윔 | ويـــم🍋

لتسهيل الوصول والتصفح.. جمعت لكم هنا ثريد لبعض أهم التغريدات والنصائح اللي كتبتها عن تعلم وتطوير اللغة الإنجليزية.

في رحلة تعلم أي شيء جديد، لا تركز في الوقت وكم يأخذ منك. جرب تدخل في حالة اندماج تخلي الوقت آخر همك.. نفس شعورك وأنت تتصفح الجوال بالساعات وما توقف وتقول 'خلاص طولت' 😏!

الدورات تعطيك الأساسيات فقط وفي النهاية لازم انت تبحث اكثر وتتعلم أشياء اكثر . التعلم الذاتي له حالات وشروط وبما ان أشياء كثير تعلمتها ذاتيا من أنا صغيره ف أنا متعوده والوقت ما يهمني ولا اهتم له ولا أفكر ولا أفيد نفسي حره في تقسيم الي بتعلمه وحره في وقتي وهذا الشيء مناسب لي اكثر . الدورات اخذها إذا مالي خلق ابحث وانا مبتدئة جدا و ابغى احد يختصر علي وقت شوي وبعد ما اخلص ارجع اكمل تعلم ذاتي وأتوسع في المجال .

الأغلب يخاف على وقته لمن يتعلم ، بس هل بتسأل نفسك وانت تستخدم السوشال ميديا كم اخدت من وقتي اليوم ؟! 😅 عادي وقتك الثمين يروح فيها !! بس لمن تجي تتعلم تصير تحسب الوقت وتبغى اسرع نتيجة 🤨

لاحظت أغلبكم بدال ما يبداً يتعلم ايش يسوي يفكر كم بياخذ مني وقت أنا التصميم تعلمته من عمري١٥ او اقل ومازلت اتعلمه 😅. لان في أشياء جديدة وتحديثات ، لذلك إذا ماعندكم استعداد تتعلم طول العمر ما رح تكمل ، وانت لمن أتعلم شيء أبدا أتعلمه فقط ما بحدد هدف ٣٠ يوم ولا احدد اشهر لان العلم بالنسبة لي متعه ومستحيل أوصل لخبرة شخص له سنوات بيتعلم . كتابة المحتوى من ٣ سنين ولليوم بتعلم أشياء جديدة كل شيء تعلمته مازلت بتعلم . باختصار ما اهتم بوقت محدد

ماما حفظتني جزء عمه قبل ادخل أولى ابتدائي 😅 اعطيني جزء صعب احفظه البقرة للان ماثبتت معي😔💔

الجوال مسيطر عليكم لدرجة التعلم او الدراسة او التطوير او اي شيء تبغوه تعتقدون انه مثل الجوال نتايج بسرعة وتقدرون تسكبون بسرعة وتسرعون !! احب أقولكم الواقع محد وصل الي وصل له بانتظار الشغف ولا انتظار الوقت المناسب لذلك اجلس مع نفسك و تفاهم معاها 😅. روحو شوفو الناجحين حول العالم كلهم عندهم روتين منتظم يسونه وما يربطون مزاجهم بشيء ، تعلمو منهم الانتظام والانضباط . أنا بكبري ما بسوي الشيء لان حابه او عندي شغف ، بسويه لان اجبرت نفسي عليه وحطيت هدف وخطة ، وبمشي عليه.

أنا لا أؤمن بالشغف او الحماس ولا اعتبره شيء ، لانه مايسوي شيء من وجهة نظري عمري ما انتظرته ولا بنتظره والله لا يجعلني في يوم أتعلق بوهم او انتظره .

الحماس والشغف أشياء لحظية مؤقتة، تجي لمدة دقايق ويمكن أقل وتختفي. الحل مو إننا ننتظرها، الحل إننا نجلس، نكتب خطة، ونمشي عليها فقط. إذا أنتم تشوفوني متحمسة 24 ساعة، أحب أقولكم إن أغلب الوقت "مالي خلق" او تعبانه وكان قبل أسبوعين بس برضو كنت انشر وبدات منظومة اللغة الانجليزية كنت ارد عليهم وارسل نصايح وارتب لهم الخطة وكل هذا 😅.. بجبر نفسي! حتى كتابة المحتوى ، عندي دفتر أخطط فيه، أجهز، وأكتب، وما بسوي هذا الشيء أبداً بدافع حماس وشغف. بسويه لأني: جبرت نفسي. حطيت عقلي في راسي. عارفة إن ورا كل شيء سوّيته هدف، والهدف هذا ما راح أوصل له إلا لما أسوي اللي لازم أسويه. والتعلم عندي شيء أحبه وأستمتع فيه، مو معناه إني ما أبذل جهد، أو إني خارقة وما أعاني من تشتت؛ بالعكس، لو حسيت بتشتت أوقف، أبحث عن السبب، أُعالجه، وأكمل.( لكن للان الحمد لله ما حسيت بتشتت في حياتي ) انتظار الحماس والشغف لوحده هو إضاعة للوقت، لأنه بكل بساطة: يجي ويروح.

في قناة التلقرام في فويس عن تعلم اللغة t.me/nerdwem

مو مره احب المسلسلات احب اقرا وارسم يمكن عشان من طفولتي اتعودت ان إذا طفشت اسوي شيء ، صراحة ماله علاقة بالشغف هي عادات وكل شخص وعاداته ما ناسبتكم عادات غيروها فقط . انت عندك عادات الكسل مسلسلات واكل ونوم 😅