Jago🇦🇹Jain🇦🇹Jago

माध्यमांशी संवाद! 🎙️ 🎙️ जैन संप्रदाय हा शांतीप्रिय असून अहिंसेवर विश्वास ठेवणारा समाज आहे. मुंबई आणि देशाच्या विकासात त्यांचे मोठे योगदान आहे. अनेक शैक्षणिक, धार्मिक आणि आरोग्यविषयक संस्था सरकारलाही उभारणे शक्य नव्हते, त्या जैन समाजबांधवांनी उभारल्या आहेत. या संस्थांचा लाभ केवळ जैन समाजच नाही, तर सर्व समाजातील लोक घेतात. जैन बांधव शांततेने आपली उपासना करत असतात. रस्त्यावरील पांढऱ्या पट्ट्यांबाबत बोलायचे झाल्यास, देशातील अनेक धार्मिक स्थळांवर अशा प्रकारचे पांढरे पट्टे दिसून येतात. गोव्यातील श्री मंगेशी मंदिर, तिरुपती श्री बालाजी मंदिर, सोलापूर येथील श्री सिद्धेश्वर मंदिर येथे देखील असे पट्टे आहेत. यामागे वैज्ञानिक कारण आहे. आपल्या देशात उष्णता जास्त असते. त्यामुळे अनवाणी चालणाऱ्या भाविकांना या पांढऱ्या पट्ट्यांमुळे त्रास होत नाही आणि त्यांना चालणे सोपे जाते. हे पांढरे पट्टे केवळ जैन समाजातच नव्हे तर अनेक हिंदू देवस्थानांमध्येही दिसून येतात. याला विरोध करणारे कदाचित या मंदिरांमध्ये गेले असतील किंवा नसतील, पण काही लोक केवळ लक्ष वेधून घेण्यासाठी आंदोलन करत आहेत. हे चुकीचे आहे. अशा प्रकारे लोकांची मने जिंकता येत नाहीत. उलट समाजात कटुता निर्माण होते. सर्व काही सुरळीत सुरू असताना समाजात वैमनस्य निर्माण होईल असे कृत्य कुणीही करू नये. मी जैन समाजबांधवांना देखील आवाहन करतो की, आपणही स्थानिक रहिवाशांशी आणि सोसायटीतील लोकांशी संवाद साधावा. कोणत्याही गोष्टीचा अतिरेक होता कामा नये. तसेच विरोधकांनाही सांगू इच्छितो की, या पांढऱ्या पट्ट्यांमुळे कोणालाही त्रास होत नाही. जर विरोधच करायचा असेल तर जे भर रस्त्यावर नमाज अदा करून वाहतुकीत अडथळे निर्माण करतात, त्याचा विरोध करा. आपल्या बांधवांना लक्ष्य करू नका. हे योग्य नाही. 🎙️ जैन समाज मोठ्या प्रमाणावर भाजपच्या विचारांशी जोडलेला आहे. निवडणुकांमध्ये सर्वच पक्ष त्यांची मते मिळवण्यासाठी जैन मंदिरांमध्ये जातात, त्यांच्या साधू-संतांचे दर्शन घेतात; मात्र निवडणुका संपल्यानंतर त्यांच्याविरोधात भूमिका घेतात, हे दुर्दैवी आहे. जैन समाज अहिंसेचे पालन करतो. या पांढऱ्या पट्ट्यांमुळे पावसाळ्यात रस्त्यावर चालताना लहान जीव आणि कीटक सहज दिसतात आणि त्यांना वाचविणे सोपे जाते. जो समाज अशा प्रकारे अहिंसा पाळतो, तो समाजासाठी धोका कसा असू शकतो? त्यांना ‘जिहादी’ म्हणणे तर पूर्णपणे चुकीचे आहे. जैन समाजाने अतिक्रमण केल्याचे एकही उदाहरण नाही. जे खऱ्या अर्थाने जिहादी किंवा आतंकवादी मानसिकतेचे आहेत, त्यांच्याविरोधात हे लोक बोलताना दिसत नाहीत. मात्र जे शांततेत आपली उपासना करतात, त्यांनाच लक्ष्य केले जाते. केवळ त्यांना घाबरवण्यासाठी असे प्रकार होत असतील, तर ते चुकीचे आहे. जैन समाज म्हणजे फक्त गुजराती समाज असा एक गैरसमज आहे. महाराष्ट्रात मोठ्या संख्येने मराठी जैन बांधव आहेत. कर्नाटकात कन्नड भाषिक जैन समाज आहे. हा समाज देशाच्या विविध भागांत आपली संस्कृती आणि परंपरा जपत राहिला आहे. माझे दोन्ही बाजूंना आवाहन आहे, कोणाचाही अतिरेक होऊ नये. सामंजस्याने राहणे गरजेचे आहे. सोसायट्यांमध्ये आणि समाजात यामुळे वाद निर्माण होऊ नयेत. सन्माननीय मुख्यमंत्री देवेंद्र फडणवीस जी यांनीही स्पष्टपणे सांगितले आहे की, अशा प्रकारे आंदोलन करून मते मिळत नाहीत. लोकांची मने जिंकायची असतील तर त्यांच्याजवळ जावे लागते. धमकी देऊन किंवा संघर्ष निर्माण करून ते साध्य होत नाही. आज अमेरिका देखील धमकावून इराणला पूर्णपणे काबूत आणू शकलेली नाही. हे तर आपल्या देशातील जैन बांधव आहेत. 🎙️ मुंब्र्यातील "कैसे हरया..." सारख्या घोषणांवर अनेक जण गप्प असतात. दर शुक्रवारी रस्ते अडवून नमाज अदा केली जाते, त्याविरोधात आवाज का उठत नाही? भोंग्यांबाबत का बोलले जात नाही? सरकारी जागांवरील अतिक्रमणांविषयी का मौन बाळगले जाते? जे लोक शांततेत राहतात, आपल्या परंपरा आणि आचारांचे पालन करतात, त्यांनाच लक्ष्य केले जाते. पण जे सार्वजनिक जागांवर अतिक्रमण करतात किंवा कायद्याचे उल्लंघन करतात, त्यांच्याविरोधात का बोलले जात नाही? विरोध करायचाच असेल तर जिहादी प्रवृत्तीचा, आपली मुलींचे धर्मांतरण करणाऱ्यांचा आणि समाजात असुरक्षितता निर्माण करणाऱ्या घटकांचा करा. अशा विषयांवर तुम्ही आवाज उठवलात तर आम्ही निश्चितच तुमच्या पाठीशी उभे राहू. मात्र आपल्या बांधवांविरोधात वातावरण निर्माण करून समाजात कटुता निर्माण करू नका. लोकशाहीत प्रत्येकाला आंदोलन करण्याचा अधिकार सर्वांना आहे. त्याचप्रमाणे मी जैन समाजबांधवांनाही सांगू इच्छितो की, कोणत्याही गोष्टीचा अतिरेक होऊ नये. निवडणुकांपूर्वीही मुंबईत हिंसा घडवून आणण्याचे अनेक प्रयत्न झाले. मात्र मुंबईकरांनी ते हाणून पाडले. कारण मुंबईकरांना आदरणीय पंतप्रधान नरेंद्र मोदी जी आणि सन्माननीय मुख्यमंत्री देवेंद्र फडणवीस जी यांच्या विकासाच्या राजकारणावर विश्वास आहे. - संजय उपाध्याय आमदार बोरिवली विधानसभा @narendramodi @Dev_Fadnavis @BJP4India @BJP4Maharashtra @BJP4Mumbai