maha ☚🇸🇦

تعالي يا مدى حلم الغريب ودمعة الملهوف ترى شمسي على باب انتظار سنين موقوتة أنا صدري وطن ما به مواري للوجع والخوف وملامح وجهك الطاهر على النسيان منحوتة تعالي والكلام أقدر أقولهْ لك بدون حروف أنا اللي يقدر يترجم كلام العشق فـ سكوته أمانينا على بال القصايد ترتمي وتطوف وأنا اللي تاركٍ قلبه على السلسال ياقوتة لو إن اللي يفرقنا بلاد وعاصفة وسيوف أنا اللي قاطع دروب الحياة ولأجلك الموتة

لا تزعلين إن طالت الغيبة عن الوجه السموح لا زال صوتك ينزرع بالبال وأحزاني رحى علمتك إن الليل مسرى للقصايد والجروح لا تتركين أوجاعنا قصة على شفاة الضحى وقتٍ صواديفه تغير ضحكة الرجل المزوح حاول يكرر عادته ويعيد مزحه واستحى أثر الأماني حست بغربة وهمّت بالنزوح ووجهك وطن عمري وكل الذكريات وما انمحى تذكريني من ظلام الياس لنجوم الطموح وأنتِ على بالي نسيت الجرح .. نام وما صحى

"تغريبة شعور وملحمة ترحال" ما دام إنك تركتي في حياتك شاعر ورجال يجوز إن ينكسر قلبه وأبد ما ينكسر ظلّه

و إن زعلتي ما بقى للعمر و التاريخ قيمة و الأسف سكة طويلة لين يركع باتجاهك اذكريني نار بدوٍ .. في لياليك العتيمة وقبل أشد ركاب جرحي كنت أبشد انتباهك الليالي في مدى الأيام من غيرك يتيمة وش يساوي كل هذا الوجد قبل يطول جاهك من يطمن بال قلبي .. يالتفاصيل القديمة والله إني قبل هذا الجرح و أكثر .. كنت آهك يا انتصاري في طريق الفقد و دروب الهزيمة حالف إني لا ارسم البسمة على طارف شفاهك

أحلامنا لولا الأمل والتوافيق سفينةٍ خافت تفل أشرعتها عطني جناح أحتاج بالعمر تحليق دام الدروب نجوم ليلي رعتها تعال لو يدرون كل المخاليق وعودنا شمس النهار بلعتها ظميان ووصالك سحايب على الريق محتاج من زود العطش منفعتها الأرض مثل البال تستشعر الضيق أثر الأراضي ما تخارج سعتها

متقلب الود .. لا تقبل معاذيره خله يذوق الجفا والويل والحرّة من يضمن تسامح ذنوبه وتقصيره يقدر يعيد الخطأ نفسه مية مرّة

الدمعة اللي تاخذ شوي وتويق حاول تخبيها إلين نتواعد وإرم الهموم وخابرٍ صدري طويق يشيل همك وأنت بالضلع قاعد أجيك غيمة من قبل جفة الريق وأنزل وأنا أشوفك من الأرض صاعد لي موعدٍ مع غصن طالع ولا ذيق ليتك تدنيها عشان نتساعد أنا اعتبرتك حلم أعيشه ولا افيق وأنا أدري إني لو قربت نتباعد

موادِع الخلّ مثل مغسل الموتى قد شاف شيٍ يشيب الراس ما قاله

أثر الليالي مزبن اللي عذبه طول النهار يكتب إلين توفّي الأحلام كل حقوقها مرات أحس إن الحياة بكبرها صالة مطار تحفظ وجيه العابرين اللي تلاقوا فوقها الصمت أبلغ في مدى الرهبة وطول الإنبهار دام اللغات إن عبروها الناس طايح سوقها خلي نموت بهالبلد ونصير عقب الإنصهار تاريخ ينبت في صحاريها وكل عروقها

يالله يا قلبي سرينا .. ضاقت الدنيا علينا وغاب البدر ولم يبقَ إلا نوره 💔 اللهم ارحمه واغفر له وتجاوز عنه #بدر_بن_عبدالمحسن

بكاك الشعر يا بدر القصيد ويا عريب الساس وبكاك اللي سكب دمعه ولا فكر بتجريحه تركت بداخل صدور الملأ ما يدمي الاحساس ومشيت وصارت الدنيا يدٍ ترجف بتلويحة وش نقول لمفاريع القصايد والوطن والناس يغيب البدر .. وعقود القصايد من مصابيحه #بدر_بن_عبدالمحسن