اللهم صلِ وسلم على نبينا محمد ... ابياتي في المميزه
Joined November 2016
- Tweets3.6K
- Following318
- Followers2.1K
- Likes17.2K
Pinned Tweet
قافلٍ باب المحبه من سنين وتايب
ولايهضيني طواريق الحمام وسجعه
منصدم من صدمة الفرقا وراسي شايب
في عيوني حر شوق وفي ضميري وجعه
غاديٍ حالي مثل حال الشجاع الهايب
ضاهده حمل الزمان ومونسٍ له فجعه
طايبه نفسي وتفكيري وقلبي طايب
من حبيبٍ غاب عن عيني وقفّا نجعه
بعد زوله راح عني صــار طيفه نايب
ذكرياته ماتجيني غير وقت الهجعه
صايرٍ معظم كلامي ف (الضمير الغايب)
(غايبٍ )ماله (ضمير )ولاطراله رجعه
ناصر الحمزاوي retweeted
قصيدة المشاركة في موضوع التكاتف "
يوم اقول انّ الجماعة عز .. ياخي لا تغارب
الكلام يزيد ثقل ان ضفت له واو الجماعه
لو ندقق نكتشف وش سر لـ الساعه عقارب
الثواني و الدقايق تتحد !.. و تصير ساعه
ناصر الحمزاوي retweeted
"
اسعد الايام و أبركها .. عسى " ايامك تبارك "
يوم أشوفك تسلبين الروح بـ العين الكحيله
من يغبط بـ شوفتك جماعتك ويغبط جارك
معك مافكر يضيق الكون !.. ولا يستوي له
ماتركتي لـ العتب فرصه و أنا مانيب تارك
ليه أعاتب و الخطايا منك تشبه لـ الفضيله
ما انتظرتك ياهوى بالي على شان اعتذارك
لـ المواصل باب .. و الغاية تبرر لـ الوسيله
بشريني عنك .. وشلونك بعد طال انتظارك ؟
و آتركي عنك التفاصيل القصيره : و الطويله
اضحكي لا هبت النسمه .. على بيبان دارك
والعبي لـ الشوق بـ العود المخصر و الجديله
انسي اللي فات دام الحزن ماهوب اختيارك
و استريحي و اذكريني كل صبح .. و كل ليله
ادري اني .. من كبر مقدارك اقرب من أزرارك
ولك علي اكسر غرور الممكنه : والمستحيله
فكري .. في كل شي إلا فـ موضوع انكسارك
من يحبك مارضى كسرك !.. لو بـ نسبة قليله
دام عشّاق الهوى دايم " يخوضون المعارك "
وش يرد مجرّي الهيّاب !.. عن عين الجميله
ناصر الحمزاوي retweeted
يوم آنادي لـ المواصل .. لا حياة لـ من تنادي
ما بقى لي غير صوره من " ليالينا القديمه "
ناصر الحمزاوي retweeted
لحقني كلوفة من مديد الشتا والصيف
لكـنـي مـوكـلها عـلـى الله سبـحانه ..
[ غني ٍعـن الـمـال وغني ٍعـن التـعـريف ]
ولاني غني عـن رحـمـة الله ورضـوانه
لو ان الحمول تكودني ما نخيت ضعيف
ولا هـو مقـدّم شـي لو كان بـ امكانه
سوات الرفيق اللي يكوع يجنب الضيف
مع ان العشا في مجلس ابوه واخوانه
ناصر الحمزاوي retweeted
..
لا ياخذك السفر مني .. وتجبرك الظروف تغيب
وانا اكثر من عرف معنى الظروف وغيبة الغالي
ترا اللي مكتفي بك .. تدري انه مكتفي تعذيب
تفجّر صدره ينادي عليك ( بـ صوته العالي )
نقبت الارض ادور لـ الحياه وغرني التنّقيب
اثر ما لي طريق .. الا الطريق اللي على بالي
تعال الحق علي حتى ولو من باب فعل الطيب
اشوف الموت شوف العين ماشوفه يورى لي
فقدت البسمه اللي ماوراها الا صدى الترحيب
مع اني ما افتقد طيفك مع " حلي و ترحالي "
بعد ماصرت انا اكثر من يمر بـ مرحلة تغريب
معاد يهمني .. حتى غروب الشمس من تالي
توارت عبرتي لكن قدر يكشف عناي الشيب
ما كني كنت ابدد حسرتي ( و اكبر امالي )
مادام انك حبيبي ياحبيبي إللي تسوي عيب
طلبتك لا تخليني ضحيه : و اللطف بـ حالي
بدونك عمري الباقي لو انه طول عمر شعيب
لايطري في خيالك لحظه اني صرت متشالي
( تذكرني ) لاصدو كل من غروك بـ الترتيب
هذيك اللحظه !! بـ تلقاني إللي جنبك لحالي
ناصر الحمزاوي retweeted
هود الليل واجتاح الفؤاد بنسيمه
واستفز الشعور اللي له ايام سالي
كل لحظه تعزف اوتار ذكرى عظيمه
وادعت واقعي واستوطنت في خيالي
يا رفيقي ترى بعض السوالف عقيمه
نشدتك كيف حالي سم قلبي وحالي
والله ان حزني اصدق من دموع اليتيمه
لا ضروفي شماليه ولاني شمالي
يوم اشوف انتصاراتي بطعم الهزيمه
فاقدٍ في ثنايا فرحتي صوت غالي
فرحتي عابره واحزان فقده مقيمه
يا وجودي على وجه السنين الخوالي
كل ما قلت بعده ما للايام قيمه
زاهد بمكسبي فيها وفي راس مالي
اتذكر لياليه الملاح القديمه
يوم علمني مصادم ضروف الليالي
مع دروبه رسمت دروبي المستقيمه
ومن علو اهتماماته عشقت المعالي
ليته يشوفني يوم اكسب شداد ريمه
وافرح بضحكة محياه وارفع عقالي
محمد خالد
ناصر الحمزاوي retweeted
وش فالخميني يحسب الناس مرتاعه
ماهوب كفو لنا .. ولا لـ مفاخرنا
يامر محمد و يلقى السمع و الطاعه
و يشره علينا .. ليا منا ( تأخرنا )
يا محمد المجد عندك يعلن إقلاعه
تبشربنا.. و أنت لـ الميقاف ذاخرنا
لا حان وقت الحروب و دقت الساعه
نقدم عليها من " أولنا .. ليا آخرنا "
#محمد_بن_سلمان
#الحرب_العالمية_الثالثة
ناصر الحمزاوي retweeted
أشوار بعض البشر شينه : و غشّاشه
الأفضل إن الفتى : يمشي على شوره
إللي من المستحيله .. ما برد جاشه
لو يتبع أدوار غيره .. ينظلم " دوره "
فـ الناس تبّاعه .. و فـ الناس شوّاشه
و أشوف لي ناس منهيّه .. و مآموره
وجه المنافق لا شفته يشبه الشاشه
في كل لحظه لها صوت و لها صوره
ناصر الحمزاوي retweeted
.
هذي السعوديه ذرى كل مضيوم 🇸🇦
تمطر سحايبها وتندى يديها
وجهك عليها خمس مرات فاليوم
ولا أحتك عود بعود وجهك عليها
"دخانها" يحرم معادينها النوم
"ودخونها" فالسلم منها وفيها
ياللي دخونك شي مايقبل السوم
هويتك مهما اتغير نبيهااا
#شاعر_اللكزس @Dkhoonemirates
هلابكم في #شاعر_اللكزس 🫡
شاركنا بيتين شعر بفيديو عن الهوية الجديدة
عبر اقتباس المنشور
- جيب لكزس 2026 للأعلى تفاعل 😎
- منشن حسابنا + اضف هاشتاق #شاعر_اللكزس
المشاركات المعتمدة سيتم الرد عليها 🤎
ناصر الحمزاوي retweeted
مع ان اجتماعي زين لكنّ بعض احيان
اشوف انعزالي راحتي فيه مضمونه
عن أكثر كلام الناس يغنيني القران
كلام الله ابرك من كلاام ٍ يقولونه
فراج بن عبيد
ناصر الحمزاوي retweeted
"
تفضلوا العمل الجديد .
سوالف العشاق "
كلماتي "
اداء المبدع : بندر بن عوير
@BandarOweer
youtu.be/bu4GeSVfgJA?si=0EUB…
ناصر الحمزاوي retweeted
"على ذيك المرابي والغلا يا مال فرقا القوم
هنا صرح الغلا مبني لاكن ما بانت صروحه"
ناصر الحمزاوي retweeted
يا نديمة ظلمة الليل , ما غيرك نديم
مستحيل القلب يسكن وطن غير وطنه
في غيابي لا غدا , قلبك الابيض يتيم ؟
معك امانه لا تخلين , غيري يسكنه !
عاشقك لا زال باقي على العهد القديم
في رضاك المستحيله , تعود ممكنه
ايه انا اللي في بحر , عينك النجلا يهيم
وايه انا اللي مارضى يعيش ذل ومسكنه
مستقيمه بس جسمك لا يمكن يستقيم
و المشاعر فـ التفاصيل صارت مدمنه !
يوم وادعتك فقدت , السعاده والنعيم
مثل من وادع دياره , وربعه وضعنه
اذكريني كل ما هب , ذعذاع النسيم
الغلا مهوب ينسى لو ان عمره سنه !!
ناصر الحمزاوي retweeted
الرفيق اللي من الكبوات احنّه
حافظٍ قدره مثل حفظي لقدري
طاح من عيني ولكن ودّي انّه
يوم قرّر طيحته ما طاح بدري
رغم ذلك ما قدرت اسجْ منّه
كل ما يطري خطاه يضيق صدري
ساريٍ من ضيقتي والليل كنّه
دوسريٍ لا نشدته قال مدري :)
ناصر الحمزاوي retweeted
من واجب الحب .. لامريتني عابر !
تعطيني من المحبه والغلا !! قسمي
شفني على كثر مانيب اعشقكك صابر
إليين من قسوة عنادك نحل جسمي
رد ( الميانه ) مثل ماكنت ، انا ،خابر
( الى متى ) ؟؟والتعامل بيننا رسمي
لا ( تستحي )كل ( ماتشتاق) وتكابر
اشّر ( بيمناك )والا نادني ( بسمي )
