Cool_DevD𝕏

।। श्री गणेशाय नमः ।। ।। नमस्कार आणि आपणा सर्वांना दीपावलीच्या मनःपूर्वक हार्दिक शुभेच्छा ।। एका बाजूला संपूर्ण परिसर दिव्यांच्या रोषणाईने उजळून निघाला आहे, दीपावली-पाडव्याचा मंगल सण सुरू आहे; आणि दुसऱ्या बाजूला, याच भाऊबीज-पाडव्याच्या शुभमुहूर्तावर आम्ही नवीन घरांची वास्तुशांती केली आहे. अविरत मेहनत, अहोरात्र केलेले कष्ट, अनेक त्याग, कुलदेवतेची कृपा आणि सर्व वडीलधाऱ्यांचे आणि आपले शुभाशीर्वाद, या सर्वांची गोड फलश्रुती... आपल्या संस्कृतीत मुलींना साक्षात घराची लक्ष्मी मानलं जातं. घरात जेव्हा लेकी हसतात, बागडतात, तेव्हा घराला खऱ्या अर्थाने घरपण येतं आणि तिथे सकारात्मकतेचा वास असतो. दिवाळीच्या शुभमुहूर्तावर, दोघींना त्यांची स्वतंत्र एक-एक ३ बीएचके रूम भाऊबीज भेट. आणि मित्रांनो, परवा पाडवा देखील होता—पती-पत्नीच्या अतूट नात्याचा, विश्वासाचा आणि समर्पणाचा दिवस. माझ्या आयुष्यातील प्रत्येक चढ-उतारात जिने माझा हात घट्ट धरून ठेवला, माझ्या प्रत्येक निर्णयावर विश्वास दाखवला आणि माझी सर्वात मोठी ताकद बनून उभी राहिली, ती माझी बायको. तिच्याविषयीची कृतज्ञता आणि आदर व्यक्त करण्यासाठी, तिला ही ३ बीएचके रूम पाडव्याची भेट. सोशल मीडियाच्या माध्यमातून माझ्यावर, माझ्या लिखाणावर आणि माझ्या कुटुंबावर सातत्याने भरभरून प्रेम करणाऱ्या, माझ्या सर्व हितचिंतकांचे, मित्रांचे आणि नातेवाईकांचेही मी मनापासून आभार मानतो. हा ऋणाबंध असाच आयुष्यभर कायम राहो. आपल्या संतांनी म्हटलं आहे की, ज्या वास्तूत प्रेम, समाधान आणि सत्प्रवृत्ती असते, तिथे साक्षात ईश्वराचा वास असतो. तुमच्या सर्वांच्या शुभाशीर्वादांनी आमची ही घरं खऱ्या अर्थाने पावन होतील. आमच्या या नवीन घरात नेहमी सुख, समृद्धी, शांती आणि उत्तम आरोग्य नांदो, हीच ईश्वरचरणी आणि कुलदेवतेच्या चरणी प्रार्थना. तुम्हाला आणि तुमच्या संपूर्ण परिवाराला आमच्या संपूर्ण कुटूंबातर्फे दीपावली आणि पाडव्याच्या पुन्हा एकदा खूप खूप मनःपूर्वक शुभेच्छा...!!! ।। धन्यवाद, जय महाराष्ट्र आणि शुभ दीपावली ।।