ابراهيم بن صالح

الفراق المر وأقسى محطات الحياه..

،، ماجفيت الا المنام ولا كرهت الا الأماني وماذبحت الا الطموح وماعشقت الا التفرد انزوائي في الشمال معاكس سهيل اليماني تعتبر فرصه ثمينه للتجلّي والتجرّد ربما تتجدد الفرصه ويضحك لي زماني والا اعود لما مضى من هيمنة فكر وتمرّد

يالله اني من جيوش الفقد والفرقى دخيلك ماتوانا جيشها الفتاك غاره تلو غاره وأشهد انه لانجاه من العذاب الا سبيلك والله انه ماينجيني ثبات ولاشطاره من ثلاث سنين والفرقى تفت أزرك وحيلك أنت ياابراهيم من صنف البشر والا حجاره تنتظر دورك وطال الصبر ياصبحك وليلك افترى فيك الفراق ومثلك يطول انتظاره بوسعيد اليوم راح وياعناك وياحليلك غادر الوجه الصبوح المبتسم وجه البشاره وانا والله مااتناسى فزعتك والا جميلك ياكريمٍ وجهه أبيض والوفا دايم شعاره بوسعيد الكفو طلق الوجه يحماك ويشيلك الله اعطاه القبول وفي المراجل له صداره مايصغّر موقفك وينوب ويكثّر قليلك وان طلبت الشور تلقى الشور عن خرص وجداره بوسعيد وبو سعيد وبوسعيد الله وكيلك لاتسل وش هي الخساره سال عن حجم الخساره انا لله وإنا إليه راجعون،،

يارباه ياعظم المصيبه..وعمق الـ آآآه وكبر الفراق اللي نهشني تحت ضرسه وش يقول من حده زمانه وجاب أقصاه مدى حزنه اكبر من مدى حبره وطرسه يعيش اليتم فقد، وكسر قلب، ومعاناه ياشين الفراق المرّ وطقوسه الشرسه من أعطى دروس أيوب عن صبره فـ دنياه صفعه الزمان وخذ من موادعك درسه ياقوّه.. لاجابه وقته بسيفه وشلفاه وياضعفه ..إن مرّه حنين وذكر (( غرسه )) #محمد_آلجابر الشكر الللامتناهي لأخي وحبيبي الشاعر المتفرد محمد آل جابر على هذه الأبيات العظيمة قيمة ومعنى ومبنى ولايتسغرب عليه هذا الإبداع... أنا وهو صنوان لم يجمعنا الزمان وشاعران أجحف بحقهما الثقلان،،... ولله الأمر لكن الإبداع بصمته وصنعته يستعمر كيانه ويستوطن جنانه هو شاعر لم ولن ينصفه الزمان والمكان والتاريخ والجغرافيا... سجل بصمته الخالده في مصيبتي بفقد ( أمي) وأي مصيبة بعد فقد الأم،،...

والله إن الشوق لوصالها رغبة محب وأنا تحت أقدامها أخضع وأسلّم للهوى من يجيني يونس النار في صدري تشب مثل موسى يونس النار في وادي طوى عقبها ماعد يشفيني علاجٍ وطب استريحوا يالأطبا وصناع الدوا #أمي

وش بقى لي عقب فرقى مكرّمة الضيوف غير تقليب المواجع وشهقات الندم هذا انا ماغير اصفصف وأرتب في الحروف وآتأمل قصر شامخ تداعى وانهدم #أمي

والله إني عقبها ماني بطيّب لا اله الا الله اللهم أجرني في سبوع انهار ثم أهرم وأشيّب الفرح من عقب غيبتها .. هجرني #أمي