بندر الدويش

الطواريق و انسام الهبايب و المكاتيب كلّ ما قيل و لا ما طرِق .. ماجاب راسي كل ما اسمع طرق بندر و هاجس بدري الشيب قلت يا طيب عزوتنا ما دام الضلع راسي عندنا الفين شاعر .. كل شاعر زاد بالطيب و كل جيلً من الاجيال اشوفه جيل ماسي من قرى الحرّه إسمع و امش لين النويصيب ان فهقت النويصيب الف شاعر دبلوماسي ودي اغيب .. لكن وش يعذرني لو اغيب والرياجيل تطرب للقصيده من حماسي من يخيرني بثنتينها .. من دون ترتيب ؟ قلت سحب القريحه مثل سحب الجناسي ان بغوني بني عمّي .. فانا والله قْريب ليه اوقف ما دام الامر هين و متواسي ضيعتي وانا مشقى ورى .. درب اللواعيب ضيعة اللي يدل الدرب بس يقول ناسي! كل ما شفت من تنثر شعرها .. كني اطيب ليه ما اليّن القلب الحجر و ان كان قاسي ميزة اللي يقاس الزين .. من كثر العذاريب الشفايف تجيب الموت و تشتت حواسي ان بدا الشيب فيها زاد قدر الابيض ، الشيب من طمع قربها يجهل مدى الاسم الخماسي يوم قالت لي نواعسها .. ترا المخطي مصيب قلت تكفير ذنب و خيره .. و قفى نعاسي المسافه ما بين احساسي و بين الاكاذيب تنحسب نفسها .. مثل المكاتب و الكراسي مالك الريّب قفى .. بس انا اللي مالك الرِيب كل ما احتجت كلمه ليّنه .. عوّدت اواسي اجهل الحب بس أدرك تماما ماهو بـ عيب عيب لا صرت اسجّه .. و لا طيّر عماسي يا يسنَع لي لزومي .. من احصنة الاطاليب ولا يا جعل يردع كلمتي .. عقلً سياسي