فمان الله : ودموع الشجاع مجرّي الهياب
تراها ما تهون إلا على اللي موته مصيبه !
على فقدٍ مايرفاه الرجاء في رجعة الغياب
فراق ؟ إللي تناوشها الفنا و الغيبه الغيبه
لو إنك ياحبيبي غالي ودمعك له ألف حساب
وغيرك في البنات البيض ما أعجبني ولا لي به
خذيت مِن الفرس و الصقر و الدله شبّه جذاب
وصوفً ، لو تمعنها قوي . . الدين تغوي به
عيون : ورزه وعودً ما تستر فتنته بـ ثياب
ووجهً لو تحدى البدر حط البدر في جيبه
عسى الله لا يعاقبني لو إني ماني بـ كذاب
ولا يجعلني اللي ذكر .. ذنبه مِن عذاريبه
صحيح إن الموادع حط في قلب الشقي مخلاب
لكن : يفداك قلبي . . يـ أوّل و اخر معازيبه
أعرف إن الجروح جروح ما فيها جروح عَذاب !
لكن شيًء بيبقى " منك " لو هو جرح ودّي به
هذا آخر ما سمع مني وعينه دمعها صباب
وقفّى والحزن . . في خافقي يلحق مشاهيبه
لو اللي يلحق العاشق مِن الفرقا ! عليه يثاب
ما والله أغلط اللي معتكف شهرين في طيبه
وإذا قلت إن هواها في خفوقي فص ملح وذاب
وطيت ديارها . . وأفتر قلبي في محاديبه
وإذ مسّ الحنين أقصى عروق القلب مسّ أطناب
عرفت : إنه يمثل سجّته . . وإن الوفاء عيبه
أنا ؟ مثل الكسير اللي يشوف إن كسر رجله طاب
ولا يدري إنّ عاد الكسر . . باقي لين تمشي به
يا ليت : اللي يروح يروح ويسكر وراه الباب
ما يترك باب ذكرى تخطف العاشق وتدوي به
يابحر الكوت لك مني سلام و مقتفيه عتاب
على شاطيك كن الحزن يطنحني بـ ترحيبه
تذكرت العيون الناعسات وسلهمة الأهداب
تقول إن في حورها واحد يسولف عن الهيبه
جعل يسقى علي ليلٍ جمع في ضفتك الأحباب
هذاك الليل مِن بدت . . ليال العمر يا طيبه
عسى ربً " جمعني " به وحنا مِن بعضنا أغراب
يسججني غـلاه الذربّ . . ولا زيد يأتي به .
_ شفيع القصير ، رحمه الله
2
188






