الهلالي retweeted
يا سكرة العشاق يالموت الرحيم
يا اخر محطاتي وحسن الخاتمه
ان مت (فيك ومنك) فالميّت عظيم
على خدر قمرى . . بليله عاتمه
ماشحّت ايدين الكريم ابن الكريم
ومن الشعور العذب يندى حاتمه
ازخرف الاحساس ف اوشاح السديم
وألبّسك .. ؛ عقد الغرام . . وخاتمه
واقول ذا مجدك وذا الارث القديم
مكمم افواه العباد الشاتمه
#جمال_الميزاني
الهلالي retweeted
نسيت الحبايب وانت تشرب قديمي شَرب
وش اللي موقّفني على ذكرياتك خصّ ؟
يا هل ترى باقي من دروب وصلك درب
يمشّي ليالييّ ليا وقّفت فالنصّ
من يمر ذاكرتي بـ يلقا بقايا حرب
رماديّة صورّ وبداية كتابة نَصّ
تطول الليال ويستمر البْلا والكرب
وانا منتظر صورتك ، تفنى ، تضيع ، تقصّ
يوقّف قديمك يرقب الشمس تشرق غرب
على شان يفنى ويتلاشى سوات الفصّ
نسيت الحبايب وانت تشرب قديمي شَرب
وش اللي موقّفني على ذكرياتك خصّ ؟
الهلالي retweeted
في كنف بشت الطواري وذعذاع الهبوب
داهمتني ضيقةً ما عرفت اسبابها
مثل ضيقة شاعرٍ ضاق من شوف الغروب
يخفي الضيقة و دايم وهو يبلابها
يوم غابت واتقت في حجا دهم النصوب
مثل بنتٍ تخفي الزين خلف حجابها
عايشً كني وحيدً على الحزن مغصوب
و السعادة و الفرح ما طرقت ابوابها
ما توارت علةً تجعل الخاطر لهوب
من مواريها دموعي و جرح اهدابها
من فراق الي غدا الوجه من عقبه شحوب
ايه ضاقت بي الاراضي وشفت اقطابها !
اتسلا ب القصايد و باللحن الطروب
وابدع ابياتٍ عظيمة تنال إعجابها
كنت صادق بالمشاعر ولو انّي كذوب
في مديحً قلته الها و حدّت نااااابها
من يبالغ فالمحبّة شكى الصدر الشبوب
يونس الحرّه ولاهوب يلقى اطبابها
ياعسى الي قد لفاها يكفّر لي الذنوب
لو ذنوبي ما تضاهي طعون حراااابها
ذنبك انك طاغي الكبر يالظبي اللعوب
وذنبي اسرفت بمشاااعر جهلت حسابها
- وقّاد
الهلالي retweeted
اللهم لك الحمد تم تأهلي الى مسرح شاعر الرّاية ، بالتوفيق لي وللزملاء الشعراء المشاركين.
تعرفوا على المجموعة الأولى من فرسان الموسم الخامس لبرنامج شاعر الراية.
نخبة من المواهب الشعرية ينضمّون رسميًا إلى هذا الموسم، وقصائد تستعد لاعتلاء المسرح أمام اللجنة والجمهور.
#شاعر_الراية
#قناة_السعودية
ياوقت لو تدبل همومي بالاضعاف
لو تكسر الخاطر ماتكسر شدادي
في حزت الحزه و في كل ميقاف
لا من غدى جوك ظلام وهجادي
لامن بغيت أنصاف ماتعيّن أنصاف
لو أنك تْجهاد في وقت الجهادي
البعض مابه خير ملعون ينعاف
يحس دربه صح و الكل غادي
لكن أنا مقدام .. ضرغام .. عراف
ولا جيب علمٍ الا فيه الوكادي
ولا دور أحلافٍ وأنا الحالي أحلاف
لا جا نهار الهوش سيفي عتادي
أنا مثل ذيبٍ على أعداي حواف
ضربه على روس العدى والثنادي
ما همني ظلم الليالي الاعجاف
لو وقتي لابس لي ثياب الحدادي
ياوقت لو تدبل همومي بالاضعاف
لو تكسر الخاطر ماتكسر شدادي
أنا أتقدم قدم ما عود / أخلاف
صبرت فالصكات صبر المهادي
وترى ضميري حي ماني بخواف
و لا فرط بديني و سلم المبادي
قصة حياتي أكفاح وقفه ومشراف
وصيتٍ مثل شمسٍ يزيح السوادي
من كثر ما صادمت بقعا يا نواف
تمرني الصكات و أقول ( عادي )
الهلالي
3
230
الهلالي retweeted
حياتي اللي معنّيني .. مجاهدها
خلّت دموعي تسيل وفوّرت دمّي
ما انام ملئ جفوني عن شواردها
عيني عن النوم حاديها كبر همّي
امون على المتنبي ):
الهلالي retweeted
لاتكْثر الشرهات وتكرّر ،، واعيد
مالي مزاج لشي ،، واخلاقي صفر
الوقت هاجرني وحط الضيق قيد
وان جيت افر عن واقعي وين المفر؟!
لا شور يقنعني ،، ولا رايً سديد
حتى شعوري عن قفص صدري نفر
محتاج للصده عن الديرة بعيد
عن معمع الونسه جراهيدي قفر
خلوني ادله مع زعل نفسي وحيد
حتى يداعب خاطري خط السفر
مابين تفنيد الأجابه ،، والأكيد
عطني أجابة صح يالظبي العفر
عندك مايسلب ثومة القلب البليد
والمسلم الي في هوى غيرك كفر
اجمّع حظوظي على وصلك واشيد
الي بنا ، والي دفن ، والي حفر
لو اني اكثر شخص منك مستفيد
وانا اكثر الي في غلا قلبك ظفر
لايصيب الشك واجيب القصيد
الله هدى والله عفى والله غفر
فهد قليب الذيب
الهلالي retweeted
يا زهرة سنيني عليك الله لا رحتي .. تجين
معك مايسعدني مع الوقت وينزل دمعتي
حبيبتي طال الجفى وانتي ماودك ترجعين
الحزن سنة غصتي وانتي فريضة بهجتي
الهلالي retweeted
فقدته سنين ولا رحل زوله وذكره
وفقدت الحنان ولذّة الزاد والمهجع
" في قلبي أمل يقول بأن رجعته بكره "
وفي عقلي يقين يقول : الاموات ما ترجع
الهلالي retweeted
تحسب انك ليا ضقت مني ماني مرتاح
على ضيقة المقفي ماني والله بـ مكلوف !
خذيتك عمر لين العمر قدم عيني راح //
اشوفه ولا به غير " شوفه و حرقة جوف "
- شليّويح
الهلالي retweeted
تفتّح الفجر و ستاقه نسيم الصباح
كنّه حمل في متونه فرحه و بسمتين
ولا انْه فك القيود و صار يطلق سراح
احلامي اللي مقيّده الزمن من سنين
وعيت و الشاعر اللي عاش ولا استراح
لا يمكن يعيش بسماته مع الحاضرين
و آمنت : بـ ان الظروف الي بليا .. سلاح
اقسى من الحرب بـ ام الخمس والمارتين
وانتي يا باب الفرح و الحب و الارتياح
ما قبلك الا طواري و انتكاس و ونين
جيتي مع أول بكى خاطر وْ آخر مزاح
و جيّتك تكفي عن الباقين و الراحلين
ما كنت متوقع البسمه بعد دمع طاح
ما كنت داري الاراضي تمتلك حور عين
و شفتك ولاشفت غير الضحك والانشراح
و سمعت الامال صاحت كم لنا ناطرين
ماجابك الحظ من يد الليال الشحاح
ماجابتك غير دعوه في كنف ركعتين
تدرين بـ ان العمر مره و اذا راح .. راح
تحضنيني / و نسيني المشقّى.. إلين
اغفى واعيش بـ وطن حلمي وارف الجناح
و ودع الواقع / اللي عاجزٍ به .. يزين
ولا تسكتين و تخليني طريح الجراح
تكلمي و اسهبي فـ الحكي لا تسكتين
كنك بعد طول حزن وشح حظ وكفاح
هدية الله للعبد الفقير .. الحزين

































