razan

شركة اركنو اللي وقفها الدبيبة بقرار رسمي الأسبوع الماضي توا مدايره مراسلة لشركة الخليج العربي بشحن مليون برميل من النفط لتايلاند يعني حفتر وابنائه قاعدين يقولولكم احني ما نرضخوش لأي تعليمات في ليبيا هؤلاء مستعدين يوقعوا على اي اتفاق ظاهريا لكن مستحيل ينفذوا شي على أرض الواقع وبامكاني القول أن ما يسمى بالانفاق الموحد سيكون بمثابة شرعنة للانفاق الموازي فقط وسيأخذ بلقاسم 70 مليار ولن يتنازل عن دينار واحد فيهم ولن يستطيع المصرف المركزي أن يقول له لا الفرق الوحيد أن زمان كان انفاق موازي وتوا اصبح انفاق حكومي شرعي

هل تعلم أيها المواطن الليبي رغم آلاف المواطنين الذين ماتوا رغم آلاف الجرحى الذين عانوا رغم آلاف البيوت التي حرقت رغم آلاف البيوت التي نهبت رغم آلاف العائلات التي شردت رغم آلاف البيوت التي هدمت رغم آلاف الألغام التي زرعت رغم آلاف المزارع التي نهبت رغم آلاف السيارات التي سرقت رغم آلاف الحيوانات التي قتلت رغم مئات الأطراف التي بثرت رغم آلاف المجازر التي أرتكبت لم يفتح سيادة النائب العام الموقر قضية واحدة ضد حفتر !! ونحن اليوم نحيي الذكرى السابعة لعدوانه المشؤوم على العاصمة طرابلس 4/4 ليس يوما لتحطم العدوان فحسب، بل هو لتذكير الليبيين بسهولة الإفلات من العقاب في ليبيا فبدل أن نرى محاكمة الجلاد رأينه يترشح لانتخابات حكم البلاد قال رسول الله ﷺ القضاة ثلاثة : واحد في الجنة، واثنان في النار قاضٍ عرف الحق وقضى به فهو في الجنة، وقاضٍ عرف الحق فجارَ فهو في النار، وقاضٍ قضى للناس على جهل فهو في النار

منشور لأهالي وسكان طرابلس والمنطقة الغربية عامة،، مش حنقولكم وين كنتم يوم 4/4 لكن حنقولكم : تذكروا في أيامات صواريخ الجراد العشوائية على المناطق السكنية كل ليلة ؟ تذكروا أيام قصف الطيران الحربي على معيتيقة ومنازل المدنيين في شرفة الملاحة ؟ تذكروا لما اعلام حفتر يغنو على صوت قصف وعياط الأطفال ويقولوا زيدوهم صغار دواعش ؟ تذكروا لما نكلوا بأبنائكم ويعفسوا على جثامينهم ومدايرلهم محاكم تصفية ميدانية ؟ تذكروا من سرق حيشانكم وارزاقكم وهجركم شهور في المدارس او عند اقاربكم ؟ تذكروا بنات قشيرة الثلاثة اللي قتلهم عامر الجقم بقصف حوشهم والبنت اللي نجت منهم فقدت رجلها ؟ تذكروا في الفتوى اللي طلعوها في بنغازي بحلال الافطار في رمضان لقتال اهل طرابلس اللي اعتبروه جهاد ؟ تذكروا في الألغام الروسية اللي قاعدة تنفجر في عين زارة ؟ نذكروا في طلبة الكلية العسكرية اللي قصفهم الطيران الاماراتي بكل دم بارد ؟ تذكروا في الراجل اللي يبكي على أمه اللي ماتت في القصف ويقول هاذي أمي يا ناس ؟ تذكروا في المرأة الزاوية اللي تقول لراجلها قاوم يا أنيس على خاطر صغارنا ؟ تذكروا في 300 جثة لأبناء ونساء ترهونة اللي انقتلوا بين عام 2019 و2020 وتم دفنهم في مقابر جماعية ؟ بهذه المناسبة على رحمة الوالدين ترحموا على التريس اللي دافعوا بأرواحهم على طرابلس ترحموا على تريس بركان الغضب اللي قاوموا الروس والفرنسيس والجنجويد 8 شهور بدون أي دعم والله وفاء لدماء الشهداء لو تنقسم 60 مش 16 لن تكون هناك مصالحة مع الأوباش (حفتر ومن يدعمه) تبي مصالحة نحن أهلها ولكن بعد القصاص من حفتر ومن كل من شارك ودعم العدوان على طرابلس ونقطة من أول السطر