F.A.M.F

بلغوا شيبانكم وكبار السن عن بطاقة متقاعد الرقمية اللي بتوكلنا. راجعت مستشفى الأطباء الاستشاريون قبل سنة ونص كنت أبي أكشف على عيوني وأشوف يصلح لي تصحيح نظر أو لا قالت موظفة الاستقبال كشفية الاستشاري بـ ٤٠٠ ريال قلت أنا متقاعد ما لي خصم؟ قالت إلا عندك بطاقة متقاعد؟ قلت عندي بطاقة عسكري متقاعد قالت لا لازم بطاقة المتقاعد من التأمينات وأنا أحسب التأمينات للقطاع الخاص ويشهد الله ماكنت ادري انهم دمجوها سوا قلت والله يا بنتي ما قدمت على هالبطاقة قالت عندك توكلنا؟ قلت إي قالت موجودة فيه بنت سعودية يا طيب راسها دخلنا توكلنا وهي تقول لي انزل تحت وأنا أنزل لين لقينا بطاقة متقاعد وأنا وقتها ما كنت أعرف لتوكلنا زين ولا أدري أن البطاقة تنزل من نفسها. المهم انبسطت وصارت الكشفية بـ ٢٠٠ بدل ٤٠٠ ريال خصم 50 بالمية وأنا في تويتر وأعتبر نص مفتح وما عرفت فما بالكم ببعض كبار السن اللي ما يدرون؟ علموا شيبانكم المتقاعدين وساعدوهم يلقون بطاقتهم في توكلنا ويسألون عن الخصم قبل يدفعون.