𝖅𝖊𝖉

#TajiriLaKihaya Ni kweli, Mwakimi amewahi kunitafuta DM mara Nyingi saana zaidi ya Mara 100+, toka Mar,2024. Tumechat saana na kusaidiana katika mambo mbalimbali zaidi ya mara 20. Though hatujawahi kukutana wala kuonana! Hata hivyo, kuhusu kinachoendelea sasa, sina sababu ya kutoa hukumu wala kushangazwa na chochote. Kwangu mimi, kutoa msaada ni suala la nia na moyo wa mtu. Hata kama mtu alikuwa anadanganya au hakusema ukweli wote, hilo halibadilishi ukweli kwamba wakati ule kulikuwa na nia ya kusaidia. Mimi naamini Mungu humlipa kila mtu kwa nia yake na kile kilichokuwa moyoni mwake wakati akifanya jambo fulani. Wakati mwingine tunafanya mema kwa watu ambao huenda hawakuwa waaminifu kwetu, lakini hilo lisitufanye tujute kwa wema tulioufanya. Maisha yana mengi ya kujifunza. Si kila mtu tunayemsaidia atakuwa vile tulivyomtarajia, na si kila jambo linalotokea linahitaji hasira, majuto au kelele za mitandaoni. Mimi nalichukulia hili kama sehemu ya maisha. Sina cha kushangaa wala cha kuhuzunika. Nia njema haipotezi thamani yake kwa sababu ya matokeo yasiyotarajiwa.