𓃮 ஆதித்த சோழன் 𓃮

வசூல் சக்கரவர்த்தி @Seeman4TN #தம்பிகள்_பாவம் #Benz_Car #Dmk_Slave #Seeman

பட்டினப்பாக்கத்தில் புதிய தலைமைச் செயலகமா? மீனவர்களின் வாழ்வாதாரத்தை அழித்து 1,200 கோடி ரூபாயில் ஒரு ஆடம்பரக் கட்டடம்! அரசாணையை உடனடியாகத் திரும்பப் பெறத் தமிழ்நாடு அரசுக்குத் TVPK எச்சரிக்கை! @CMOTamilnadu @TVKVijayHQ @Chief_Secy_TN சென்னை, பட்டினப்பாக்கத்தில் சுமார் ₹1,200 கோடி செலவில் புதிய தலைமைச் செயலகம் மற்றும் சட்டமன்ற வளாகம் அமைக்கும் தமிழ்நாடு அரசின் அவசரக் கதியிலான முடிவைத் தமிழ்நாடு விடுதலைப் புலிகள் கட்சி மிக வன்மையாகக் கண்டிக்கிறது. உழைக்கும் மக்களின் வாழ்வாதாரத்தைப் பறித்துவிட்டு, சென்னையின் உள்கட்டமைப்பைச் சீரழித்து ஒரு ஆடம்பரக் கட்டடத்தைக் கட்டுவதை ஒருபோதும் ஏற்க முடியாது. இந்த அரசாணையை அரசு உடனடியாகத் திரும்பப் பெற வேண்டும். புனித ஜார்ஜ் கோட்டையில் இடப்பற்றாக்குறை இருப்பதை நாங்கள் உணர்ந்தாலும், நிர்வாக வசதி என்ற பெயரில் ஒடுக்கப்பட்ட மீனவ மக்களை வீதியில் நிறுத்துவது எவ்விதத்தில் நியாயம்? உத்தேசிக்கப்பட்டுள்ள 25 ஏக்கர் நிலப்பரப்பு, 12-க்கும் மேற்பட்ட குப்பங்களைச் சேர்ந்த 1,500-க்கும் அதிகமான மீனவக் குடும்பங்களின் பொருளாதார மற்றும் கலாச்சார உயிர்நாடியாகும். காலங்காலமாகப் படகுகளை நிறுத்தவும், வலைகளைப் பின்னவும், மீன்களைக் காயவைக்கவும் அவர்கள் பயன்படுத்தி வரும் அந்தப் பகுதியை அரசு பறிக்க நினைப்பது அவர்களின் பூர்வீக உரிமையைப் பறிக்கும் சதிச் செயலாகும். எந்தவொரு மக்கள் கருத்துக் கேட்புக் கூட்டமும் நடத்தாமல் தன்னிச்சையாக அரசு இந்த முடிவை எடுத்திருப்பது சர்வாதிகாரப் போக்காகும். ஏற்கெனவே போக்குவரத்து நெரிசலிலும், மெட்ரோ ரயில் கட்டுமானப் பணிகளாலும் திணறிக்கொண்டிருக்கிறது சாந்தோம் மற்றும் மெரினா லூப் சாலை. இதில் பல ஆயிரம் அரசு ஊழியர்கள், அமைச்சர்கள் மற்றும் பொதுமக்களைத் தினமும் குவியச் செய்வது சென்னையின் ஒட்டுமொத்தப் போக்குவரத்தையும் முடக்கிவிடும். ஓமந்தூரார் கட்டடம் இருக்க 1,200 கோடியில் புதிய கட்டடம் எதற்கு? முந்தைய திமுக ஆட்சியில், அன்றைய முதலமைச்சர் திரு. கருணாநிதி அவர்கள் ஓமந்தூரார் அரசினர் தோட்டத்தில் புதிய தலைமைச் செயலகத்தைக் கட்டினார். ஆட்சி மாற்றத்திற்குப் பிறகு வந்த ஜெயலலிதா அவர்கள், அரசியல் காரணமாக அதை மருத்துவமனையாக மாற்றினார். இன்று அந்த ஓமந்தூரார் மருத்துவமனை வளாகத்தில் வெறும் 40 சதவீத இடங்கள் மட்டுமே பயன்பாட்டில் உள்ளன. அப்படியிருக்க, அந்த ஓமந்தூரார் வளாகத்தையே மீண்டும் சீரமைத்துத் தலைமைச் செயலகமாகச் செயல்பட வைக்கலாமே? அதை விடுத்து வீணாகப் புதிய கட்டடத்திற்கு 1,200 கோடி ரூபாய் செலவு செய்வது ஏன்? இதுதான் நீங்கள் சொல்லும் 'மாற்றமா'? ஏற்கெனவே தமிழ்நாடு அரசு பல லட்சம் கோடி ரூபாய் கடனில் தத்தளித்துக் கொண்டிருக்கிறது. ஒருபுறம் அரசியல் லாபத்திற்காக இலவசங்களை வாரி வழங்குவதும், சட்டமன்ற உறுப்பினர்களுக்கு புதிய கார்களை வாங்கிக் கொடுப்பதுமாக அரசின் நிதி கண்மூடித்தனமாக வீணடிக்கப்படுகிறது. ஒட்டுமொத்த இந்தியாவிற்கான புதிய நாடாளுமன்றக் கட்டடத்தையே 900 கோடி ரூபாயில் கட்டி முடித்திருக்கும்போது, மாநில அரசின் தலைமைச் செயலகத்திற்கு மட்டும் 1,200 கோடி ரூபாய் எதற்கு? இந்த வீண் ஆடம்பரத்தைத்தான் நீங்கள் 'மாற்றம்' என்றும் 'வெற்றி மாடல்' என்றும் கூறுகிறீர்களா? உரிமைக்காகக் கருப்புக் கொடி ஏற்றி, செப்டம்பர் 21-ஆம் தேதி மாநிலந்தழுவிய போராட்டம் நடத்தவுள்ள மீனவ மக்களுக்குத் தமிழ்நாடு விடுதலைப் புலிகள் கட்சி மற்றும் தலைவர் தமிழ்வேந்தர் அவர்களின் முழுமையான ஆதரவு உண்டு. விளிம்புநிலை மக்களின் அமைதியைச் சம்மதம் என்று அரசு தவறாகப் புரிந்துகொள்ள வேண்டாம். முதலமைச்சர் அவர்கள் உடனடியாகத் தலையிட்டு, இந்தத் திட்டத்தைக் கைவிட வேண்டும். அனைத்துக் கட்சிக் கூட்டத்தைக் கூட்டி, மீனவப் பஞ்சாயத்துகளிடம் கலந்தாலோசிக்க வேண்டும். உழைக்கும் மக்களின் வயிற்றிலடிக்கும் இந்த ஆடம்பரத் திட்டத்தை அரசு உடனடியாகக் கைவிட்டு, மாற்று இடத்தை அல்லது ஓமந்தூரார் வளாகத்தையே பயன்படுத்த முன்வர வேண்டும் எனத் TVPK திட்டவட்டமாக எச்சரிக்கிறது! - தமிழ் வேந்தர் தலைவர் மற்றும் நிறுவனர் தமிழ்நாடு விடுதலைப் புலிகள் கட்சி சமூகநீதி • சமூக சமநிலை • தமிழர் எழுச்சி @Tamizh_Vendhar @Genz_Tvpk_Wing @Tvpk_Paramakudi @tvpk_office

விநாயகர் சதுர்த்தியை முன்னிட்டு, தமிழ்நாடு விடுதலைப் புலிகள் கட்சியின் நிறுவனத் தலைவர் தமிழ்வேந்தர் அவர்கள் சார்பில், பரமக்குடி பகுதியில் நடைபெறும் விநாயகர் சதுர்த்தி விழா கொண்டாட்டத்திற்காக ரூ.1,00,000 நன்கொடையாக வழங்கப்பட்டது. தலைவர் தமிழ்வேந்தர் அவர்களின் இந்த அன்பான உதவிக்கு நன்றியையும், மரியாதையையும் தெரிவிக்கும் வகையில் பரமக்குடி பாய்ஸ் சார்பில் மனமார்ந்த நன்றியைத் தெரிவித்துள்ளனர். மேலும், தங்களது விநாயகர் சதுர்த்தி விழா பதாகையில் நமது தலைவர் தமிழ்வேந்தர் அவர்களின் புகைப்படத்தை இடம்பெறச் செய்து, அவரை சிறப்பித்துள்ளனர். தலைவரின் அன்பும் ஆதரவும் மக்களுக்காக என்றும் தொடரட்டும்! தலைவரின் அன்பும் ஆதரவும் மக்களுக்காக என்றும் தொடரட்டும்! தமிழ்நாடு விடுதலைப் புலிகள் கட்சி IT Wing @Tamizh_Vendhar @tvpk_office @Genz_Tvpk_Wing @Tvpk_Paramakudi

இனிய விநாயகர் சதுர்த்தி நல்வாழ்த்துக்கள் ! @Tamizh_Vendhar @tvpk_office

இந்தியத் துணைக்கண்டம் சுதந்திரம் அடைவதற்கு முன்னும், பின்னும் என கடந்த 600 முதல் 700 ஆண்டுகளாக இம்மண்ணில் ஆரிய, திராவிட, சனாதன ஆதிக்கவாதக் கட்டமைப்பு ஆழமாக வேரூன்றி நின்றது. இதன் அடிப்படையில், தாழ்த்தப்பட்ட மக்கள் மீது 'தீண்டாமை' என்ற கொடிய சதித்திட்டம் ஒரு தீராத நோயாகத் திணிக்கப்பட்டு அரங்கேற்றப்பட்டது. அதுமட்டுமல்லாது, பிற்படுத்தப்பட்ட (OBC) சமூகங்களில் பொருளாதார மற்றும் அரசியல் ரீதியாகப் பின்தங்கிய மக்கள் மீதும் இந்த ஆதிக்கவாதக் கட்டமைப்பு தனது கொடூர அடக்குமுறையைச் செலுத்தியது. சுபாஷ் சந்திரபோஸ், மகாத்மா காந்தி, முகமது அலி ஜின்னா, சர்தார் வல்லபாய் படேல், ஜவஹர்லால் நேரு தொடங்கி, தமிழ்நாட்டில் வ.உ.சிதம்பரனார், பசும்பொன் முத்துராமலிங்கத் தேவர், பெருந்தலைவர் காமராஜர், கக்கன், இரட்டைமலை சீனிவாசன், அயோத்திதாசப் பண்டிதர் மற்றும் ஈ.வெ.ரா, அண்ணாதுரை, எம்.ஜி.ஆர், ஜெயலலிதா, கருணாநிதி, போன்ற ஆளுமைமிக்கப் பல தலைவர்கள் வாழ்ந்த காலகட்டங்களில்கூட, இந்த ஒடுக்குமுறை தொடர்ந்து கொண்டேதான் இருந்தது. காதல் திருமணம் செய்வதற்குக்கூடக் கொடிய எதிர்ப்பு இருந்தது. தீண்டாமைக்கு எதிராகச் சட்டங்கள் இருந்தனவே ஒழிய, அவை என்றுமே முழுமையான செயல்பாட்டில் இல்லை. அறவழிச் சூரசம்ஹாரம் செய்த மாவீரன் ! அப்படிப்பட்ட இருண்ட காலகட்டத்தில், இராமநாதபுரம் மாவட்டம் செல்லூரில் 9 அக்டோபர் 1924 அன்று வேதநாயகம் - ஞானசௌந்தரி இணையருக்குப் பிறந்து, சமூக சமநிலை கொண்ட மாற்றுச் சமூகத்தைப் படைக்கத் தலைநிமிர்ந்து வந்தவர்தான் மாவீரன் இம்மானுவேல் சேகரன்! தமிழ்த் தேசிய அரசியலின் முதல் கொள்கையான 'சாதி, மத வேறுபாடற்ற சமூகத்தை' முன்னிறுத்தி, அனைத்து ஒடுக்கப்பட்ட மக்களுக்கான மாபெரும் சக்தியாக அவர் உருவெடுத்தார். நம் முப்பாட்டன் முருகப்பெருமான் நிகழ்த்திய சூரசம்ஹாரத்தைப் போல, தீண்டாமைக்கு எதிரான ஓர் அறவழிச் சூரசம்ஹாரத்தை அவர் இம்மண்ணில் நிகழ்த்திக் காட்டினார். சாதியத் தடைகளைத் தகர்த்தெறிந்து அவர் வெற்றிப் பாதையில் வீறுநடை போட்டுக் கொண்டிருந்தபோது, இந்த ஆரிய-திராவிட-சனாதன ஆதிக்கவாதக் கட்டமைப்பு பொறுத்துக்கொள்ள முடியாமல், 1957 செப்டம்பர் 11 அன்று அவரைக் கொடூரமாகத் தீர்த்துக்கட்டியது. அவர் கொல்லப்பட்டதன் மூலம், இம்மண்ணில் தமிழ்த் தேசிய அரசியல் குழிதோண்டிப் புதைக்கப்பட்டது. ஆனால், அவர்கள் புதைத்தது மாவீரனை அல்ல, மாபெரும் விதையை! அன்று இங்கே வீழ்ந்த அந்த விதைதான், தமிழீழத்தில் மேதகு பிரபாகரனாகவும், சமகாலத் தமிழ்நாட்டில் மாற்று அரசியலைப் படைக்க வந்த நமது தலைவர் தமிழ்வேந்தராகவும் விருட்சமாக முளைத்து நிற்கிறர் நமது முன்னோர்களால் முழுமையாகச் செய்து முடிக்க முடியாத அந்தச் சமூக சமநிலைக் கனவை, மாவீரன் இம்மானுவேல் சேகரன் சிந்திய இரத்தத்தின் மீதாணையாக நமது தலைவர் தமிழ்வேந்தர் நிச்சயம் நிறைவேற்றுவார். இந்த நினைவு நாளில் அதற்கான உறுதிமொழிகளாகத் தமிழ்நாடு விடுதலைப் புலிகள் கட்சி கொள்கைகள் சமூக சமநிலையைப் படைக்க, சாதி மற்றும் மதத்தின் பெயரால் இயங்கும் சங்கங்கள் முற்றிலுமாக ஒழிக்கப்பட வேண்டும். சாதிய வன்மங்களை வளர்க்கும் குருபூஜை வழிபாட்டு முறைகள் முழுமையாகத் தடை செய்யப்பட வேண்டும். மணிமண்டபங்களைத் தவிர்த்து, பொது இடங்களில் உள்ள அனைத்து சாதி, மதத் தலைவர்களின் சிலைகளும் அகற்றப்பட வேண்டும். அனைவரும் சாதி, மதம் கடந்து தமிழ்த் தாய் வழிபாட்டைக் கட்டாயமாகப் பின்பற்ற வேண்டும். தொல்காப்பியம், திருக்குறள் போன்ற நமது மாபெரும் சங்க இலக்கிய நூல்களைப் படித்த பிறகே, பிற சமய வழிபாட்டு நூல்களைத் தொட வேண்டும் என்ற பண்பாட்டு மாற்றம் நிகழ வேண்டும். தமிழ்நாடு முழுவதும் சாதி, மதப் பெயர்கள் மற்றும் அடையாளங்கள் இல்லாத ஓர் உயர்ந்த சமத்துவ நாடாகத் தமிழகம் உருமாற வேண்டும். இதுவே நம் முன்னோர்களுக்கு நாம் செய்யும் உண்மையான வீர வணக்கமாக அமையும். மாவீரன் இம்மானுவேல் சேகரனார், இரட்டைமலை சீனிவாசனார், வள்ளலார் மற்றும் மேதகு பிரபாகரன் ஆகியோர் காட்டிய வழியில், தமிழ்த் தேசிய இனத்தைச் சமூக சமநிலை கொண்ட ஒப்பற்ற இனமாக நமது தலைவர் தமிழ் வேந்தர் மாற்றுவார்! மாவீரனின் நினைவு நாளான இன்று, தமிழ்நாடு விடுதலைப் புலிகள் கட்சி நிறுவனத் தலைவர் தமிழ்வேந்தரும் இந்தச் சூளுரையை ஏற்று, ஐயா இம்மானுவேல் சேகரனாருக்கு வீர வணக்கம் செலுத்தினார் ! தலைமையகம் தமிழ்நாடு விடுதலைப் புலிகள் கட்சி சமூகநீதி • சமூக சமநிலை • தமிழர் எழுச்சி @tvpk_office @Genz_Tvpk_Wing @Tamizh_Vendhar @Tvpk_Paramakudi

சமூக சமநிலைக்காகத் தன் இன்னுயிரை ஈந்த மாபெரும் போராளி, ஒடுக்கப்பட்ட மக்களின் உரிமைக் குரலான மாவீரன் இம்மானுவேல் சேகரனார் அவர்களின் நினைவு நாளான இன்று, தமிழ்நாடு விடுதலைப் புலிகள் கட்சியின் நிறுவனத் தலைவர் தமிழ்வேந்தர் அவர்கள், தனது இல்லத்தில் மாவீரரின் திருவுருவப் படத்திற்கு மலர்தூவி வீரவணக்கம் செலுத்தினார். ஆரிய, திராவிட, சனாதனக் கட்டமைப்புகளை உடைத்தெறிந்து, சாதி மதங்களற்ற சமத்துவத் தமிழ்ச் சமூகத்தைப் படைக்கப் போராடிய அந்த மாவீரனின் இலட்சியக் கனவை, தமிழ்நாடு விடுதலைப் புலிகள் கட்சி சமரசமின்றி வென்றெடுக்கும் எனத் தலைவர் சூளுரைத்தார் ! தலைமையகம் தமிழ்நாடு விடுதலைப் புலிகள் கட்சி சமூகநீதி • சமூக சமநிலை • தமிழர் எழுச்சி @tvpk_office @Genz_Tvpk_Wing @Tamizh_Vendhar @Tvpk_Paramakudi #Tvpk #Immanuvel #Tamilvendhar