..

كل ما قلت المحبه مكابدها عذاب الحياء غرّا شفاها و قصّ لسانها

لا تستصغر قول " الحمد لله " مهما عظُمت النعمة فلن تبلغ ما أوتي داوود وسليمان ﴿وقالا الحمد لله﴾ الحمدلله دااااائماً و أبداً ♥️

يروي ضما الضاميّ و يقطع مشاهيه عقب السنين الي تعاقب دهرها غراً يسابقها المُطر من مناشيه بنت المطر لكن ما الله وُمرها كن البراد الي يجي من تواليه مثل البراد الي يجي من ثغرها ويلي على ما أقطع طريق المشاريه و ويلي لو القى صورةٍ من صورها ما كل كسرٍ ودك أنك تداويه بعض الكسور تلين الي كسرها

تجلت ملامح غرة تجلي الديجور من ينام ليلة قام فيها البدر بدري عسى كل يوم يجيبها سَرْمِديّ النور وإذا الليل وياها عسى الليل ماااااايسري هنوف خطاويها على المسك والكافور ربيبة دلال وفارعٍ وعودها مبري لقاها يخلّي خاطر المكتئب مسرور ونداها يخلي كل رشة مطر تغري تمنيت لو عطري من الجاعد المنثور ومن خدها قوتي ومن ريقها خمري زهى في ترايب نحرها وادي البلور يسيل الشفق في تربته والذهب يجري على جيدها لو ذاب سلسالها معذور أنا يوم ما أكتب فيه الأشعار وش عذري ؟ تقول : أنت شاعر ؟ قلت للفاترات الحور تقول : أنت عاشق؟ قلت لمعنق العفري أنا والقصيد وقلبي المنهي المأمور فدااااا قالت : أنت إنسان مجنون ؟ قلت : أدري وش يرد عقلٍ في غرامك غدى مسحور أنا شفت لي شي على البال ما يطري فتني بهاك ولا على الفاتناتِ قصور أسرني هواك ولا أعرف وش يفك أسري على الروح صرتي كنك الحاجب المنصور يا مستوليّة زهراي ردّي عليّ قصري معك كم تمنيت الدقايق تكون شهور دقيقة معك عن كل ما فات من عمري تقولين طرفك هام في عقدي المغرور أجل كيف لو شفت القلادة على خصري ؟ مفاتنِك مسرح حسن وعيوني الجمهور تصفق لها نبضات قطعة ورى صدري عطيني وعد لو كذب يشعل بصيص النور وإذا قلت : وينه ؟ ماااااطلي فيه وأعتذري أحبك وأشوف إن العمر في مداك يدور حنيني على لقياك ما يسعفه صبري عسى الليلة اللي تفرش أحلامنا بالدور سماها يتوه الفجر عنها ولا تسري

على العيون الجهّم النعّس السود سلام تمجيدي و بيتين طلّه إليا أقبلت كن الله مسخر جنود الهم يركد والحشى تستحله ما يلحقك من طارف الشوق منقود إلا بغيابٍ .. غيمته مستهله يا اللي معاك الوقت ماهو بمحدود محدود مع غيرك .. لك الوقت كله سولف وخل حروفك لسمعي تجود ترى الحياه اللي بدونك ممله أنا قبل ما نلتقي ما أدخل بـ مود ولا أرد خيبات الصفوف المطله كل الأمور بوصلك سهود ومهود وأيام ما تشكي من الوضع خلّه صوتي مثل صوت المطر يا أطرق العود وإن طال من طول الوجيه المغلّه الجرح يلفح صدري بريح بارود يمرني ويقول دربي وأدله غلاك من قلبي عرج لآخر حدود مكان ما غيرك بعمري وصل لّه وإذا بقى جزءٍ من النص مفقود متى ما جيت يجي لك العِلم كله

" فيك طاعة عبيد وفيك زمة حرار فيك ضجة حجيج وفيك سجة خلا " الدوافع تكلم والهقاوي كباار أنت تامر على قلبي ياريم الفلا لو تطول الدروب ولو تروح العمار لو يقولون غير وجهتك ، قلت " لا " القريحه على ذكراك شعله ونار وغيرك الله لا يبلانا يجيها . . بلا