माधव मित्र

एमपीएससी गट-क भरती : तांत्रिक पदांप्रमाणेच अतांत्रिक पदांचीही जागावाढ करा! व्ही. राधा समितीच्या अंतरिम अहवालातील शिफारशींच्या अनुषंगाने गट-क परीक्षेतील पदसंख्या ५,७०७ वरून १६,७१७ पर्यंत वाढविण्याचा राज्य शासनाचा निर्णय स्वागतार्ह आहे. त्याबद्दल शासनाचे अभिनंदन आणि आभार! तसेच एकवेळची एक वर्षाची वयोमर्यादा सवलत आणि नव्याने अर्ज करण्याची संधी देण्याचा निर्णयही दिलासादायक आहे. मात्र, या निर्णयात अतांत्रिक पदवीधरांवर अन्याय होणार नाही, याची काळजी घेणे आवश्यक आहे. एकूण जागांमध्ये झालेली वाढ प्रामुख्याने तांत्रिक पदांसाठी असल्याचे दिसते. मात्र, बी.ए., बी.कॉम., बी.एस्सी. तसेच कोणत्याही शाखेतील पदवीधरांसाठी (Any Graduate) पात्र असलेल्या अतांत्रिक पदांमध्ये वाढ अत्यंत नगण्य आहे. तांत्रिक विद्यार्थ्यांप्रमाणेच अतांत्रिक विद्यार्थ्यांनाही रोजगाराची समान संधी मिळाली पाहिजे. लाखो पदवीधर विद्यार्थी वर्षानुवर्षे स्पर्धा परीक्षांची तयारी करत आहेत. त्यांच्या मेहनतीला आणि अपेक्षांना न्याय मिळणे आवश्यक आहे. त्यामुळे राज्य शासन आणि महाराष्ट्र लोकसेवा आयोगाला आमची आग्रहाची विनंती आहे की, अतांत्रिक पदांचा तातडीने फेरआढावा घेऊन या पदांसाठी किमान १२,००० जागांपर्यंत वाढ करण्याच्या विद्यार्थ्यांच्या मागणीचा सकारात्मक विचार करावा. तसेच प्रश्नपत्रिका निर्मितीपासून परीक्षा केंद्रांपर्यंतच्या संपूर्ण प्रक्रियेत कडक सुरक्षा व्यवस्था, सीसीटीव्ही, सिग्नल जॅमर आणि पोलीस बंदोबस्ताच्या शिफारशींची प्रभावी अंमलबजावणी करावी. सरकारचा निर्णय केवळ जागांची संख्या वाढवणारा नव्हे, तर प्रत्येक पात्र विद्यार्थ्याला न्याय देणारा असावा. तांत्रिक विद्यार्थ्यांना न्याय मिळावाच; पण अतांत्रिक विद्यार्थ्यांवर अन्याय होता कामा नये! १२,००० अतांत्रिक जागांची मागणी मान्य करा! विद्यार्थ्यांच्या भविष्याला न्याय द्या! @INCHarshsapkal @satejp @vishwajeetkadam @Dev_Fadnavis @CMOMaharashtra @mpsc_office @MahaChiefSec @EA_OfficialMH @Mpsc_Andolan #MPSC #GroupC #विद्यार्थीहित #भरतीवाढ