ابراهيم بن صالح

لا طرالك كيف تبعدْك السنين ولا طرالي كيف اخاف اللي مضالي معك وارجع واستعيده انتبه لي ، ما كفاك الياس وصدوف الليالي شاعرك شابت حروفه في هقاويه البعيده العمر ما بين تفكيري وحلمي وانشغالي والهوى له حاجةٍ عندي وانا عندي قصيده والقصايد ما تمل مْن الجروح ولا تبالي كل ذكرى صنتها ويّاك في فكرة جديده ابعد مْن الشمس واقرب من دفاي ومن ظلالي ضحكةٍ تحيي نهار العيد فرحتْه الوحيده اتركوني من مجاملكم وخلّوني لحالي القلوب اقسى من الدنيا على النفس الزهيده معظم الاشياء تكتبني وتكتب من خلالي ليتنا نقدر نعيد اللي عجزنا لا نعيده من ثلاث شهور وعْزازي على عز انعزالي البكاء لو نقدر نجاريه ما نقدر نجيده ليه يا صوتٍ تسلّى في مساي ومنت سالي ليه تترك وحشة الايام تفعل ما تريده ليه وطعونك على قلبي وقلبي راس مالي من يردّك وانت تجري في حشاه وفي وريده الغرور اعماك واللهفه تحدّ مْن التعالي والحزن كبّل يديين اللي خذاه الشوق بيده لا تخاف مْن التغلّي خاف من قل اتّصالي النهاية مثل ماهي والفرص ماهي سعيده .