S

திருவள்ளுவருக்குக் காவி சாயம் பூசுவதா? உலகப் பொதுமறை தந்த திருவள்ளுவர் உருவத்திற்குக் காவி நிறம் பூசி, அவரை ஒரு குறிப்பிட்ட மத அடையாளத்திற்குள் அடைக்க முற்படுவது அப்பட்டமான அடையாள அரசியல். அவரது அடையாளத்தை மாற்றத் துடிக்கும் முயற்சிகளுக்குத் தமிழக வெற்றிக் கழகத்தின் சார்பில் வன்மையான கண்டனங்களைத் தெரிவித்துக் கொள்கிறோம்! "பிறப்பொக்கும் எல்லா உயிர்க்கும்" என்று உலகிற்குச் சமத்துவத்தைப் போதித்தவர் திருவள்ளுவர். "பிறப்பால் அனைவரும் சமம்" என்ற உயரிய மனிதநேயக் கருத்தை உலகிற்குப் பறைசாற்றிய எங்கள் திருவள்ளுவரை எந்தவொரு மத அடையாளத்திற்குள்ளும் சுருக்கும் உரிமை யாருக்கும் இல்லை! திருவள்ளுவர் எந்தவொரு மதத்திற்கும் சொந்தமானவர் அல்ல; அவர் ஒட்டுமொத்த மனிதகுலத்திற்குமானவர்! அவரது அடையாளத்தைப் பிரிவினை அரசியலுக்கான கருவியாக்கும் முயற்சிகளை ஒருபோதும் ஏற்க முடியாது. திருவள்ளுவருக்குக் காவி சாயம் பூசுவதை நாம் வன்மையாக எதிர்க்கிறோம்! திருவள்ளுவர் வலியுறுத்திய அறம், அன்பு, சமத்துவம், நீதி ஆகியவற்றை மக்களின் வாழ்வில் நிலைநாட்டுவதே அவருக்கு நாம் அளிக்கும் உண்மையான மரியாதை. அவரை அரசியல் போட்டிகளுக்கான கருவியாக்குவது அவர் போதித்த அறநெறிக்கே முரணானது. திருவள்ளுவர் தமிழர்களின் பெருமை! திருக்குறள் உலகத்தின் பொதுச்சொத்து! திருவள்ளுவர் பொதுவானவர்! காவி சாயம் பூச நினைத்தால் உங்கள் முகத்தில் தமிழ் மண் கரியைப் பூசிவிடும்!