يالهموم اللي علي اثقل من حمول الركايب
ساعد الله قلبي اللي مرتكي لحمول همي
ويالظروف اللي علي من وين ماوجه صعايب
ياكثر ماني مسحة الدمع منها براس كمي
و يالجروح اللي يجي هاذا وذاك العام طايب
كل ماهبة ظروف الوقت شمي واستشمي
من عرفة العلم والضحكات ننهبها نهايب
لا تغافلنا الزمن قمنا على الضحكه نسمي ..
وان ضحك وجه الزمن تلقا مثل شرواي هايب
ايه اهابك يازمن وان سقت ضحكاتك لفمي
منك انا وان زنت بعيوني يابو وجهين تايب
ادري انك لاضحكة القاك طاعن ولد عمي ..
نشتكي من سطوتك ونقول من شقر الذوايب
وكل جرح يهون غير جروحك اللي ماتدمي
بس تنزفنا هموم ونضحك بوجة القرايب
ومن نشدني ماني الا بخـير وهمومي بدمي ..
وانت يالي منك ثلثين الخفوق اصبح خرايب
دام بعثرني زمان الذل مايغريك لمي
لمني تكفى ترا ماعاد فيني للمصايب !
ياخلف جدي وياناسي الا ياريحة امي ..
لاتخليني وانا شفني شباب براس شايب
كانك انت اقفيت مع هالناس محدٍ لد يمي!
مثل ما للهم سبه تبقا للفرحه سبايب
انت يافرحه وياضحكه ويامدري وش اسمي !
انت يااخر من بقا لي بهالحياه من الحبايب
في زمانن والله مانشد عن مدحي وذمي
الزمن كم واحدن قبلي موريه العجايب
المصيبه كانك اللي مع زماني صرت همي
لشاعرها













