।।जय शिव शंभो।। श्री क्षेत्र त्र्यंबकेश्वर येथे दर्शन पूजन व शिवसेनेच्या वतीने आयोजित संतसमेलनात सहभाग.

📍 त्र्यंबकेश्वर, #नाशिक | नाशिक जिल्ह्यातील श्री क्षेत्र त्र्यंबकेश्वर येथे #शिवसेना पक्षाच्या वतीने आयोजित करण्यात आलेल्या संत संमेलनाला उपस्थित राहून कुंभमेळ्यासाठी देशभरातून आलेल्या संत-महंतांशी संवाद साधला. राजसत्तेपेक्षा धर्मसत्ता श्रेष्ठ आहे. संतांच्या पायाशी नतमस्तक होऊन राज्यकारभार चालवणे हाच आमचा संस्कार असल्याचे याप्रसंगी नमूद केले. भगवान त्र्यंबकेश्वर आणि गोदामाईच्या चरणी वंदन करून देशभरातून आलेल्या संत-महंतांची सेवा करण्याची संधी आम्हाला मिळणे हे आमचे परमभाग्य असल्याचे यावेळी अधोरेखित केले. साधू-संत येती घरा तोची दिवाळी दसरा. आज संतांच्या माध्यमातून खरी दिवाळी साजरी होत आहे. हे केवळ राजकीय किंवा सामाजिक संमेलन नसून आध्यात्मिक ऊर्जेचा उत्सव आहे. वंदनीय हिंदुहृदयसम्राट शिवसेनाप्रमुख बाळासाहेब ठाकरे आणि वंदनीय गुरुवर्य धर्मवीर आनंद दिघे साहेब यांनी राजकारण हे समाजकारण, राष्ट्रसेवा आणि राष्ट्ररक्षणासाठी करण्याचा संस्कार दिला. राजसत्ता हातात असली तरी आध्यात्मिक व धर्मसत्ता मोठी असल्याचे याप्रसंगी स्पष्ट केले. दुष्काळग्रस्त शेतकऱ्यांच्या प्रश्नावर सरकार पूर्ण ताकदीने त्यांच्या पाठीशी असल्याचे सांगत दुष्काळामुळे अडचणीत आलेल्या शेतकऱ्यांच्या मुलींच्या लग्नासाठी शिवसेना मदत करणार असल्याची घोषणा यावेळी केली. यासोबतच सिंहस्थ कुंभमेळ्यासाठी येणाऱ्या १३ आखाड्यांतील संत-महंत आणि साधूंच्या भोजनाची व्यवस्था शिवसेनेच्या वतीने केली जाईल असेही याप्रसंगी जाहीर केले. कुंभाच्या कामांमुळे बाधित होणाऱ्या कुटुंबांना पक्की घरे देऊन पुनर्वसन केले जाईल; कुणावरही अन्याय होणार नाही. व्यापारी, दुकानदार आणि शेतकऱ्यांचे नुकसान झाल्यास सरकार मोबदला देईल. साधुग्रामच्या भूसंपादनासंदर्भातील तक्रारीही सोडवल्या जातील. त्र्यंबकेश्वर स्टेडियमसाठी भूसंपादन प्रक्रिया सुरू असून निधीचे नियोजन करण्यात आले आहे. नगरपरिषद प्रशासकीय भवनासाठी आवश्यक निधी दिला जाईल असे यावेळी स्पष्ट केले. या संमेलनाला परमपूज्य जगद्गुरू स्वामी शांतिगिरी महाराज, महंत महामंडलेश्वर शिवगिरी महाराज, महंत सत्यगिरी महाराज, महंत धनंजयगिरी महाराज, महंत शंकरानंद सरस्वती महाराज, महंत रमेशगिरी महाराज, महंत दुर्गानंद महाराज, महंत रामकिशोरदास शास्त्री, महंत दुर्गादास महाराज, महंत रामनवमीदास महाराज, महंत गोपालदास महाराज, संत देवेंद्रसिंह शास्त्री, धर्मवीर आध्यात्मिक सेनेचे प्रदेशाध्यक्ष अक्षय महाराज भोसले तसेच मंत्री दादा भुसे, आमदार सुहास कांदे, गोकुळ गीते, अजय बोरस्ते, विनय करंजे, विजय आमले, प्रवीण आमले आदींसह स्थानिक शिवसेना लोकप्रतिनिधी, पदाधिकारी, शिवसैनिक आणि विविध आखाड्यांचे महामंडलेश्वर, संत-महंत, धर्माचार्य आणि मान्यवर उपस्थित होते. #Shivsena #Nashik #Tryambakeshwar #Simhastha #KumbhMela2026 #EknathShinde #Maharashtra @Shivsenaofc @dadajibhuse