحيح 👌 وقبل لا تبدأ بتجهيز الطلب، فيه شروط لازم تتأكد منها🧐 مثل: 👇 ✅ نطاق المنشأة اخضر متوسط فأعلى ✅ الالتزام بالمجموعات المهنية ✅ ما يكون في ملاحظات على المنشأة ✅ وللمنشآت متناهية الصغر لازم يكون عندك سعودي/ـة واحد على الأقل وفيه شروط ثانية مرتبطة بالمهنة الحالية والمهنة المراد الانتقال لها 🧐 يعني الموضوع مو مجرد «أرفع طلب وأغير المهنة وخلاص» 😅 لازم تراجع وضع المنشأة والحالة أول، وبعدها تبدأ بتجهيز الطلب والمرفقات 👌 وطبعًا استيفاء الشروط وتقديم الطلب ما يعني الموافقة على التعديل، لأن الطلب يخضع للدراسة من الوزارة😇 وبالتوفيق للجميع في طلباتكم 🤝✨

كثير سألوني عن طريقة #تعديل_المهنة للمهن المرتبطة بقرارات التوطين 🇸🇦🤔 الطريقة إلكترونية، لكن مو عن طريق منصة #قوى 💻 لأنك لو حاولت تعدل المهنة عن طريق قوى، بتظهر لك ملاحظة إن التعديل غير متاح ❌😇 طيب وش الطريقة؟ 👀 التقديم يكون عن طريق موقع #الموارد_البشرية - مكتب العمل، من خلال: تعديل المهن ← قرارات التوطين 🇸🇦 طبعًا للطلب شروط ومتطلبات لازم تشتغل عليها وترفعها بشكل صحيح ودقيق ✅ وهنا نقطة مهمة جدًا 👇 استكمال المتطلبات وتقديم الطلب ما يعني أبدًا إن تعديل المهنة تمت الموافقة عليه 😅 بعد التقديم، الطلب يروح للوزارة ويتم دراسة الحالة والمستندات، وبعدها توصلك النتيجة: إما موافقة أو رفض 🧐 عشان كذا الموضوع مو مجرد: «أرفع طلب وأغيّر المهنة وخلاص» 👀 لازم يكون طلبك + وضع المنشأة + المستندات المرفوعة كلها تدعم التعديل🫡 الصور توضح لكم مكان تقديم الطلب 👇 أما الشروط والمتطلبات… نخليها بالتغريدة الجاية 🤝

بداية حل المشاكل التقنية في شبكة #إيجار ⭐️🛟

تحديث رهيب على #ناجز ينفع كل صاحب سجل تجاري سواء مؤسسة أو شركة 👍 الحين صار في نوعين من انواع الحسابات في منصة ناجز أعمال: 1️⃣ استعلامي (مجاني): يتيح الاستعلام عن قضايا وطلبات الـي على السجل التجاري. 2️⃣ إجرائي واستعلامي (برسوم): لإنجاز القضايا والمعاملات. سابقًا كان لازم تدفع اشتراك كامل عشان بس تستعلم 🧐✨

تنبيه مهم للجميع 🚨 فترة السماح الخاصة بقرار #توطين المهن الإدارية المساندة على وشك تنتهي في 4 أكتوبر 2026م 🥶 والرصد آلي بنسبة 100% بناًء على البيانات المسجلة في #التأمينات_الإجتماعية 🧐 يعني النظام بيكشف المخالفة ويرسل طلب الإفادة تلقائياً وبتنزل على المنشأة المخالفة 📄 عشان تتفادى هالنوع من المخالفات، ضروري جداً تراجع المسميات والمهن وتتعامل معها بالشكل الصحيح ✅ والمسألة أبداً مو مجرد "تعديل مسمى أو مهنة" الموضوع يحتاج مراجعة كاملة وهنا يجي دور قسم الامتثال والـ HR أو مستشار المنشأة بإنه يكون على اطلاع كامل بقرارات الوزارة والتوطين وواقع العمل داخل المنشأة 💡🫰 وطبعًا القرار يشمل جميع المنشآت 😑

اللهَّم إني أسالك توفيقاً في طريقي، وراحةً في نفسي، وتَيسيرا في أمري❤️ صباح الخير 🙏

تنويه مهم للشركات.. وتذكير لطيف يوفر عليكم غرامات وصداع 🥶 إذا سنتكم المالية انتهت بـ 31 ديسمبر 2025، يعني هالشي أنه باقي 27 يوم بس على نهاية مهلة إيداع القوائم المالية (آخر موعد 30 يونيو 2026). ⏳ الموضوع إلزامي لكل الشركات (سواء اشتغلت أو ما اشتغلت طالما السجل قائم) 😇 وهو خاص بـ #وزارة_التجارة عبر منصة #قوائم التابعة لـ #المركز_السعودي_للأعمال، وماله علاقة بإقراركم الزكوي لـ #زاتكا. 💡 تنبيه للشركات المشمولة بالإعفاء (الصغيرة ومتناهية الصغر):طبعًا أنتم ملزمين بتقديم إقرار مصدق من الغرفة التجارية بعدم سريان متطلب تعيين مراجع حسابات مثل الي بالصورة. وهنا روابط مهمة راح تحتاجون لها 👇 1️⃣ منصة قوائم للإيداع: 🌐 Qawaem.bc.gov.sa 2️⃣ الاستفسار عن حالة الإيداع برقم السجل: 🔍 login.qawaem.bc.gov.sa/eng/c… 3️⃣ تفاصيل الإعفاء من شرط المراجع الخارجي اللي سبق وتكلمت عنه: 🔗 teapawt.net/Reem_Process/status/16… الوقت يمشي سريع، وما تضمن المشاكل التقنية في آخر اللحظات.. ارفعوها بدري واضمنوا وضعكم 😎

لا إله إلا الله وحده لا شريك له، له الملك وله الحمد، وهو على كل شيء قدير ❤️