RaWaN

طيب ما هو فيه آيات وأحكام كتير إتوقف العمل بيها لما الإنسانية تطورت وبقى تطبيقها غير مقبول لا دوليآ ولا إنسانيآ ولو طبقتوها العالم هايفضحكم وياكل وشكم والعقوبات هاتتفرض عليكم فين إنتفاضتكم المزعومة مع توقف تطبيق أحكام الجهاد والرق والعبودية وملك اليمين والسبي والجواري وبيع العبيد والجزية والإسترقاق وتقسيم الغنائم وحد الحرابة ومع عدم تطبيق قطع يد السارق والرجم والجلد والصلب والنفي والقصاص وتقسيم الغنائم الخُمس وأحكام الفيء في دول إسلامية كتير؟! كل دي أحكام إتوقف تطبيقها وأتقيد مع تغير الزمن وتطوره وإنتوا قافلين بقكم إشمعنى أول ما الموضوع ييجي عند تعدد الزوجات وسعار الجواز تشتغل الحمية الدينية ويطلع صوتكم ؟! ياذكوري حتى النخاع ماتسمعنا صوتك كده وتنزل ميدان التحرير تعتصم وتصرخ وتطالب الرئيس الحاكم وشيخ الأزهر بتطبيق الشريعة كاملة ال نصها معطل رسميآ ؟ آه سوري أفتكرت أن الحمية الدينية مابتطلعش فجأة ولا بنسمع صوتكم غير عند حق الراجل في الميراث والستات؟! وأن كرامة الإنسان والتطور والظروف بنعترف بيهم في كل حاجة لحد ما الموضوع يمس رغباتكم فنفتكر فجأة إن الأحكام لا تتغير والشرع لا يمس المشكلة مش في دفاعكم عن أحكام الدين وآيات القرآن المشكلة في جبنكم ونفاقكم وإنتقائيتكم الفاضحة ساكتين عن أحكام كتير مبقاش حد فاكرها ولا يجرؤ يفتح بوقه ويطالب بتطبيقها لكن أول ما الموضوع يمس امتيازاتك كراجل على حساب الست فجأة تتحولوا لحراس على الشرع والأحكام وتبدأوا تجعروا وتنعروا وتدعوا بطولات في معارك آمنة