𝐇𝐞𝐥𝐥𝐞𝐧 𝐒𝐢𝐬𝐲𝐚

VIDEO: Naibu Katibu Mkuu, Wizara ya Maendeleo ya Vijana, Dkt. Kedmon Mapana, amesema Mradi wa 'KEY jana impact' utawawezesha vijana kujitegemea, kushiriki katika mchakato wa maendeleo na hatimaye kuchangia katika ukuaji uchumi wa taifa. Akizungumza Julai 17, 2026 jijini Dar es salaam katika uzinduzi wa mradi huo, Mapana amesema serikali itahakikisha mradi huo unakamilika ili ulete matokeo tarajiwa kwa vijana na taifa kwa ujumla kwa kuendelea kutoa ushirikiano unaohitajika ili kufikia malengo yanayokusudiwa. Naye Mkurugenzi Mkazi wa Action Aid Tanzania, Bavon Christopher, amesema kwa kuzinduliwa mradi huo sasa vijana wanayo nafasi kubwa ya kuhakikisha mabadiliko katika taifa ikiwamo kuendelea kutunza amani na kujiimarisha kiuongozi. Kwa upande wake Kiongozi wa Vijana wa DANIDA SDG's Fellows, Hellen Sisya, amesema utekelezaji wa mradi wa 'KEY jana impact' utawawezesha vijana kukabiliana na mabadiliko ya tabianchi, kuchangia mijadala ya kisera na kuleta mabadiliko chanya katika jamii. Julai 14, 2026 Action Aid Tanzania, ilifanya utiaji saini wa Hati ya Makubaliano (MoU) ya ushirikiano katika mpango wa ‘KEY jana impact’ unaosimamiwa na Action Aid Tanzania na Ubalozi wa Denmark nchini Tanzania ukiwa mwanzo wa kuwawezesha vijana kimaarifa na ujuzi kutokana na wao kuwa wenye nguvu na wengi katika jamii.

VIDEO: Mkurugenzi Mkazi wa Action Aid Tanzania, Bavon Christopher amesema utiaji saini wa Hati ya Makubaliano (MoU) ya ushirikiano katika mpango wa ‘KEY jana impact’ unaosimamiwa na Action Aid Tanzania na Ubalozi Denmark nchini Tanzania ni mwanzo mzuri wa kuwawezesha vijana kimaarifa na ujuzi kutokana na wao kuwa wenye nguvu na wengi katika jamii. Akizungumza na wanahabari leo Julai 14, 2026 jijini Dar es Salaam mara baada ya utiaji saini wa hati hiyo, Christopher amemesema kundi la vijana likiachwa bila kuwejengewa uwezo haliwezi kufanikiwa hivyo mpango huo ni mahususi katika kuwawezesha kushiriki katika michakato ya kiraia na kuwezesha upatikanaji wa taarifa za sera. Kwa upande wake Hellen Sisya @hellen_sisya ambaye ni kiongozi wa vijana, amesema mradi huo utawasaidia kuyafikia maono waliyonayo kama vijana ikiwa ni pamoja na kuchangia maendeleo endelevu hasa katika amani, haki na taasisi imara. Naye, Balozi wa Denmark Tanzania, Jesper Kammersgaard, amesema wamekuwa wakishirikiana kwa ukaribu na Action Aid Tanzania na watahakikisha mwendelezo unakuwepo. Amesema uwepo wake katika hafla hiyo ya utiaji saini ni ishara tosha ya uwepo wa Denmark katika kuunga mkono Mpango wa KEY jana impact.