کۆژین𒀭

کۆی ئەو شتانەی کە لە »لە کلابهاوس و فەیسبووک، بە گەریلا بووەکانی ڕۆژهەڵاتی و باشووری سەر بە تەڤگەری ئاپۆچی»، سەبارەت بە دەستەبەرکردنی مافی کورد لە ڕۆژاوا دەگوترێت، درۆیە. تا ئەم کات و ساتەش هیچ شتێک، نە سەبارەت بە هەرچەشنە هەرێمێک لە ژێر ناوی «کورد»یان «کوردستان»دا، نە ئاماژەیەک بە مافی سیاسی یان کەلتووری و... کورد، لە هیچ کوێیەکی دەستوور یان یاسای «دەوڵەتی عەرەبی سوریا»دا نەهاتووە. هەرکەسیش لەو جۆرە وەڵامە دەداتەوە، لێی بپرسن: ئۆکەی، ئادەی ئەو کاغەزە نووسراو و واژۆکراوانە بخەنە بەردەست. تەنیا شتێک کە تا ئێستا هاتووەتە سەر کاغەز، ئەوەیە کاک مەزڵوم عەبدی بووە بە «موستەشار» (ڕاوێژکار)ی ئەحمەد شەرع. جا نازانم ئەوەی کە تۆ لە ژەنەڕاڵی شەڕی دژە داعشەوە ببیت بە ڕاوێژکاری فەرماندەیەکی داعشی، سەرکەوتنە، یان دەسکەوتە، یان لە ڕاستیدا شکست و تەسلیم و بەڕۆداچوون. یەک شتی تریش کە هەیە، کوردەکان لە دەبستان (سەرەتایی)دا مافیان هەیە هەفتەی دوو وانە بە کوردی بخوێنن؛ ئەویش وا دیارە ــ لە هاونیشتمانیانی ڕۆژاواییم بیستووە ــ کە تەنیا مێژوو و جوگرافیایە، و شیمی و فیزیک و ئەوانە دەبێت هەر بە عەرەبی بخوێنن. (با لەوەش گەڕێن کە ئەمە لە ڕوانگەی داگیرکاری و کۆلۆنیالیزمی چەن مانای قوڵی داگیرکاری هەیە). پاشان هەموو هێزی سەربازی ڕۆژاوا و هەموو ئەو شتانەی کە لە پازدە ساڵی ڕابردوودا ئەرخەیان کرا بوو، بوون بە بەشێک لە ئەرتەشی سوپای سوریای عەرەبی. بەڵێ، ئەو هێزانە کۆنتڕۆڵی ئەو بەشە خاکەی کوردستان کە لە ژێر داگیرکەری سوریادایە، بەدەستەوە دەگرن بۆ دەوڵەتی سوریای عەرەبی. (بەمە دەڵێن خۆسەری خۆ بەڕێوەبەری و ..) ئیتر ئەو قسەقۆڕانەی کە لە «لە کلابهاوس و فەیسبووک بە گەریلا بووەکانی ڕۆژهەڵات و باشوور»دەیکەن، کە گوایە مافی کورد، خۆسەری بەڕێوەبەری، مافی زمانی کوردی و ئەوانە مسۆگەر کراوە، تەواوی خەیاڵاتی خۆیانە. جا بۆ نموونە، هەر لەمێژە دەوڵەتی ئێرانی داگیرکەر مافی خوێندنی چەند وانە بە زمانی کوردی لە ڕۆژهەڵاتی کوردستان بە فەرمی ناسیوە و ئەو شێوە خوێندنە هەیە. هەروەها بەکالۆریۆسی زمانی و ئەدەبی کوردی لە زانکۆی کوردستان هەیە. جێگری سەرۆک‌کۆماری ئێران کوردە و پێشتریش حەمەڕەزای ڕەحیمی جێگری ئەحمەدی‌نەژاد بوو و عەبەی ڕەمەزانزادە دەبیری کابینەی خاتەمی بوو. پارێزگاری چوار پارێزگا لە شەش پارێزگاکەی ڕۆژهەڵاتی کوردستان، کوردن. ئێران نەک جلی کوردی بە فەرمی دەناسێت، بەڵکوو تەنانەت ڕۆژێکی بۆ ڕێزگرتن لە جلی کوردی داناوە. هەروەها لە کابینەی پزشکیان پارێگارەکان تا هەشتا لە سەد ئازادی بڕیاری ئابووری و هەندێ بواری تریان هەیە. ئەمە بەو مانایە نییە کە دەوڵەتی ئێرانی داگیرکەر چاکە؛ بەڵکوو ئەو خۆی بەشێکە لە داگیرکاری و کۆلۆنیالیزمی نەرم. بەس بۆ ئەوەیە کە بڵێم، بەبێ پازدە هەزار شەهید و پەنجا هەزار زامدار و شەل و کوێری شەڕ، ئەم شتانە بە هەوڵ و تێکۆشانێکی زۆری چالاکانی سیاسی و مەدەنی ڕۆژهەڵاتی کوردستان مسۆگەر کراوە. #کوردستان #رۆژاوا #ڕۆژهەڵات