راشـد

دخلت الهوى من باب طيش وجهل وهبال معي كذبتـين وشمع . . احمر وولاعه من اطول علاقة اشغلتني . . ثلاث ليال ومن اقصر علاقة ضحكتني ربع ساعه ): ما حصلت احد يستاهل الشوق مهما احتال ولو عطّر لسانه لي . . و زيّـن اطباعه إلين ابتليت بـ حب صبحا وبنت رجّال خذتني وانا ماني بـ حي الله بضاعه خذتني مواخيذ الضحى سمحت الاقبال وعاهدتها بـ الصدق والسمع والطاعه مثل عهد جدي . . لا تعاهد معَ رجال لو توقف الدنيا على العهد ما باعه وانا اللي من افلام الهوى واكثر الابطال لو اقتنعو انصاف العرب يصعب اقناعه يا كيف ؟ اقتنعت وبدل الله الحال بـ حال و حبيتها والحب . . مالي به اطماعه اشوف اهله من بعيد في ما مضى واحوال هذا يركز شراعه . . وذا يطوي شراعه يا كم عاشق جفت دموعه على الاطلال إلى من طرا له صاحبه حزّت وداعه وانا ؟ ودي ابكي بس خايف من العقّال مشاريهّهم لـ عروقي الخضر . . قطاعه ولاهو بـ من فرقى ولا شك قل وصال يعين الله الطمّاع . . لا حب طمّاعه مافيه اشين من العاشق المغرم الرحّال إلى حب له مخلوق ماهو بـ من قاعه ! وانا لي اربع سنين ونص وانا على ذا الحال مراحي لها ليل . . وشوفي لها ساعه ):