H

قد ما تقطع معنا اشيا كرينج وبتلعي النفس بيبقى هالفيديو بالمركز الأول بدون منازع

بفهم حدا يقلي اتفاق الاطار نتيجة ومش خيار وانو في يأس وعجز وموقفنا ضعيف فطلع هالاتفاق بس ما حدا يجرب يحكي عن الإتفاق انو منيح لانو سيئ وهو اذا شي اتفاق اذعان، فرجاء ما تخلي معارضتك لحزب الله تحول منطقة وعقليتك لشي بيشبه حزب الله هلق المهم، الاتفاق صار والحزب رفضه كما هو متوقع ومعه هالمرة جزء مش هيّن من الطوايف التانية، فالسؤال للسلطة اللبنانية هو What is next؟ لما كان حزب الله معزول عالآخر ما رحتوا بخيار صدامي لمواجهة الحزب فكيف هلق؟ رح تتركوا اسرائيل واميركا ودول تانية تقوم بالمهمة؟ لكن لشو الاتفاق من اساسه؟ اما حزب الله، فبكفي تذاكي على على ناسه وعلى الآخرين…انت كل تصرفاتك وقراراتك قبل وخلال و"بعد" الحزب عم تكون متفردة وغير معنية بالدولة وانت قلت علنا انو شو ما ينتج عن المفاوضات المباشرة لا بيعنيك ولا بيلزمك ولا بأثر عليك وهو مرفوض وانو الميدان بفاوض وهالعنتريات تبع باب الحارة…فما تعمل من الإتفاق شماعة لتغطي عكل فشلك وجحشنتك الجنوب محتل، اسرائيل بعدها عم تقصف وتفجر وتجرف وتقتل، قلنا شو بدك تعمل او عشو معول لحتى يوقف كل هالجنون والموت..مفاوضات اميركا وايران يمكن تاخد سنين، مش حاطين براسكن احتمال انو ايران قد تكون حسنة النية بس ممكن ما يطلع بايدها؟ شو الحل ساعتها؟ حزب الله اليوم مطبع مع احتلال الجنوب، حتى بالتمانينات ما كان الوضع هيك

تذكير وللتاريخ، حزب الله قبل ب، وسكت عن، ورضخ ل، وطبع مع احتلال اسرائيل٥٠٠ كلم٢ من ارض الجنوب. وقد مضى شهر على آخر عملية قام بها وتبناها رسميا ضد العدو الإسرائيلي ولن يقوم بأي عملية الى أن يأمره الحرس الثوري بالدخول الى معركة بتوقيته ولمصالحه الخاصة

لما كتبت هالتغريدتين وباوقات مختلفة كنت مصر عالفكرة وعارف شو اللي جايي والأهم اني عارف شو هو الحزب…بعرف كتير منيح عقيدته وسلوكه وقراره وين وتفكيره كيف والوقت اثبت صوابية اللي قلته، ويا ريت كنت غلطان. حزب الله حرفيا سلم الجنوب لاسرائيل تسرح وتمرح فيه وتفجر وتبيده مقابل امن عناصره لان بال١٥ شهر كانت اسرائيل عم تغتال عناصر وقيادات الحزب وين ما كان بلبنان وبنسبة دقة بتزيد عن ال٩٥٪ بس ما كان في تدمير ولا احتلال…هلق حرية الحركة محصورة بالمنطقة المحتلة والساقطة عسكريا والحزب عم يسرح ويمرح بباقي المناطق هلقد رخيص عندن الجنوب