Ndoli #TeamPK🇷🇼

Muri iki gitondo mu ishuri rya @Rwandapolice rya Gishari muri @RwamaganaDistr habereye umuhango wo gusoza amahugurwa y’ibanze yo kwinjiza aba-DASSO bashya mu kazi mu Turere 15. Umuhango wayobowe na Minisitiri @Dominiquehab, witabiriwe n’Umuyobozi Mukuru Wungirije wa Polisi y’Igihugu ushinzwe Ubutegetsi n'Abakozi, DCG Jeanne Chantal Ujeneza n’abandi bayobozi barimo n’ab’Uturere aba-DASSO bashya bazakoreramo. Minisitiri Habimana yavuze ko umutekano ugomba kubumbatirwa kuko ibikorwa byose tumaze kugeraho nk’Igihugu tubikesha umutekano, abasaba no kurwanya ibikiwubangamiye. Yagize ati: Mu gihe twishimira aba barangije amahugurwa, ni umwanya wo kwibukiranya ko hakiri ibyaha n’ibibazo bikomeje kubangamira abaturage umunsi ku wundi birimo ubujura, umwanda, gukubita no gukomeretsa, gukoresha ibiyobyabwenge n’inzoga zitujuje ubuziranenge, ubuzererezi, abana bata amashuri, imitangire mibi ya serivisi harimo no kudakemurira ku gihe ibibazo by’abaturage bigatuma bahora basiragira mu nzego zo hejuru, ihohotera ryo mu ngo n’ibindi bitandukanye bisaba ubufatanye bw’inzego zose n’abaturage mu guhangana nabyo tukabikemura, umuturarwanda akabaho yishimye kandi atekanye.   Ndabasaba mu kazi mugiyemo kuzarangwa n’ikinyabupfura, ubunyamwuga, gukorana umurava kwanga umugayo, gukorera hamwe, kuba abanyakuri no gukora byose mu ishema ry’u Rwanda n’abanyarwanda.