Huyu Bro apewe heshima yake kwenye Bike, Hawa Police wameenda kukuta chuma mtu hayupo

Muda mrefu kabla ya kujulikana kwa jina la utani la “Mbweha wa Jangwani” wakati wa Vita ya Pili ya Dunia, Erwin Rommel alikuwa afisa kijana zaidi katika Jeshi la Ujerumani wakati wa Vita ya Kwanza ya Dunia. Alipigana katika medani mbalimbali za vita na kujijengea umaarufu kutokana na umakini wake kijeshi, hasa wakati wa mapigano katika Milima ya Alps nchini Italia mwaka 1917. Najua Utaniuliza alifanya nini huko Katika Milima ya Alps nchini Italia mwaka 1917. Ngoja nikwambie, Mwaka 1917, juu ya Milima ya Alps na maeneo mengine ya milimani kaskazini mwa Italia, kulitokea mapigano makubwa wakati wa Vita ya Kwanza ya Dunia, yaliyohusisha jeshi la Ujerumani na Taifa la Austria-Hungary yakipigana dhidi ya jeshi la Italia. Tarehe 24 Oktoba 1917, majeshi ya Ujerumani na Austria-Hungary yalianzisha mashambulizi makubwa dhidi ya Waitaliano katika eneo lililoitwa Caporetto, ambalo leo hii linaitwa Kobarid na lipo nchini Slovenia. Mashambulizi hayo yalivunja safu za ulinzi za Jeshi la Italia na kulazimisha jeshi kuanza kurudi nyuma. Wakati huo, Erwin Rommel alikuwa afisa kijana zaidi wa jeshi la Ujerumani. Aliongoza kikosi kidogo cha askari waliopigana milimani na kushiriki katika mashambulizi yaliyolenga kuteka maeneo yaliyokuwa yakilindwa na Waitaliano ambayo sasa ni nchi ya Slovenia. Katika mapigano mengine yaliyotokea katika Mlima Matajur, Oktoba 1917, kikosi chake kilifanikiwa kuwakamata maelfu ya wanajeshi wa Italia kama mateka na kuteka silaha nyingi. Sana Baada ya ushindi wa Caporetto, Rommel na askari wenzake waliendelea kuwafuatilia Waitaliano waliokuwa wakirudi nyuma. Mpaka kufika Novemba 1917, vikosi vya Ujerumani na Austria-Hungary vilifanikiwa kuwakamata wanajeshi wengi wa Italia. Ushujaa wake na Umakini wake katika mapigano hayo yalimletea sifa jeshini huyu Bwana mdogo wa Enzi hizo na kuchangia kushinda tuzo ya kijeshi ya Ujerumani iliyoitwa Pour le Mérite. Baadaye, wakati wa Vita vya Pili vya Dunia, alijulikana kama “Mbweha wa Jangwani” (Desert Fox) kutokana na nafasi yake kama kamanda wa majeshi ya Ujerumani ndani ya Afrika Kaskazini. Ni muhimu kutofautisha vipindi hivyo viwili mwaka 1917 Rommel alikuwa afisa kijana zaidi katika Vita ya Kwanza ya Dunia, Pia jina la “Mbweha wa Jangwani” alilipata kutokana na shughuli zake za kijeshi katika Vita ya Pili ya Dunia. Hivyo jamaa ni Moja ya Wanajeshi Muhimu na Maarufu sana Katika historia ya Nchi ya Ujerumani.