Retief de Villiers 🇿🇦🇺🇦

AvSA-VERKLARING OOR AMERIKAANSE BEPERKINGS OP SUID-AFRIKAANSE VISUMS ʼn Dramatiese eskalasie Die nuwe Amerikaanse visumbeperkings verteenwoordig ’n verdere eskalasie in ’n geskil wat met kritiek begin het, daaarna tot die opskorting van lewensreddende hulp oorgegaan het en nou individue teiken. Die Amerikaanse ambassade in Suid-Afrika het die onnodig strydlustige waarskuwing gerig dat die nuwe maatreëls “die eerste stap [is] in ’n reeks eskalerende maatreëls”. Dit kom neer op druk om Suid-Afrika se wette, hofbeslissings en buitelandse beleid te verander. Sommige Afrikanerorganisasies het die besluit verwelkom, maar hulle praat nie namens alle Afrikaners nie. Tog het hul standpunt vyandigheid teenoor die hele Afrikanergemeenskap op sosiale media aangeblaas. Die optrede van enkeles behoort nie ’n hele gemeenskap te stigmatiseer nie. Ons howe beslis – nie buitelandse regerings nie Suid-Afrika is ’n grondwetlike demokrasie met ’n onafhanklike regbank. Ons stem saam die “Kill the Boer”-lied is opruiend en skadelik vir versoening. Ons howe het egter bevind dat dit beskermde politieke uitdrukking eerder as aanhitsing is – ’n bevinding wat die Konstitusionele Hof ongestoord gelaat het. Die ANC het die lied by sy eie byeenkomste verbied, maar pres. Cyril Ramaphosa kan nie ’n hofbeslissing omkeer bloot omdat ’n buitelandse president dit eis nie. Die Onteieningswet maak voorsiening vir geen vergoeding nie slegs in beperkte omstandighede waar dit regverdig en billik sou wees. Betrokke partye behou volle toegang tot die howe, en die wet word tans in die hof betwis. Grondwetlike geskille hoort in die hof, nie in buitelandse uitvoerende bevele nie. Rasgebaseerde wette – ’n debat vir Suid-Afrikaners Die doeltreffendheid van SEB en die stelsel se vatbaarheid vir misbruik en elite-verryking is geldige debatspunte. SEB is egter grondwetlik toelaatbaar en daarop gemik om apartheid se voortslepende ekonomiese ongelykhede aan te pak. Daardie debat behoort aan Suid-Afrikaners, nie aan buitelanders nie. Daar is ook geen geloofwaardige bewys dat Suid-Afrika meer rasgebaseerde wette as enige ander land het nie. Die indeks wat dikwels aangehaal word, tel enige wet waarin ras regtens ter sake is, ongeag die doel daarvan. Dit sluit selfs uitgediende wette van voor 1994 in. Dit is daarby misleidend om regstellende maatreëls gelyk te stel aan apartheidswette wat rasse-oorheersing afgedwing het. Plaasgeweld is deel van ’n nasionale krisis Aanvalle op boere en landelike gemeenskappe is afgryslik en laat families met diepe hartseer en trauma wat nooit gering geag mag word nie. Slagoffers verdien deernis, meelewing en geregtigheid. Hul pyn behoort egter nie uitgebuit te word om ’n ongegronde narratief van staatsgedrewe rassevervolging te bevorder nie. Geweld raak elke gemeenskap, met die swaarste las op arm, oorwegend swart gebiede waar moord, roof en bendegeweld daaglikse werklikhede is. Erkenning van die wyer krisis verminder nie die afgryse van plaasaanvalle nie; dit plaas dit binne Suid-Afrika se groter versuim om sy mense te beskerm eerder as binne ’n rasgerigte veldtog. Dubbele standaarde in buitelandse beleid Washington beroep hulle op eiendomsreg in Suid-Afrika, maar steun Israel ondanks goed gedokumenteerde, brutale en moorddadige verdrywing en die gryp van Palestynse eiendom. Amerika eis ook dat Suid-Afrika ons van Iran distansieer, terwyl hulle self toenadering tot hul teenstanders soek wanneer dit hulle pas. Onverbondenheid is nie dieselfde as gehoorsaamheid nie. Dialoog, nie onderwerping nie Suid-Afrika moet oop bly vir gesprek met die VSA. Ons wette word egter in ons howe getoets, ons geskille word demokraties besleg en ons buitelandse beleid word deur Suid-Afrikaners bepaal – nie deur buitelandse regerings nie. Navrae Anthoni van Nieuwkerk: 083 324 5005 Fanie Cloete: 083 535 5180 Afrikaners vir Suid-Afrika (AvSA) is ’n burgerlike beweging wat ontstaan het nadat president Donald Trump Afrikaners beskryf het as ’n vervolgde groep wat vir vlugtelingstatus in aanmerking kom. Ons is Afrikaners, en ons verwerp daardie beskrywing. Soos ons credo dit stel, is ons diep gewortel in hierdie land en verweef met al sy mense. Ons is trots op ons erfenis, maar gebruik dit nie om te verdeel nie – ons gebruik dit om brûe te bou. Ons werk aan ’n toekoms waarin alle Suid-Afrikaners veilig kan leef en floreer.

AfSA STATEMENT ON US VISA RESTRICTIONS AGAINST SOUTH AFRICANS A serious escalation The new US visa restrictions escalate a dispute that has moved from criticism and aid cuts to now targeting individuals. The American embassy in South Africa issued the needlessly belligerent warning that the new directive is "the first step in a series of escalatory measures". This amounts to pressure to change South Africa's laws, court outcomes, and foreign policy. Some Afrikaner organisations have applauded the directive, but they don't speak for all Afrikaners – and on social media their stance has fuelled hostility toward the whole Afrikaner community. The actions of a few should not stigmatise an entire group. Our courts decide – not foreign governments South Africa is a constitutional democracy with an independent judiciary. The "Kill the Boer" chant is inflammatory and harmful to reconciliation. But our courts found it to be protected political expression rather than incitement – a conclusion the Constitutional Court left undisturbed. The ANC has banned the song at its own gatherings, but President Cyril Ramaphosa cannot overturn a judicial ruling just because a foreign president demands it. The Expropriation Act permits nil compensation only in narrow, just-and-equitable circumstances, with full recourse to the courts, and it's being challenged judicially right now. Constitutional disputes belong in court, not in foreign executive orders. Race-based laws – a debate for South Africans BEE’s effectiveness and vulnerability to abuse and elite enrichment must be debated. But it is constitutionally permitted and intended to address apartheid’s continuing economic consequences. That debate belongs to South Africans. There's no credible evidence South Africa has more race-based laws than any other country. The oft-cited index counts any law where race is legally relevant, regardless of purpose, including defunct pre-1994 statutes. Equating remedial measures with apartheid-era domination laws is misleading. Farm violence is part of a national crisis Attacks on farmers and rural communities are horrific, leaving families with grief and trauma that must never be dismissed. Victims deserve compassion and justice. But their pain shouldn't be exploited to push an unsupported narrative of state-sponsored racial persecution. Violence touches every community – its heaviest burden falls on poor, predominantly black areas where murder, robbery and gang violence are daily realities. Recognising the broader crisis does not minimise the horror of farm attacks; it places them within South Africa’s wider failure to protect its people, rather than a racially targeted campaign. Foreign-policy double standards Washington invokes property rights in South Africa while backing Israel despite documented displacement and seizure of Palestinian property. It demands distance from Iran while courting its own rivals when convenient. Non-alignment is not obedience. Engagement, not submission South Africa should stay open to engagement with the US. But our laws are tested in our courts, our disputes resolved democratically, and our foreign policy is set by South Africans – not by foreign governments.

JP Landman aan Ruda: Hoekom ek sedert 1994 nie meer wil emigreer nie. (Minivideo - 1 min. - Gesprekke teen Gatvolgeit)

GESPREKKE TEEN GATVOLGEIT: RUDA GESELS MET DIE DEURWINTERDE JOERNALIS FERIAL HAFFAJEE Ferial gesels oor haar loopbaan, haar verslaggewing oor Johannesburg en Trump se fokus op Afrikaners. Sy bespreek die invloed van konserwatiewe Afrikaanse drukgroepe en hoe 'n gebrek aan vooruitgang in bruin gemeenskappe populistiese politiek aanwakker. Sy besin ook oor Suid-Afrika se politieke toekoms en die komende verkiesing, met raad oor wat jy jou kandidaat moet vra en hoe om in die koalisie-era 'n aktiewe burger te wees. Die onderhoud is net onder 30 minute. As jy nie tyd het om die hele een deur te luister nie - daar is 'n lys hoogtepunte in die kommentare waaruit jy kan kies. youtube.com/watch?v=MBErlCT2…